Read Ndebele-IBhayibhili Elingcwele 2006 Ujakopo 5 Bible Online

Ujakopo 5 - Ndebele-IBhayibhili Elingcwele 2006 bible

Ujakopo 5

¹Minani-ke lina abanothileyo, khalani lilile ngenxa yenhlupheko zenu ezi l ehlelayo.

²Inotho yenu ibolile, lezembatho zenu zidliwe yinundu;

³igolide lenu lesiliva kuthombile, lokuthomba kwakho kuzakuba yibufakazi kini, njalo kuzakudla inyama yenu njengomlilo. Li zi bekela inotho ensukwini zokuphela.

⁴Khangela, umvuzo wezisebenzi ezigunde amasimu enu, oncitshwe yini, uyakhala; lokukhala kwabavuni kungene endlebeni zeNkosi yamabandla.

⁵Libusile ngokuzithokozisa emhlabeni, latamasa; linonise inhliziyo zenu njengesukwini lokuhlatshwa,

⁶limlahlile, lambulala olungileyo; kamelananga lani.

⁷Ngakho bekezelani, bazalwane, kuze kube sekufikeni kweNkosi. Khangela, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.

⁸Lani bekezelani, liqinise inhliziyo zenu, ngoba ukufika kweNkosi kuyasondela.

⁹Lingasolani, bazalwane, ukuze lingalahlwa; khangela, uMahluleli umi emnyango.

¹⁰Thathani isibonelo sokuhlupheka, bazalwane bami, lesokubekezela, abaprofethi abakhuluma ebizweni leNkosi.

¹¹Khangela, sithi babusisiwe ababekezelayo; lizwile ukubekezela kukaJobe, laselibona ukucina kweNkosi, ukuthi iNkosi ilesihawu esikhulu lobubele.

¹²Kodwa phambi kwakho konke, bazalwane bami, lingafungi, kumbe ngezulu, loba ngomhlaba, loba yisiphi esinye isifungo; kodwa kakuthi uyebo wenu abe nguyebo, lohatshi nguhatshi; ukuze lingaweli ekulahlweni.

¹³Kukhona ohluphekayo yini phakathi kwenu? Kakhuleke. Kukhona othokozayo yini? Kahlabele indumiso.

¹⁴Kukhona ogulayo phakathi kwenu yini? Kabizele kuye abadala bebandla, babesebekhuleka phezu kwakhe, bamgcobe ngamafutha ebizweni leNkosi;

¹⁵lomkhuleko wokholo uzamsindisa ogulayo, leNkosi izamlulamisa; uba-ke enzile izono, kuzathethelelwa kuye.

¹⁶Vumani iziphambeko omunye komunye, likhulekelane, ukuze lisiliswe. Umkhuleko oqinileyo wolungileyo ulamandla kakhulu.

¹⁷UElija wayengumuntu olemizwa efanana le ye thu, wasekhuleka umkhuleko wokuthi lingani; njalo kalinanga emhlabeni okweminyaka emithathu lenyanga eziyisithupha;

¹⁸wasebuya ekhuleka, lezulu lanika izulu, lomhlaba wathela isithelo sawo.

¹⁹Bazalwane, uba omunye kini ephambuka eqinisweni, lomunye angambuyisa,

²⁰yazi ukuthi obuyise isoni ekuduheni kwendlela yaso uzasindisa umphefumulo ekufeni, usibekele inkithinkithi yezono.