Read Ndebele-IBhayibhili Elingcwele 2006 Amahebheru 2 Bible Online

Amahebheru 2 - Ndebele-IBhayibhili Elingcwele 2006 bible

Amahebheru 2

¹Ngenxa yalokhu kufanele siqaphelisise izinto e si zizwileyo, hlezi mhlawumbe sikhukhulwe.

²Ngoba uba ilizwi elakhulunywa zingilosi laqiniseka, lakho konke ukuphambuka lokungalaleli kwemukela ukuphindisela ngokokulunga,

³thina sizaphepha njani uba sidelela usindiso olungaka? Olwaqala ukukhulunywa yiNkosi, lwaqiniswa kithi yilabo aba yi zwayo,

⁴uNkulunkulu efakaza kanye la bo ngezibonakaliso lezimangaliso, lamandla azinhlobonhlobo, lokwabelwa kukaMoya oNgcwele, njengokwentando yakhe.

⁵Ngoba kehliselanga ngaphansi kwezingilosi ilizwe elizayo, esikhuluma ngalo.

⁶Kodwa omunye ufakazile kanzulu endaweni ethile esithi: Umuntu uyini, ukuthi umkhumbule? kumbe indodana yomuntu, ukuthi uyinanze?

⁷Wamenza okwesikhatshana waba phansi kulezingilosi; wamethwesa umqhele wobukhosi lodumo; wammisa phezu kwemisebenzi yezandla zakho;

⁸izinto zonke wazehlisela ngaphansi kwenyawo zakhe. Ngoba ekwehliseni izinto zonke ngaphansi kwakhe, katshiyanga lutho olungehliselwanga kuye. Kodwa khathesi kasikaziboni izinto zonke zehliselwe kuye.

⁹Kodwa siyambona uJesu, etheswe umqhele wobukhosi lodumo, owenziwa okwesikhatshana waba phansi kulezingilosi, ngenxa yenhlupheko yokufa, ukuze ngomusa kaNkulunkulu azwele wonke ukufa.

¹⁰Ngoba kwakumfanele, ezikhona zonke izinto ngenxa yakhe, lezikhona zonke ngaye, ukuthi, lapho eletha abantwana abanengi enkazimulweni, amphelelise umkhokheli wosindiso lwabo ngezinhlupheko.

¹¹Ngoba lalowo ongcwelisayo labangcwelisiweyo, bonke bavela koyedwa; ngalesosizatho kalanhloni ukubabiza ngokuthi ngabafowabo,

¹²esithi: Ngizatshumayela ibizo lakho kubafowethu, ngizakuhlabelela indumiso phakathi kwebandla.

¹³Futhi-ke: Mina ngizathemba kuye. Futhi-ke: Khangela mina labantwana uNkulunkulu anginike bona.

¹⁴Ngakho njengoba abantwana behlanganyele inyama legazi, laye uqobo wahlanganyela khona lokho, ukuze ngokufa amchithe yena obelamandla okufa, onguSathane,

¹⁵abakhulule labo bonke abathi ngokwesaba ukufa impilo yabo yonke babebanjwe ebugqilini.

¹⁶Ngoba isibili kazithatheli izingilosi, kodwa uzithathela inzalo kaAbrahama.

¹⁷Ngenxa yalokho kwamfanela ukuthi abe njengabafo wabo kuzo zonke izinto, ukuze abe ngumpristi omkhulu olesihawu lothembekileyo ezintweni ezimayelana loNkulunkulu, ukuze enze inhlawulo yokuthula ngezono zabantu.

¹⁸Ngoba kulokhu ahlupheke kukho uqobo elingwa, ulamandla okusiza abalingwayo.