Read Ndebele-IBhayibhili Elingcwele 2006 2 kwebethesalonika 2 Bible Online

2 kwebethesalonika 2 - Ndebele-IBhayibhili Elingcwele 2006 bible

2 kwebethesalonika 2

¹Siyalincenga-ke, bazalwane, mayelana lokufika kweNkosi yethu uJesu Kristu, lokubuthana kwethu kuyo,

²ukuthi lingaphangisi liqhuqhiswe engqondweni, kumbe lethuswe, loba ngumoya, loba yilizwi, loba yincwadi ngokungathi ivela kithi, ngokungathi usuku lukaKristu selufikile.

³Kakungabi lamuntu olikhohlisayo langayiphi indlela; ngoba aluyikufika ngaphandle kokuthi ukuhlubuka kufike kuqala, lomuntu wesono embulwe, indodana yokubhujiswa,

⁴emelana izikhukhumeze phezu kwakho konke okuthiwa nguNkulunkulu loba yinto ekhonzwayo, ize ihlale ethempelini likaNkulunkulu njengoNkulunkulu, izitshengisa ukuthi inguNkulunkulu.

⁵4Kalikhumbuli yini ukuthi ngiseselani ngalitshela lezizinto?

⁶Selikwazi khathesi okuvimbelayo, ukuze embulwe ngesakhe isikhathi.

⁷Ngoba imfihlo yokungabi lomthetho isasebenza; kuphela kukhona ovimbelayo okwalesisikhathi, aze asuswe phakathi,

⁸khona-ke ezakwembulwa oNgelamthetho, iNkosi ezamqeda ngokuphefumula komlomo wayo, iza m bhubhisa ngokubonakala kokufika kwayo;

⁹lowo okufika kwakhe kunjengokusebenza kukaSathane emandleni wonke lezibonakalisweni lezimangalisweni zamanga,

¹⁰lenkohlisweni yonke yokungalungi kulabo ababhubhayo, ngoba kabemukelanga uthando lweqiniso ukuze basindiswe.

¹¹Ngenxa yalokhu-ke uNkulunkulu uzabathumezela amandla enkohliso, ukuze bakholwe amanga;

¹²ukuze balahlwe bonke abangakholwanga iqiniso, kodwa bathokoza kukho ukungalungi.

¹³Kodwa thina simele ukubonga uNkulunkulu njalonjalo ngani, bazalwane abathandwa beNkosi, ukuthi uNkulunkulu walikhethela usindiso kusukela ekuqaleni, ekungcwelisweni koMoya, lokholo lweqiniso;

¹⁴owalibizela kulokhu ngevangeli lethu, ekuzuzeni inkazimulo yeNkosi yethu uJesu Kristu.

¹⁵Ngakho-ke, bazalwane, manini liqine, libambelele ezimfundisweni elazifundiswayo, loba ngelizwi, kumbe ngencwadi yethu.

¹⁶Kakuthi-ke iNkosi yethu uJesu Kristu uqobo, loNkulunkulu, ngitsho uBaba wethu owasithandayo, lowa si nika induduzo elaphakade lethemba elihle ngomusa,

¹⁷aduduze inhliziyo zenu, aliqinise emazwini lemisebenzini yonke emihle.