Read Ndebele-IBhayibhili Elingcwele 2006 1 Ujwanisi 5 Bible Online

1 Ujwanisi 5 - Ndebele-IBhayibhili Elingcwele 2006 bible

1 Ujwanisi 5

¹Wonke okholwa ukuthi uJesu unguKristu uzelwe nguNkulunkulu; laye wonke othanda umzali uthanda lozelwe nguye.

²Ngalokho siyazi ukuthi siyabathanda abantwana bakaNkulunkulu, nxa sithanda uNkulunkulu, njalo sigcina imilayo yakhe;

³ngoba lolu luthando lukaNkulunkulu, ukuthi sigcine imilayo yakhe; lemilayo yakhe kayinzima.

⁴Ngoba konke okuzelwe nguNkulunkulu kuyawunqoba umhlaba; lalokho yikunqoba okunqoba umhlaba, ukholo lwethu.

⁵Ngubani onqoba umhlaba, ngaphandle kokholwa ukuthi uJesu uyiNdodana kaNkulunkulu?

⁶Lo nguye oweza ngamanzi legazi, uJesu Kristu; kungeyisikho ngamanzi kuphela, kodwa ngamanzi legazi. LoMoya nguye ofakazayo, ngoba uMoya uliqiniso.

⁷Ngoba bathathu abafakazayo ezulwini, uYise, uLizwi, loMoya oNgcwele; laba abathathu banye.

⁸Njalo bathathu abafakazayo emhlabeni, uMoya, lamanzi, legazi; laba abathathu ba hlangan yela intonye.

⁹Uba sisemukela ubufakazi babantu, ubufakazi bukaNkulunkulu bukhulu; ngoba lobu yibufakazi bukaNkulunkulu, abufakazileyo ngeNdodana yakhe.

¹⁰Okholwa eNdodaneni kaNkulunkulu ulobufakazi phakathi kwakhe ngokwakhe; ongakholwa uNkulunkulu, umenze abe ngumqambimanga, ngoba engakholwanga ubufakazi uNkulunkulu abufakazileyo ngeNdodana yakhe.

¹¹Yilobu-ke ubufakazi, ukuthi uNkulunkulu usinikile impilo elaphakade, lale impilo iseNdodaneni yakhe.

¹²Olayo iNdodana ulempilo; ongelayo iNdodana kaNkulunkulu kalampilo.

¹³Lezizinto ngizibhalela lina elikholwa ebizweni leNdodana kaNkulunkulu, ukuze lazi ukuthi lilempilo elaphakade, lokuze likholwe ebizweni leNdodana kaNkulunkulu.

¹⁴Njalo yilesi isibindi esilaso kuye, ukuthi uba sicela ulutho ngokwentando yakhe, uyasizwa;

¹⁵uba-ke sisazi ukuthi uyasizwa, loba yini esiyicelayo, siyazi ukuthi sesilezicelo esizicela kuye.

¹⁶Uba umuntu ebona umzalwane wakhe esona isono esinga si ekufeni, uzacela, njalo uzamnika impilo labo abangonelanga ekufeni. Sikhona isono esi sa ekufeni; kangitsho ukuthi ancenge ngaleso;

¹⁷konke ukungalungi kuyisono; njalo kukhona isono esinga si ekufeni.

¹⁸Siyazi ukuthi wonke ozelwe nguNkulunkulu koni; kodwa ozelwe nguNkulunkulu uyazigcina, lomubi kamthinti.

¹⁹Siyazi ukuthi singabakaNkulunkulu, lokuthi umhlaba wonke ulele ebubini.

²⁰Njalo siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; njalo sikuye oweqiniso, eNdodaneni yakhe uJesu Kristu. Yena unguNkulunkulu weqiniso, lempilo elaphakade.

²¹Bantwanyana, zilondolozeni ezithombeni. Ameni.