Read Ndebele-IBhayibhili Elingcwele 2006 Ujakopo 1 Bible Online

Ujakopo 1 - Ndebele-IBhayibhili Elingcwele 2006 bible

Ujakopo 1

¹UJakobe, inceku kaNkulunkulu leyeNkosi uJesu Kristu, kuzo izizwe ezilitshumi lambili ezisekuhlakazekeni, ngiyabingelela.

²Kubaleni njenge ntokozo yonke, bazalwane bami, nxa liwela ezilingweni ezizinhlobonhlobo,

³lisazi ukuthi ukuhlolwa kokholo lwenu kuveza ukubekezela;

⁴kodwa ukubekezela kakube lomsebenzi opheleleyo, ukuze libe ngabapheleleyo liphelelisiwe, lingasileli ngalutho.

⁵Njalo uba kukhona kini oswele inhlakanipho, kacele kuNkulunkulu ophanayo ngesihle kibo bonke, futhi kasoli, njalo uzayinikwa.

⁶Kodwa kacele ekholweni engathandabuzi ngalutho; ngoba othandabuzayo unjengegagasi lolwandle eliqhutshwa ngumoya lizuliswe.

⁷Ngoba lowomuntu kangacabangi ukuthi uzazuza ulutho eNkosini.

⁸Indoda enhliziyombili kayijikamanga endleleni zayo zonke.

⁹Lomzalwane ophansi kazincome ekuphakameni kwakhe;

¹⁰lonothileyo ekuthotshisweni kwakhe; ngoba njengeluba lotshani uzadlula.

¹¹Ngoba ilanga liphuma lilokutshisa, libunise utshani, leluba labo liwohloke, lobuhle bokubonakala kwalo bunyamalale; ngokunjalo lesinothi sizanyamalala ezindleleni zaso.

¹²Ibusisiwe indoda ebekezelela isilingo; ngoba isihloliwe izakwemukela umqhele wempilo, iNkosi eyawuthembisa kwabayithandayo.

¹³Kakulamuntu olingwayo omele athi: Ngilingwa nguNkulunkulu; ngoba uNkulunkulu kalasilingo sokubi, laye uqobo kalingi muntu.

¹⁴Kodwa ngulowo lalowo uyalingwa, lapho edonswa ehugwa ngezakhe inkanuko;

¹⁵kuthi lapho inkanuko isikhulelwe ibelethe isono; lesono lapho sesiphelele sizala ukufa.

¹⁶Lingakhohliswa, bazalwane bami abathandekayo.

¹⁷Sonke isipho esihle laso sonke isipho esipheleleyo sivela phezulu, sehla sivela kuYise wezibane, okungekho kuye ukuguquka, kumbe isithunzi sokuphenduka.

¹⁸Ngokuthanda kwakhe wasizala ngelizwi leqiniso, ukuze sibe njengezithelo zokuqala zezidalwa zakhe.

¹⁹Ngakho, bazalwane bami abathandekayo, wonke umuntu umele aphangise ukuzwa, aphuze ukukhuluma, aphuze ukuthukuthela;

²⁰ngoba ukuthukuthela kwendoda kakwenzi ukulunga kukaNkulunkulu.

²¹Ngakho selihlubule amanyala wonke lokwanda kakhulu kobubi, lemukele ngobumnene ilizwi eligxunyekiweyo, elilamandla okusindisa imiphefumulo yenu.

²²Kodwa banini ngabenzi belizwi, lingabi ngabezwayo kuphela, lizikhohlisa lina ngokwenu.

²³Ngoba uba umuntu engumuzwi welizwi futhi engesimenzi, yena ufanana lendoda ebuka ubuso bayo bemvelo esibukweni;

²⁴ngoba iyazibuka, ibisisuka, ibisihle ikhohlwa ukuthi ibinjani.

²⁵Kodwa lowo okhangelisisa emlayweni opheleleyo, lowo owenkululeko, abesebambelela kuwo, yena engesimuzwi okhohlwayo kodwa engumenzi womsebenzi, lo uzakuba ngobusisiweyo ekwenzeni kwakhe.

²⁶Uba umuntu phakathi kwenu esithi uyakholwa, uba engalufaki itomu ulimi lwakhe, kodwa akhohlise inhliziyo yakhe, ukukholwa kwalowo kuyize.

²⁷Ukukholwa okuhlanzekileyo lokungangcoliswanga phambi kukaNkulunkulu ngitsho uBaba yilokhu, ukuhambela izintandane labafelokazi ekuhluphekeni kwabo, l okuzilondoloza engelasici ko ko mhlaba.