Read Ndebele-IBhayibhili Elingcwele 2006 1 Uthimothi 6 Bible Online

1 Uthimothi 6 - Ndebele-IBhayibhili Elingcwele 2006 bible

1 Uthimothi 6

¹Bonke abangaphansi kwejogwe, izigqili, kabathi amakhosi abo afanele konke ukuhlonitshwa, ukuze ibizo likaNkulunkulu lemfundiso kungadunyazwa;

²labalamakhosi akholwayo banga wa deleli, ngoba engabazalwane; kodwa kulalokhu kaba wa sebenzele, ngoba ekholwa njalo ethandeka, abahlanganyeli benzuzo. Fundisa njalo ukhuthaze lezizinto.

³Uba kukhona ofundisa okwehlukileyo, njalo engavumelani lamazwi aphilileyo, aweNkosi yethu uJesu Kristu, lemfundiso evumelana lokukhonza uNkulunkulu,

⁴uyazikhukhumeza, kazi lutho, kodwa ubulawa yinkani lemibuzo lokuphikisana ngamazwi, okuvela kukho umona, umbango, ukuthuka, imicabango emibi,

⁵ukuxabaxabana kwabantu abangqondo yabo yonakele, labalahlekelwe liqiniso, besithi ukukhonza uNkulunkulu kuyindlela yenzuzo. Zehlukanise labanjalo.

⁶Kodwa ukukhonza uNkulunkulu lokwenela kuyinzuzo enkulu;

⁷ngoba kasizanga lalutho emhlabeni; kusobala ukuthi kasiyikusuka lalutho;

⁸kodwa uba silokudla lezembatho sizakweneliswa yikho.

⁹Kodwa abafisa ukunotha bawela ekulingweni lemjibileni, lenkanukweni ezinengi zobuphukuphuku ezilimazayo, ezicwilisela abantu encithakalweni lekubhujisweni;

¹⁰ngoba uthando lwemali luyimpande yakho konke okubi; abanye beyifisa baduhile ekholweni, bazigwaza ngenhlungu ezinengi.

¹¹Kodwa wena O muntu kaNkulunkulu, balekela lezizinto; njalo udingisise ukulunga, ukwesaba uNkulunkulu, ukholo, uthando, ukubekezela, ubumnene.

¹²Lwana ukulwa okuhle kokholo, ubambelele empilweni ephakade, owabizelwa kuyo, wavuma uvumo oluhle phambi kwabafakazi abanengi.

¹³Ngiyakulaya phambi kukaNkulunkulu ophilisa konke, loKristu Jesu owafakaza uvumo oluhle phambi kukaPontiyusi Pilatu,

¹⁴ukuthi ugcine umthetho ungelasici, ungasoleki, kuze kube sekubonakaleni kweNkosi yethu uJesu Kristu,

¹⁵ozakubonakalisa ngezakhe izikhathi oBusisiweyo loSomandla oyedwa, iNkosi yamakhosi, loMbusi wababusi,

¹⁶yena yedwa olokungafi, ohlala ekukhanyeni okungelakusondelelwa, akulamuntu ebantwini owambonayo, kumbe ongambona; okukuye udumo lamandla aphakade. Ameni.

¹⁷Laya abanothileyo emhlabeni wakhathesi ukuthi bangazigqaji, bangathembeli ekungaqondini kwenotho, kodwa kuNkulunkulu ophilayo osipha ngokunotha zonke izinto ukuze sithokoze,

¹⁸benze okuhle, banothe emisebenzini emihle, balungele ukupha, ukwabelana ngesihle,

¹⁹bazibekele isisekelo esihle sibek elwa okuzayo, ukuze babambe impilo elaphakade.

²⁰O Timothi, londoloza kuhle okubekwe kuwe, xwaya ukukhuluma okuyize okungcolileyo lokuphikisana kwalokho okuthiwa lulwazi kungeyisilo,

²¹okuthe abanye ngokukuvuma baduha ekholweni. Umusa kawube lani. Ameni.