Read Ndebele-IBhayibhili Elingcwele 2006 Amahebheru 4 Bible Online

Amahebheru 4 - Ndebele-IBhayibhili Elingcwele 2006 bible

Amahebheru 4

¹Ngakho, lapho sisekhona isithembiso sokungena ekuphumuleni kwakhe, kasesabe hlezi loba nini kube khona omunye wenu obonakala esehluleka;

²ngoba lathi satshunyayezwa ivangeli, njengabo; kodwa ilizwi lombiko kalibasizanga bona, lokhu lingahlangananga lokholo kulabo abalizwayo;

³ngoba thina esikholwayo siyangena ekuphumuleni, njengoba watsho ukuthi: Njengoba ngifungile ekuthukutheleni kwami ngathi: Kabayikungena ekuphumuleni kwami; lanxa imisebenzi yayiqediwe kusukela ekusekelweni komhlaba.

⁴Ngoba utshilo kwenye indawo ngo suku lwesikhombisa kanje: UNkulunkulu wasephumula ngosuku lwesikhombisa emisebenzini yakhe yonke;

⁵lakul indawo uthi futhi: Kabayikungena ekuphumuleni kwami.

⁶Ngakho lokhu kusalele ukuthi abanye bangene kukho, lalabo abatshunyayezwa ivangeli kuqala kabangenanga ngokungalaleli,

⁷ubuye aqume usuku oluthile athi: Lamuhla, utsho ngoDavida, emva kwesikhathi esingaka, njengokwatshiwo ukuthi: Lamuhla uba lizalizwa ilizwi lakhe, lingazenzi zibe lukhuni inhliziyo zenu.

⁸Ngoba uba uJoshuwa wayebaphumuzile, wayengayikukhuluma emva kwalokhu ngolunye usuku.

⁹Ngakho kubasalele abantu bakaNkulunkulu ukuphumula kwesabatha.

¹⁰Ngoba ongenileyo ekuphumuleni kwakhe laye usephumule emisebenzini yakhe, njengoNkulunkulu kweyakhe.

¹¹Ngakho asikhuthalele ukungena kulokhokuphumula, ukuze kungabi lowela kulesisibonelo sokungalaleli.

¹²Ngoba ilizwi likaNkulunkulu liphilile, lilamandla, libukhali kuloba yiyiphi inkemba esika nhlangothi zombili, lihlaba kuze kube sekwehlukanisweni kwakho konke umphefumulo lomoya, wonke amalunga lomnkantsho, njalo lingumhloli okhaliphileyo wemicabango lezizindlo zenhliziyo.

¹³Futhi kakulalutho oludaliweyo olungabonakaliyo phambi kwakhe; kodwa zonke izinto zembuliwe zisobala emehlweni akhe esilokuzilanda kuye.

¹⁴Ngakho lokhu silompristi omkhulu kakhulu, odlulele emazulwini, uJesu iNdodana kaNkulunkulu, asibambelele kusivumo sethu.

¹⁵Ngoba kasilaye umpristi omkhulu ongelakuzwelana lobuthakathaka bethu, kodwa owalingwa kukho konke njenga thi, e ngelasono.

¹⁶Ngakho kasisondele ngesibindi esihlalweni sobukhosi somusa, ukuze semukele isihawu, sithole umusa wosizo ngesikhathi esifaneleyo.