Read Ndebele-IBhayibhili Elingcwele 2006 Ujakopo 4 Bible Online

Ujakopo 4 - Ndebele-IBhayibhili Elingcwele 2006 bible

Ujakopo 4

¹Zivela ngaphi izimpi lokulwa phakathi kwenu? Kakuveli lapha yini, enkanukweni zenu ezilwayo ezithweni zenu?

²Liyafisa, kodwa kalila; liyabulala njalo lilomhawu, kodwa lingeke lazuza; liyalwa futhi lenza impi, kodwa kalila, ngoba kaliceli;

³liyacela njalo kalemukeli, ngoba licela kubi, ukuze li ku chithele enkanukweni zenu.

⁴Zifebe lezifebekazi, kalazi yini ukuthi ukuthanda umhlaba kuyibutha kuNkulunkulu? Ngakho loba ngubani othanda ukuba ngumngane womhlaba, wenziwa isitha sikaNkulunkulu.

⁵Kumbe licabanga yini ukuthi umbhalo utsho ize: Umoya ohlala kithi ufisa kumona?

⁶Kodwa uyanika umusa omkhulu; ngakho uthi: UNkulunkulu umelana labazigqajayo, kodwa abathobekileyo uyabapha umusa.

⁷Ngakho zehliseleni kuNkulunkulu, melanani loSathane, njalo uzalibalekela.

⁸Sondelani kuNkulunkulu, laye uzasondela kini; gezani izandla, zoni, njalo lihlanze izinhliziyo, banhliziyombili.

⁹Danani lilile likhale; ukuhleka kwenu kakuphendulwe ukulila, lentokozo ukudana.

¹⁰Zithobeni phambi kweNkosi, njalo izaliphakamisa.

¹¹Lingahlebani, bazalwane. Lowo ohleba umzalwane, amehlulele umzalwane wakhe, uhleba umlayo, ehlulela umlayo; kodwa uba esehlulela umlayo, kawusumenzi womlayo, kodwa umahluleli.

¹²Munye ummisumlayo, olamandla okusindisa lokubhubhisa; wena ungubani owahlulela omunye?

¹³Lalelani-ke lina elithi: Lamuhla loba kusasa sizakuya emzini othile, sihlale khona umnyaka owodwa sithengiselane sizuze;

¹⁴elingakwaziyo okwakusasa. Ngoba iyini impilo yenu? Ngoba iyinkungu ebonakala okwesikhatshana, emva kwalokho ibisinyamalala;

¹⁵endaweni ya lokho ngabe lithi: Uba iNkosi ivuma, njalo sizaphila, sibe sesisenza lokhu kumbe lokhuyana.

¹⁶Kodwa khathesi liyazincoma ekuzigqajeni kwenu; konke ukuzincoma okunje kubi.

¹⁷Ngakho lowo okwaziyo ukwenza okuhle kodwa enga kw enzi, kuyisono kuye.