Read Ndebele-IBhayibhili Elingcwele 2006 2 Upitrosi 2 Bible Online

2 Upitrosi 2 - Ndebele-IBhayibhili Elingcwele 2006 bible

2 Upitrosi 2

¹Kodwa kwakukhona labaprofethi bamanga phakathi kwabantu, njengoba lakini kuzakuba khona abafundisi bamanga, abazangenisa ngensitha imfundiso ezehlukanisayo ezichithayo, bephika leNkosi eyabathengayo, bezehlisela ukuchitheka okuphangisayo,

²labanengi bazalandela incithakalo zabo; okungabo indlela yeqiniso izahlanjazwa,

³njalo emhawini ngamazwi alungisiweyo bazakwenza inzuzo ngani; okulahlwa kwabo kwakudala kakulibalanga, lencithakalo yabo kayiwozeli.

⁴Ngoba uba uNkulunkulu engaziyekelanga ingilosi ezonayo, kodwa e zi phosela esihogweni e zi nikela emaketaneni obumnyama ukuze zigcinelwe isigwebo;

⁵njalo kaliyekelanga ilizwe lendulo, kodwa walondoloza owesificaminwembili uNowa umtshumayeli wokulunga, mhla eletha uzamcolo emhlabeni wabeyisa uNkulunkulu;

⁶ngoku yi chitha eyitshisa imizi yeSodoma leGomora waseyilahla, waseyenza isibonelo kulabo abazakweyisa uNkulunkulu;

⁷wasemophula uLothi olungileyo, owahlutshwa yikuhamba ngamanyala kwabangalunganga;

⁸ngoba lowo olungileyo, ehlala phakathi kwabo, ngokubona lokuzwa insuku ngensuku wezwisa ubuhlungu umphefumulo wakhe olungileyo ngemisebenzi yabo engelamthetho;

⁹iNkosi iyakwazi ukubophula ekulingweni labo abamkhonzayo uNkulunkulu, lokubagcina abangalunganga kuze kube lusuku lwesigwebo, bajeziswe;

¹⁰kodwa ikakhulu bona abalandela inyama enkanukweni engcolileyo, labadelela ubukhosi. Abangakhathaliyo, abalenkani, kabesabi ukuhlambaza ubukhosi;

¹¹kanti ingilosi, ezinkulu ngamandla langengalo, kazilethi isigwebo senhlamba ukumelana labo phambi kweNkosi.

¹²Kodwa laba, njengezinyamazana ngemvelo ezingelangqondo ezazalelwa ukubanjwa lokubulawa, bahlambaza izinto abangazaziyo, bazabhujiswa ekuboleni kwazo,

¹³bazakwemukela umvuzo wokungalungi, abathi kuyintokozo ukuminza emini, bayisici loyangiso, bejabula enkohlisweni zabo, besedilini lani,

¹⁴balamehlo agcwele ubufebe, labangayekeli isono, bayenga imiphefumulo ebuthakathaka, belenhliziyo ezejwayele ubuhwaba, abantwana besiqalekiso;

¹⁵batshiye indlela eqondileyo baduha, balandela indlela kaBalami kaBosori, owathanda inzuzo yokungalungi,

¹⁶kodwa waba lokusolwa kwesakhe isiphambeko; ubabhemi oyisimungulu, ekhuluma ngelizwi lomuntu, wanqanda ubuhlanya bomprofethi.

¹⁷Laba bayimithombo engelamanzi, amayezi aqhutshwa yisiphepho, okugcinelwe bona ubumnyama bomnyama kuze kube phakade.

¹⁸Ngoba bakhuluma okokuziqakisa okweze, babayenga ngenkanuko zenyama la ngobufebe labo abaphunyuke sibili kibo abahamba ekuduheni,

¹⁹bebathembisa inkululeko, bona uqobo beyizigqili zokubola; ngoba lowo umuntu ehlulwe ngaye, lakuye wenziwa isigqili.

²⁰Ngoba uba sebephunyukile ekungcoleni komhlaba ngolwazi lweNkosi loMsindisi uJesu Kristu, besebebuya behilelwa behlulwa yikho, izinto zokucina sezibe zimbi kibo kulezokuqala.

²¹Ngoba ngabe kwaba ngcono kibo uba babengayazanga indlela yokulunga, kulokuthi sebe ya zile bafulathele umlayo ongcwele onikelwe kibo.

²²Kodwa kubehlele lokhu okwesaga esiqinisileyo esithi: Inja ibuyela kwawayo amahlanzo; lengulube egezileyo ekugiqikeni edakeni.