Read Ndebele-IBhayibhili Elingcwele 2006 Abakhokheli 13 Bible Online

Abakhokheli 13 - Ndebele-IBhayibhili Elingcwele 2006 bible

Abakhokheli 13

¹Abantwana bakoIsrayeli babuya-ke benza okubi emehlweni e Nkosi. I Nkosi yasibanikela esandleni samaFilisti iminyaka engamatshumi amane.

²Kwakukhona-ke umuntu othile weZora, owosendo lwakoDani, obizo lakhe lalinguManowa; lomkakhe wayeyinyumba engazali.

³Ingilosi ye Nkosi yasibonakala kowesifazana yathi kuye: Khangela-ke, uyinyumba, kawuzali, kodwa uzathatha isisu uzale indodana.

⁴Ngakho-ke ake uqaphelise, unganathi wayini lokunathwayo okulamandla, ungadli lalutho olungcolileyo,

⁵ngoba khangela, uzathatha isisu uzale indodana. Impuco kayiyikudlula ekhanda layo, ngoba umfana uzakuba ngumNaziri kaNkulunkulu kusukela esizalweni; yena uzaqala ukusindisa uIsrayeli esandleni samaFilisti.

⁶Owesifazana wasesiza wabikela indoda yakhe esithi: Kufikile kimi umuntu kaNkulunkulu, ukubonakala kwakhe kwakunjengokubonakala kwengilosi kaNkulunkulu, kusesabeka kakhulu; kodwa kangimbuzanga ukuthi uvela ngaphi, futhi kangitshelanga ibizo lakhe.

⁷Kodwa uthe kimi: Khangela, uzathatha isisu, uzale indodana; khathesi-ke unganathi wayini lokunathwayo okulamandla, ungadli lalutho olungcolileyo, ngoba umfana uzakuba ngumNaziri kaNkulunkulu kusukela esizalweni kuze kube sesukwini lokufa kwakhe.

⁸UManowa waseyincenga i Nkosi wathi: Hawu Nkosi yami, umuntu kaNkulunkulu omthumileyo ake abuye futhi kithi, asifundise ukuthi sizakwenza njani emfaneni ozazalwa.

⁹UNkulunkulu waselizwa ilizwi likaManowa, lengilosi kaNkulunkulu yafika futhi kowesifazana ehlezi egangeni; kodwa uManowa umkakhe wayengelaye.

¹⁰Owesifazana wasehaluzela wagijima wabikela umkakhe wathi: Khangela, lowomuntu ubonakele kimi owafika kimi mhla lokhuyana.

¹¹UManowa wasesukuma walandela umkakhe, wafika kulowomuntu wathi kuye: Unguye yini lowomuntu owakhuluma kulowesifazana? Wasesithi: Ngi nguye.

¹²UManowa wasesithi: Kaweze-ke amazwi akho; izakuba yini indlela yomfana, lomsebenzi wakhe?

¹³Ingilosi ye Nkosi yasisithi kuManowa: Kukho konke engakutshoyo kowesifazana akuqaphelise;

¹⁴angadli okolutho oluphuma evinini lewayini, anganathi wayini lokunathwayo okulamandla, angadli lutho olungcolileyo; konke engamlaya khona akugcine.

¹⁵UManowa wasesithi engilosini ye Nkosi: Ake sikubambelele, silungise phambi kwakho izinyane lembuzi.

¹⁶Ingilosi ye Nkosi yasisithi kuManowa: Uba ungibambelela, kangiyikudla okwesinkwa sakho; njalo uba ulungisa umnikelo wokutshiswa, unikele e Nkosi ni. Ngoba uManowa wayengazi ukuthi yayiyingilosi ye Nkosi.

¹⁷UManowa wasesithi kuyo ingilosi ye Nkosi: Ungubani ibizo lakho, ukuze kuthi lapho amazwi akho esiza sikuhloniphe.

¹⁸Ingilosi ye Nkosi yasisithi kuye: Ubuzelani kanje ngebizo lami lokhu liyamangalisa?

¹⁹UManowa wasethatha izinyane lembuzi lomnikelo wokudla, wakunikela e Nkosi ni phezu kwedwala, yasisenza ngokumangalisayo, njalo uManowa lomkakhe bekhangele.

²⁰Kwasekusithi lapho ilangabi lisenyuka elathini liqonde emazulwini, ingilosi ye Nkosi yenyuka ngelangabi lelathi, uManowa lomkakhe bekhangele, bathi mbo ngobuso babo emhlabathini.

²¹Kodwa ingilosi ye Nkosi kayiphindanga isabonakala kuManowa lomkakhe. Khona uManowa wazi ukuthi kwakuyingilosi ye Nkosi.

²²UManowa wasesithi kumkakhe: Sizakufa lokufa ngoba sibone uNkulunkulu.

²³Kodwa umkakhe wathi kuye: Uba i Nkosi ibithanda ukusibulala, ibingayikwemukela esandleni sethu umnikelo wokutshiswa lomnikelo wokudla, njalo ibingayikusitshengisa zonke lezizinto, njalo ibingayikusizwisa ngalesisikhathi izinto ezinjengalezi.

²⁴Owesifazana wasebeletha indodana, wayitha ibizo layo wathi nguSamsoni; umfana wasekhula, le Nkosi yambusisa.

²⁵UMoya we Nkosi waseqala ukumvusa enkambeni kaDani phakathi kweZora leEshitawoli.