Read Ndebele-IBhayibhili Elingcwele 2006 Ujotjhuwa 19 Bible Online

Ujotjhuwa 19 - Ndebele-IBhayibhili Elingcwele 2006 bible

Ujotjhuwa 19

¹Inkatho yesibili yasivela yaya kuSimeyoni, eyesizwe sabantwana bakoSimeyoni, ngokwensendo zabo. Lelifa labo laliphakathi kwelifa labantwana bakoJuda.

²Elifeni labo-ke babeleBherishebha leShebha leMolada

³leHazari-Shuwali leBala leEzema

⁴leElitoladi leBethuli leHorma

⁵leZikilagi leBeti-Marikabothi leHazari-Susa

⁶leBeti-Lebawothi leSharuheni; imizi elitshumi lantathu lemizana yayo.

⁷IEni, iRimoni leEtheri leAshani; imizi emine lemizana yayo.

⁸Layo yonke imizana ezingelezele imizi le, kuze kufike eBahalathi-Beri, iRama yeningizimu. Leli yilifa lesizwe sabantwana bakoSimeyoni ngokwensendo zabo.

⁹Ilifa labantwana bakoSimeyoni lavela enkathweni yabantwana bakoJuda; ngoba isigaba sabantwana bakoJuda sasisikhulu kakhulu kibo; ngakho abantwana bakoSimeyoni badla ilifa phakathi kwelifa labo.

¹⁰Inkatho yesithathu yasivela yaya kubantwana bakoZebuluni ngokwensendo zabo. Lomngcele welifa labo wafika eSaridi.

¹¹Umngcele wabo-ke wenyukela entshonalanga leMarala, wafinyelela eDabeshethi wafinyelela esifuleni esiphambi kweJokineyamu;

¹²waphenduka uvela eSaridi usiya empumalanga lapho okuphuma khona ilanga emngceleni weKisilothi-Thabhori, waphuma waya eDaberathi, wenyukela eJafiya;

¹³ususuka lapho wedlulela empumalanga, endaweni yokuphuma kwelanga, usiya eGitha -Heferi leItha-Kazini, waphumela eRimoni, uphendukela eNeya.

¹⁴Lomngcele wayizingelezela enyakatho eHanathoni; lokuphuma kwawo kwaba sesihotsheni seJifitaheli.

¹⁵LeKatathi leNahalali leShimironi leJidala leBhethelehema, imizi elitshumi lambili lemizana yayo.

¹⁶Leli yilifa labantwana bakoZebuluni ngokwensendo zabo: Imizi le lemizana yayo.

¹⁷Inkatho yesine yavela yaya kubantwana bakoIsakari ngokwensendo zabo.

¹⁸Umngcele wabo-ke wawuyiJizereyeli leKesulothi leShunemi

¹⁹leHafarayimi leShiyoni leAnaharathi

²⁰leRabithi leKishiyoni leAbezi

²¹leRemethi leEni-Ganimi leEni-Hada leBeti-Pazezi.

²²Lomngcele wafinyelela eThabhori leShahazima leBeti-Shemeshi; lokuphuma komngcele wabo kwakuseJordani; imizi elitshumi lesithupha lemizana yayo.

²³Leli yilifa lesizwe sabantwana bakoIsakari ngokwensendo zabo, imizi lemizana yayo.

²⁴Inkatho yesihlanu yasivela yaya esizweni sabantwana bakoAsheri ngokwensendo zabo.

²⁵Umngcele wabo-ke wawuyiHelkathi leHali leBeteni leAkishafi

²⁶leAlameleki leAmadi leMishali; wasufinyelela eKharmeli entshonalanga leShihori-Libhinathi,

²⁷waphendukela lapho okuphuma khona ilanga usiya eBeti-Dagoni, wafinyelela eZebuluni lesihotsha seJifitaheli enyakatho waya eBeti-Emeki leNeyiyeli, waphumela eKabuli kwesokhohlo,

²⁸leEbroni leRehobi leHamoni leKana, kwaze kwaba seSidoni enkulu.

²⁹Umngcele wasuphendukela eRama, waya emzini obiyelweyo weTire; lomngcele waphendukela eHosa; lokuphuma kwawo kwakuselwandle, uvela esigabeni usiya eAkizibi

³⁰leUma leAfeki leRehobi; imizi engamatshumi amabili lambili lemizana yayo.

³¹Leli yilifa lesizwe sabantwana bakoAsheri ngokwensendo zabo, imizi le lemizana yayo.

³²Inkatho yesithupha yavela yaya kubantwana bakoNafithali, eyabantwana bakoNafithali ngokwensendo zabo.

³³Umngcele wabo wasusuka eHelefi, esihlahleni se-okhi * eZahananimi leAdami-Nekebi leJabineli, kwaze kwaba seLakumi; lokuphuma kwawo wawuseJordani.

³⁴Umngcele wasuphendukela entshonalanga usiya eAzinothi-Thabhori, waphuma lapho waya eHukoki, wafinyelela eZebuluni ngeningizimu, leAsheri wafinyelela entshonalanga, leJuda eJordani lapho okuphuma khona ilanga.

³⁵Njalo imizi ebiyelweyo yile: IZidimi, iZeri, leHamathi, iRakathi, leKinerethi,

³⁶leAdama, leRama, leHazori,

³⁷leKedeshi, leEdreyi, leEni-Hazori,

³⁸leYironi, leMigidali-Eli, iHorema, leBeti-Anathi, leBeti-Shemeshi; imizi elitshumi lesificamunwemunye lemizana yayo.

³⁹Leli yilifa lesizwe sabantwana bakoNafithali ngokwensendo zabo, imizi lemizana yayo.

⁴⁰Inkatho yesikhombisa yavela yaya esizweni sabantwana bakoDani ngokwensendo zabo.

⁴¹Lomngcele welifa labo wawuyiZora leEshitawoli leIri-Shemeshi

⁴²leShahalabini leAjaloni leJithila

⁴³leEloni leTiminatha leEkhironi

⁴⁴leEliteke leGibethoni leBahalathi

⁴⁵leJehudi leBene-Beraki leGathi-Rimoni

⁴⁶leMe-Jarkoni leRakoni kanye lomngcele oqondene leJafo.

⁴⁷Lomngcele wabantwana bakoDani wavela umncinyane kakhulu kubo. Ngakho abantwana bakoDani benyuka ukuyakulwa bemelene leLeshema; sebeyithumbile bayitshaya ngobukhali benkemba, badla ilifa layo, bahlala kiyo, bayibiza iLeshema ngokuthi yiDani, ngebizo likaDani uyise.

⁴⁸Leli yilifa lesizwe sabantwana bakoDani ngokwensendo zabo, imizi le lemizana yayo.

⁴⁹Kwathi sebeqedile ukwaba ilizwe libe yilifa ngokwemingcele yalo, abantwana bakoIsrayeli bamnika uJoshuwa indodana kaNuni ilifa phakathi kwabo.

⁵⁰Ngokomlayo we Nkosi bamnika umuzi awucelayo, iThiminathi-Sera entabeni yakoEfrayimi, wasesakha umuzi, wahlala kiwo.

⁵¹La ngamafa uEleyazare umpristi loJoshuwa indodana kaNuni lenhloko zaboyise zezizwe zabantwana bakoIsrayeli abawaba aba yilifa ngenkatho eShilo phambi kwe Nkosi, emnyango wethente lenhlangano. Baqeda-ke ukulaba ilizwe.