Read Ndebele-IBhayibhili Elingcwele 2006 Ujotjhuwa 16 Bible Online

Ujotjhuwa 16 - Ndebele-IBhayibhili Elingcwele 2006 bible

Ujotjhuwa 16

¹Kwasekuphuma inkatho yabantwana bakoJosefa kusukela eJordani eJeriko, kusiya emanzini eJeriko ngempumalanga, inkangala isenyuka isuka eJeriko entabeni yeBhetheli;

²yasiphuma eBhetheli isiya eLuzi, yadlulela emngceleni wamaAriki eAtarothi,

³yehlela entshonalanga emngceleni wamaJafilethi, isiya emngceleni weBethi-Horoni ngaphansi, kwaze kwaba seGezeri; lokuphuma kwayo kwakuselwandle.

⁴Ngakho abantwana bakoJosefa, uManase loEfrayimi, balidla ilifa.

⁵Lomngcele wabantwana bakoEfrayimi ngokwensendo zabo wawu nje: Ngitsho umngcele welifa labo empumalanga wawuyiAtarothi-Adari kuze kufike eBethi-Horoni ngaphezulu.

⁶Umngcele wasuphumela elwandle, eMikimethathi enyakatho; lomngcele waphendukela empumalanga eTanathi-Shilo, wedlula empumalanga usiya eJanowa;

⁷wasusehla usuka eJanowa usiya eAtarothi leNahara, wagudla iJeriko, waphumela eJordani.

⁸Kusukela eTapuwa umngcele waya entshonalanga esifuleni iKana, lokuphuma kwawo waba selwandle. Leli yilifa lesizwe sabantwana bakoEfrayimi ngokwensendo zabo.

⁹Lemizi eyayehlukaniselwe abantwana bakoEfrayimi yayiphakathi kwelifa labantwana bakoManase, yonke imizi lemizana yayo.

¹⁰Kodwa kabawaxotshanga elifeni amaKhanani ayehlala eGezeri. Ngakho amaKhanani ahlala phakathi kwabakoEfrayimi kuze kube lamuhla, ayesebenza njengezibhalwa.