Read Ndebele-IBhayibhili Elingcwele 2006 2 Uthimothi 3 Bible Online

2 Uthimothi 3 - Ndebele-IBhayibhili Elingcwele 2006 bible

2 Uthimothi 3

¹Kodwa yazi lokhu, ukuthi ensukwini zokucina kuzafika izikhathi ezinzima.

²Ngoba abantu bazakuba ngabazithandayo, abathanda imali, abaziqakisayo, abazigqajayo, abahlambazayo, abangalaleli abazali, abangabongiyo, abangangcwele,

³abangelathando ngemvelo, abangelakuxoliswa, abahlebayo, abangazikhuziyo, abalolaka, abangathandi okuhle,

⁴abanikela abanye, abalamawala, abazikhukhumezayo, abathanda intokozo kulokuthanda uNkulunkulu,

⁵abalesimo sokukhonza uNkulunkulu, kodwa amandla alo bewaphika; labanjalo baxwaye.

⁶Ngoba okuvela kubo labo ngabanyenyela ezindlini, njalo bathumbe abesifazana ababuthakathaka abasindwa yizono, bebuswa zinkanuko eziyinhlobonhlobo,

⁷befunda njalonjalo, futhi bengasoze babelakho ukufika elwazini lweqiniso.

⁸Njengoba-ke uJane loJambere bamelana loMozisi, ngokunjalo lalaba bamelana leqiniso, abantu abalengqondo eyonakeleyo, abangasizi lutho mayelana lokholo.

⁹Kodwa kabayikuqhubekela phambili; ngoba ubuthutha babo buzakuba sobala kibo bonke, njengoba kwaba njalo lakobabo.

¹⁰Kodwa wena ulandele ngokunanzelela imfundiso yami, ukuziphatha, injongo, ukholo, ukubekezela, uthando, ukuqinisela,

¹¹ukuzingelwa, izinhlupheko, njengalokhu okwangehlela eAntiyoki, eIkoniyuma, eListra, ukuzingelwa okunjani engakuthwalayo; njalo kukho konke iNkosi yangophula.

¹²Isibili labo bonke abathanda ukuphila ngokwesaba uNkulunkulu kuKristu Jesu bazazingelwa;

¹³kodwa abantu ababi labakhohlisi bazaqhubekela phambili bedlulisa ebubini, bekhohlisa njalo bekhohliswa.

¹⁴Kodwa wena mana kulezozinto ozifundileyo lowaqiniseka kuzo, usazi ukuthi u zi funde kubani,

¹⁵lokuthi kusukela ebuntwaneni wayazi imibhalo engcwele, elamandla okukuhlakaniphisa kube sesindisweni ngokholo olukuKristu Jesu.

¹⁶Wonke umbhalo waphefumulelwa nguNkulunkulu, njalo ulungele imfundiso, ukukhalimela, ukuqondisa, ukufundisa okusekulungeni;

¹⁷ukuze umuntu kaNkulunkulu aphelele, alungisiselwe wonke umsebenzi omuhle.