Read Ndebele-IBhayibhili Elingcwele 2006 1 Uthimothi 5 Bible Online

1 Uthimothi 5 - Ndebele-IBhayibhili Elingcwele 2006 bible

1 Uthimothi 5

¹Ungamkhalimeli omdala, kodwa m eluleke njengoyihlo; abatsha njengabafowenu;

²abesifazana abadala njengonyoko; abesifazana abatsha njengabodadewenu, ekuhlambulukeni konke.

³Hlonipha abafelokazi abangabafelokazi isibili.

⁴Kodwa uba umfelokazi othile elabantwana loba abazukulu, kabafunde kuqala ukuhlonipha indlu yakwabo, kabenanise umkhondo kubazali; ngoba lokhu kuhle kuyemukeleka phambi kukaNkulunkulu.

⁵Lowo-ke ongumfelokazi isibili osele yedwa uthembele kuNkulunkulu, uhlala ekunxuseni lemikhulekweni ebusuku lemini.

⁶Kanti lowo ozinikela ekuzithokoziseni, ufile ephila.

⁷Laya-ke nga lezizinto, ukuze bangasoleki.

⁸Kodwa uba umuntu engondli abakibo, ikakhulu abendlu yakhe, uluphikile ukholo, futhi mubi kulongakholwayo.

⁹Kabalwa umfelokazi ongengaphansi kweminyaka engamatshumi ayisithupha, umfazi owake wenda endodeni kanye,

¹⁰onconywa ngemisebenzi emihle, uba ondle abantwana, uba engenise izihambi, uba egezise inyawo zabangcwele, uba esize abahluphekayo, uba ekhuthalele wonke umsebenzi omuhle.

¹¹Kodwa abafelokazi abatsha ubale; ngoba nxa sebelenkanuko ezimelana loKristu, bafuna ukwenda;

¹²balokulahlwa, ngoba bachithile ukholo lwabo lokuqala.

¹³Futhi ngesikhathi esifananayo-ke bafunda ukuvilapha bezula lezindlu, futhi benga vilaphi kuphela, kodwa babuye bahlebe bengena kokungeyisikho okwabo, bekhuluma okungafanelanga.

¹⁴Ngakho ngifisa ukuthi abafelokazi abatsha bende, bazale abantwana, baphathe umuzi wabo, banganiki isitha lathuba lokuthuka.

¹⁵Ngoba lakhathesi abanye sebephambuke balandela uSathane.

¹⁶Uba okholwayo owesilisa kumbe okholwayo owesifazana elabafelokazi, kabasize, njalo ibandla lingathwaliswa nzima, ukuze lisize abangabafelokazi isibili.

¹⁷Abadala abaphatha kuhle bafanele ukuhlonitshwa ngokuphindiweyo, ikakhulu labo abasebenza nzima elizwini lekufundiseni;

¹⁸ngoba umbhalo uthi: Ungayifaki isayeke inkabi ebhulayo; futhi uthi: Isisebenzi sifanele iholo laso.

¹⁹Ungalemukeli icala elimelana lomdala, ngaphandle phambi kwabafakazi ababili kumbe abathathu.

²⁰Abonayo basole phambi kwabo bonke, ukuze abanye labo babe lokwesaba.

²¹Ngiya ku layisisa phambi kukaNkulunkulu leNkosi uJesu Kristu lengilosi ezikhethiweyo, ukuze uzigcine lezizinto ngokungaqumi okungakathoniswa, ungenzi lutho ngokubandlulula.

²²Ungaphangisi ukubeka izandla phezu komuntu, futhi ungahlanganyeli ezonweni zabanye; uzigcine wena umsulwa.

²³Ungabe usanatha amanzi wodwa, kodwa sebenzisa iwayini elilutshwana, ngenxa yesisu sakho lemikhuhlane yakho futhifuthi.

²⁴Izono zabanye abantu zisobala, zibaqalela ukuya ekugwetshweni; kanti ezabanye ziyalandela.

²⁵Ngokunjalo lemisebenzi emihle isobala; laleyo eyehlukileyo ingeke ifihlakale.