Read Ndebele-IBhayibhili Elingcwele 2006 Amahebheru 7 Bible Online

Amahebheru 7 - Ndebele-IBhayibhili Elingcwele 2006 bible

Amahebheru 7

¹Ngoba uMelkizedeki lo, inkosi yeSalema, umpristi kaNkulunkulu oPhezukonke, owahlangabeza uAbrahama mhla ebuya ekubulaleni amakhosi, wasembusisa,

²uAbrahama laye wamabela ingxenye yetshumi yakho konke; kuqala uphendulelwa ngokuthi inkosi yokulunga, emva kwalokhu beseku thiwa futhi inkosi yeSalema, okuyikuthi inkosi yokuthula;

³kalayise, kalanina, kalasendo, kalakuqala kwensuku kumbe ukuphela kwempilo, kodwa esenziwe wafanana leNdodana kaNkulunkulu, uhlala engumpristi laphakade.

⁴Bonani-ke ukuthi mkhulu kangakanani lo, ngitsho uAbrahama ukhokho amnika ingxenye yetshumi yezimpango.

⁵Lalabo abavela emadodaneni kaLevi abemukela ubupristi balomlayo wokwemukela ingxenye yetshumi ebantwini ngokomthetho, okuyikuthi kubafowabo, lanxa bevela ekhalweni lukaAbrahama;

⁶kodwa yena ongabalelwa osendweni lwabo, wemukela ingxenye yetshumi kuAbrahama, wasembusisa lowo owayelezithembiso.

⁷Njalo kungelakuphikwa ngitsho ukuthi: Omncinyane ubusiswa ngomkhulu.

⁸Lapha-ke abantu abafayo bemukela ingxenye yetshumi; kodwa lapho esemukela lowo okufakazwa ngaye ukuthi uyaphila.

⁹Kungatshiwo-ke, uLevi laye owemukela ingxenye yetshumi wanikela ingxenye yetshumi ngoAbrahama;

¹⁰ngoba wayesesekhalweni lukayise, mhla uMelkizedeki emhlangabeza.

¹¹Ngakho-ke uba kwakukhona ukuphelela ngobupristi bukaLevi (ngoba isizwe sanikwa umlayo ngaphansi kwabo), kwakusaswelekelani ukuthi kuvele omunye umpristi ngokohlobo kaMelkizedeki, lokungatshiwo ngokwendlela kaAroni?

¹²Ngoba uba ubupristi buphendulwa, kuyadingeka ukuthi kube khona lokuphendulwa komlayo.

¹³Ngoba lowo okukhulunywa ngaye lezizinto ungowesinye isizwe, okungabanga khona kuso owanakekela ilathi.

¹⁴Ngoba kusobala ukuthi iNkosi yethu yavela koJuda, isizwe uMozisi angakhulumanga lutho ngaso mayelana lobupristi.

¹⁵Njalo kusesobala ngokwengezelelwe kakhulu, uba sekusima omunye umpristi njengokofuzo lukaMelkizedeki,

¹⁶ongenziwanga ngokomthetho wesimiso senyama, kodwa ngokwamandla empilo engelakuphela;

¹⁷ngoba ufakaza esithi: Wena ungumpristi kuze kube nininini ngokohlobo kaMelkizedeki.

¹⁸Ngoba ukuchithwa komthetho wokuqala kwenziwa ngenxa yobuthakathaka lokungasizi lutho kwawo;

¹⁹ngoba umlayo kawuzanga wenze ulutho luphelele, kodwa uyisingeniso sethemba elingcono, esisondela ngalo kuNkulunkulu.

²⁰Njalo okungangokuthi k enziwa nga ngaphandle kwesifungo,

²¹(ngoba bona baba ngabapristi ngaphandle kwesifungo, kodwa yena ngesifungo ngalowo owathi kuye: INkosi yafunga njalo kayiyikuzisola yathi: Wena ungumpristi kuze kube nininini ngokohlobo kaMelkizedeki)

²²uJesu waba yisibambiso sesivumelwano esingcono kakhulu.

²³Lalabo babebanengi ababa ngabapristi, ngoba bavinjelwa yikufa ukuthi bahlale njalo;

²⁴kodwa lo, ngenxa yokuthi uhlala kuze kube phakade, ulobupristi obungadluliyo.

²⁵Ngenxa yalokho laye ulamandla okusindisa ngokupheleleyo abeza kuNkulunkulu ngaye, lokhu ephilela njalo ukubanxusela.

²⁶Ngoba umpristi omkhulu onjalo usifanele, ongcwele, ongelacala, ongelasici, owehlukanisiweyo kuzoni, lowenziwa waphakama kulamazulu;

²⁷ongadingi insuku ngensuku, njengabapristi abakhulu, ukunikela imihlatshelo esenz ela ezakhe izono kuqala, emva kwalokho ezabantu; ngoba lokho wakwenza kanye mhla ezinikela yena.

²⁸Ngoba umlayo uyamisa abantu babe ngabapristi abakhulu, abalobuthakathaka; kodwa ilizwi lesifungo elalandela umlayo lamisa iNdodana ephelelisiweyo kuze kube nininini.