Read Ndebele-IBhayibhili Elingcwele 2006 Amahebheru 11 Bible Online

Amahebheru 11 - Ndebele-IBhayibhili Elingcwele 2006 bible

Amahebheru 11

¹Ngakho ukholo luyikuqiniseka kwezinto ezithenjwayo, ubufakazi bezinto ezingabonwayo.

²Ngoba ngalo abadala bafakazelwa.

³Ngokholo sibona ukuthi imihlaba yadalwa ngelizwi likaNkulunkulu, kuze kuthi izinto ezibonwayo kaziveli ezintweni ezibonakalayo.

⁴Ngokholo uAbela wanikela kuNkulunkulu umhlatshelo ongcono kuloKhayini, owazuza ngawo ubufakazi bokuthi ulungile, uNkulunkulu efakazela izipho zakhe; langalo efile usakhuluma.

⁵Ngokholo uEnoki wasuswa ukuze angaboni ukufa, njalo akatholwa, ngoba uNkulunkulu wayesemsusile; ngoba engakasuswa wafakazelwa ngokuthi umthokozisile uNkulunkulu;

⁶kodwa ngaphandle kokholo kakwenzeki uku m thokozisa; ngoba ozayo kuNkulunkulu umele akholwe ukuthi ukhona, lo kuthi ungumvuzi walabo abamdingisisayo.

⁷Ngokholo uNowa exwayisiwe nguNkulunkulu ngezinto ebezingakabonwa, esesaba, wakha umkhumbi wosindiso lwendlu yakhe; alahla umhlaba ngawo, wasesiba yindlalifa yokulunga ngokokholo.

⁸Ngokholo uAbrahama walalela ebizwa ukuthi aphume aye endaweni ayezayemukela ibe yilifa, waphuma, engazi lapho aya khona.

⁹Ngokholo wahlala njengomuntu wezizweni elizweni lesithembiso, njengelemzini, ehlala emathenteni loIsaka loJakobe, ababeyizindlalifa kanye laye zalesosithembiso;

¹⁰ngoba wayelindele umuzi olezisekelo, omqambi wesimo lomakhi wawo nguNkulunkulu.

¹¹Ngokholo laye uSara uqobo wazuza amandla okwemukela inhlanyelo, esedlulelwe yisikhathi sobudala wabeletha, ngoba wathi uthembekile lowo owathembisayo.

¹²Ngakho-ke bazalwa ngoyedwa, lalezizinto zivela kosefile, abangangenkanyezi zezulu ngobunengi, langangetshebetshebe elisekhunjini lolwandle elingelakubalwa.

¹³Bonke laba bafela ekholweni, bengemukelanga izithembiso, kodwa bazibonela khatshana, baqiniseka, ba zi gona, njalo bavuma ukuthi bangabezizwe lezihambi emhlabeni.

¹⁴Ngoba abatsho izinto ezinje batshengisa ukuthi badinga ilizwe lakibo.

¹⁵Uba-ke kambe babecabanga ngalelo ababesuke kulo, babengaba lethuba lokubuyela;

¹⁶kodwa khathesi-ke balangatha elingcono, elingelezulwini; ngakho uNkulunkulu kalanhloni ngabo, ukuthiwa nguNkulunkulu wabo; ngoba ubalungisele umuzi.

¹⁷Ngokholo uAbrahama wanikela uIsaka lapho ehlolwa, lalowo owemukela izithembiso wayenikela ozelwe yedwa wakhe,

¹⁸okwakuthiwe kuye: KuIsaka inzalo yakho izabizwa;

¹⁹wathi uNkulunkulu ulamandla okuvusa lakwabafileyo; lapho laye amzuze evela khona ngokulinganisa.

²⁰Ngokholo uIsaka wabusisa uJakobe loEsawu ngezinto ezizayo.

²¹Ngokholo uJakobe esesifa wabusisa lowo lalowo wamadodana kaJosefa, wasekhonza ebambelele phezu kodondolo lwakhe.

²²Ngokholo uJosefa esesifa wakhuluma ngokuphuma kwabantwana bakoIsrayeli, waselayezela ngamathambo akhe.

²³Ngokholo uMozisi esezelwe wafihlwa ngabazali bakhe inyanga ezintathu, ngoba babona ukuthi ngumntwana omuhle; njalo bengawesabi umthetho wenkosi.

²⁴Ngokholo uMozisi esekhulile wala ukuthiwa uyindodana yendodakazi kaFaro,

²⁵kulalokho wakhetha ukuphathwa kubi kanye labantu bakaNkulunkulu kulokuthi abe lentokozo yesono isikhatshana;

²⁶wathi ukuthukwa kukaKristu kuyinotho enkulu kulamagugu eGibhithe; ngoba wayekhangele umvuzo.

²⁷Ngokholo watshiya iGibhithe, engalwesabi ulaka lwenkosi; ngoba waqinisela kungathi uyambona oNgabonwayo.

²⁸Ngokholo wagcina iphasika lokufafazwa kwegazi, ukuze lowo obhubhisa amazibulo angabathinti.

²⁹Ngokholo badabula uLwandle oluBomvu njengemhlabathini owomileyo; okwathi amaGibhithe bekulinga lokho baminzwa.

³⁰Ngokholo imiduli yeJeriko yadilika, isibhodiwe insuku eziyisikhombisa.

³¹Ngokholo uRahabi isifebe kabhubhanga kanye labangakholwanga, esezemukele izinhloli ngokuthula.

³²Ngisezathini? Ngoba ngingaphelelwa yisikhathi ngilandisa ngoGidiyoni loBaraki loSamsoni loJefitha loDavida loSamuweli labaprofethi;

³³abathi ngokholo banqoba imibuso, bebenza ukulunga, bazuza izithembiso, bavala imilomo yezilwane,

³⁴bacitsha amandla omlilo, baphepha ubukhali benkemba, bazuza amandla ebuthakathakeni, baqina empini, baxotsha amabutho awezizwe.

³⁵Abesifazana bemukela abafileyo babo bevela ekuvukeni; labanye bazwiswa ubuhlungu, bengemukeli ukukhululwa, ukuze bazuze ukuvuka okungcono;

³⁶abanye balingwa ngokwenziwa inhlekisa lokutshaywa, futhi langezibopho langentolongo;

³⁷bakhandwa ngamatshe, basahwa phakathi, balingwa, bafa ekubulaweni ngenkemba; bazula bembethe izigogo zezimvu le zigogo zezimbuzi, baswela, bazwiswa ubuhlungu, baphathwa kubi,

³⁸(umhlaba ongabafanelanga bona ) bazula ezinkangala l e zintab eni l e zimbal wini l e mihom eni yomhlaba.

³⁹Labo bonke laba, befakazelwe ngokholo kabazuzanga isithembiso,

⁴⁰lokhu uNkulunkulu wayesinakekele ngaphambili okungcono, ukuze kuthi ngaphandle kwethu bangapheleliswa.