Read Ndebele-IBhayibhili Elingcwele 2006 Amahebheru 6 Bible Online

Amahebheru 6 - Ndebele-IBhayibhili Elingcwele 2006 bible

Amahebheru 6

¹Ngakho, sitshiya izinto zakuqala zemfundiso kaKristu, kasiqhubekele kokupheleleyo, singabeki futhi isisekelo sokuphenduka emisebenzini efileyo, lesokholo kuNkulunkulu,

²semfundiso yenhlobo zobhabhathizo, lesokubeka izandla, lesokuvuka kwabafileyo, lesokwahlulelwa okulaphakade.

³Lalokhu sizakwenza, nxa kuphela uNkulunkulu evuma.

⁴Ngoba kakulakwenzeka ukuthi labo asebake bakhanyiswa, banambitha isipho sezulwini, baba ngabahlanganyeli bakaMoya oNgcwele,

⁵banambitha ilizwi elihle likaNkulunkulu, lamandla elizwe elizayo,

⁶basebehlamuka, labo-ke ukuthi babuye ba vuselwe ekuphendukeni, lokhu bephinda bezibethelela iNdodana kaNkulunkulu, be yi thela ihlazo obala;

⁷ngoba umhlabathi onatha izulu elifika kanengi phezu kwawo, ubusumilisa imibhida ebasizayo labo olinywa yibo, wemukela isibusiso esivela kuNkulunkulu;

⁸kodwa lowo oveza ameva lokhula oluhlabayo, uyaliwa useduze lokuqalekiswa, okuphela kwakho kusekutshisweni.

⁹Kodwa siqiniseka ngani izinto ezingcono, bathandekayo, lezilosindiso, lanxa sikhuluma njalo;

¹⁰ngoba uNkulunkulu kayisuye ongalunganga ukuthi akhohlwe umsebenzi wenu lomsebenzi onzima wothando elalubonakalisa ebizweni lakhe, ngokusebenzela abangcwele li saba sebenzela.

¹¹Kodwa sifisa ukuthi ngulowo lalowo wenu akubonakalise lokhukukhuthala ekuqinisekeni okupheleleyo kwethemba ekupheleni;

¹²ukuze lingabi ngabavilaphayo, kodwa abalingisi babo abathi ngokholo langokubekezela badla ilifa lezithembiso.

¹³Ngoba lapho uNkulunkulu ethembisa kuAbrahama, ngoba wayengelaye omkhulu kula ye angafunga ngaye, wazifunga ngaye uqobo,

¹⁴esithi: Isibili ukubusisa ngizakubusisa, lokwandisa ngizakwandisa.

¹⁵Langokunjalo esebekezele wazuza isithembiso.

¹⁶Ngoba isibili abantu bayafunga ngomkhulu ku labo, lesifungo sokuqinisa siyisiphetho sakho konke ukuphikisana kibo.

¹⁷Okwathi uNkulunkulu kukho, ethanda ukubonisa ngokwengezelelweyo kakhulu kuzindlalifa zesithembiso ukungaphenduki kwecebo lakhe, walamula ngesifungo,

¹⁸ukuze, ngezinto ezimbili ezingaphendukiyo, okukuzo okungelakwenzeka ukuthi uNkulunkulu aqambe amanga ngazo, sibe lenduduzo elamandla, thina esibalekele ukuphephela ukubambelela ethembeni elibekwe phambi kwethu;

¹⁹esilalo njengengwegwe yomphefumulo eqinileyo legxilileyo, lingena kokuphakathi kweveyili;

²⁰lapho isigijimi esingumanduleli sasingenela khona, uJesu, esaba ngumpristi omkhulu ephakadeni ngokohlobo kaMelkizedeki.