Read Ndebele-IBhayibhili Elingcwele 2006 1 Uthimothi 2 Bible Online

1 Uthimothi 2 - Ndebele-IBhayibhili Elingcwele 2006 bible

1 Uthimothi 2

¹Ngakho kuqala kukho konke ngikhuthaza ukuthi ukunxusa, imikhuleko, ukulabhela, ukubonga kwenzelwe abantu bonke;

²amakhosi, labo bonke abayiziphathamandla, ukuze sichithe impilo elokuthula lepholileyo kukho konke ukukhonza uNkulunkulu langenhlonipho;

³ngoba lokhu kuhle kuyemukeleka phambi kukaNkulunkulu uMsindisi wethu,

⁴ofuna ukuthi bonke abantu basindiswe njalo beze elwazini lweqiniso.

⁵Ngoba munye uNkulunkulu, njalo munye umlamuli phakathi kukaNkulunkulu labantu, umuntu uKristu Jesu,

⁶owazinikela yena ukuba lihlawulo labo bonke, ubufakazi ngezikhathi ezifaneleyo,

⁷mina engamiselwa khona ukuba ngumtshumayeli lomphostoli (ngikhuluma iqiniso kuKristu, kangiqambi manga ) umfundisi wabezizwe ekholweni leqinisweni.

⁸Ngakho ngifisa ukuthi amadoda akhuleke kuyo yonke indawo, ephakamisa izandla ezingcwele, engelalaka lokuxabana.

⁹Ngokunjalo labesifazana bazicecise ngezigqoko ezifaneleyo, lenhlonipho lokuqonda, kungabi ngenwele ezelukiweyo, kumbe igolide, kumbe amapharele*, kumbe izembatho ezidulayo,

¹⁰kodwa, okufanele abesifazana abathi bakhonza uNkulunkulu, ngemisebenzi emihle.

¹¹Owesifazana kafunde ngokuthula ekuzithobeni konke.

¹²Kodwa kangivumeli owesifazana ukuthi afundise, kumbe abe lamandla phezu kowesilisa, kodwa abe ekuthuleni.

¹³Ngoba uAdamu wabunjwa kuqala, emva kwalokho uEva;

¹⁴futhi uAdamu kakhohliswanga, kodwa owesifazana esekhohlisiwe waba sesiphambekweni,

¹⁵kodwa uzasindiswa ngokuzala abantwana, uba behlala ekholweni lethandweni lebungcweleni kanye lokuqonda.