Read Ndebele-IBhayibhili Elingcwele 2006 Abakhokheli 5 Bible Online

Abakhokheli 5 - Ndebele-IBhayibhili Elingcwele 2006 bible

Abakhokheli 5

¹UDebora loBaraki indodana kaAbinowama basebehlabela ngalolosuku besithi:

²Nxa abakhokheli bekhokhela koIsrayeli, nxa abantu bezinikela ngokuzithandela, busisani i Nkosi !

³Zwanini makhosi, libeke indlebe ziphathamandla, mina, mina ngizahlabela e Nkosi ni, ngihubele i Nkosi, uNkulunkulu kaIsrayeli.

⁴Nkosi, ekuphumeni kwakho eSeyiri, ekunyatheleni kwakho usuka ensimini yeEdoma, umhlaba wazamazama, lamazulu athonta, lamayezi athontisa amanzi.

⁵Izintaba zageleza phambi kwe Nkosi, iSinayi le phambi kwe Nkosi, uNkulunkulu kaIsrayeli.

⁶Ensukwini zikaShamigari indodana kaAnathi, ensukwini zikaJayeli, izindlela zaphela, lababehamba ezindledlaneni bahamba ngezindlela ezimazombazombe.

⁷Izakhamizi zemakhaya zaphela koIsrayeli, zaphela, ngaze ngasukuma mina Debora, ngasukuma, unina koIsrayeli.

⁸Wakhetha onkulunkulu abatsha, khona kwaba lempi emasangweni. Sabonwa yini isihlangu lomkhonto phakathi kwabazinkulungwane ezingamatshumi amane koIsrayeli?

⁹Inhliziyo yami ikubanikimithetho bakoIsrayeli, abazinikela ngokuzithandela phakathi kwabantu. Busisani i Nkosi !

¹⁰Bagadi babobabhemi abamhlophe, bahlali besigcabha, labahambi endleleni, khulumani.

¹¹Elizwini labatshoki, phakathi kwezindawo zokukha amanzi, lapho bayalandisa ngemisebenzi elungileyo ye Nkosi, imisebenzi elungileyo yezakhamizi zemakhaya zakoIsrayeli. Ngalesosikhathi abantu be Nkosi behlela emasangweni.

¹²Vuka, vuka, Debora! Vuka, vuka, khuluma ingoma! Sukuma Baraki, uthumbe abathunjiweyo bakho, ndodana kaAbinowama.

¹³Khona yayenza insali yabusa phezu kwezinduna ebantwini; i Nkosi yangenza ngabusa phakathi kwabalamandla.

¹⁴Kuvela koEfrayimi impande yabo yayimelene loAmaleki; emva kwakho, Bhenjamini, phakathi kwabantu bakho; kuvela kuMakiri kwehla abanikumthetho, lakoZebuluni abadonsa ngentonga yombhali.

¹⁵Leziphathamandla zakoIsakari zaziloDebora; la njengo Isakari, waba njalo uBaraki; wathunjwa esigodini ngenyawo zakhe. Ezifundeni zakoRubeni izinqumo zenhliziyo zazizinkulu.

¹⁶Wahlalelani phakathi kwezibaya ukuzwa umhlanga wokukhaliselwa izimvu? Izifunda zakoRubeni zaba lokuhlolwa okukhulu kwenhliziyo.

¹⁷UGileyadi wahlala ngaphetsheya kweJordani. LoDani walibalelani emikhunjini? UAsheri wahlala ekhunjini lolwandle, wahlala ethekwini.

¹⁸UZebuluni uyisizwe esadela umphefumulo waso kwaze kwaba sekufeni, loNafithali, emiqolweni yensimu.

¹⁹Amakhosi afika alwa; khona amakhosi eKhanani alwa eThahanakhi ngasemanzini eMegido; kawathathanga impango yesiliva.

²⁰Zisemazulwini zalwa, inkanyezi zisendleleni zazo zalwa loSisera.

²¹Isifula iKishoni sabakhukhula, isifula sendulo, isifula iKishoni. Mphefumulo wami, nyathela ngamandla!

²²Khona atshaya phansi amasondo amabhiza, ngokumatha, ukumatha kwabalamandla bakhe.

²³Qalekisani iMerozi, kutsho ingilosi ye Nkosi, qalekisani ngokuqalekisa abakhileyo kuyo, ngoba kabezanga kuncedo lwe Nkosi, kuncedo lwe Nkosi, lamaqhawe.

²⁴Uzabusiswa phezu kwabesifazana uJayeli umkaHeberi umKeni; ubusisiwe phezu kwabesifazana ethenteni.

²⁵Wacela amanzi, wa m nika uchago, waletha amasi ngomganu wobukhosi.

²⁶Welulela isandla sakhe esikhonkwaneni, lesandla sakhe sokunene esandweni sezisebenzi, wamtshaya uSisera, wachoboza ikhanda lakhe, wahlaba wabhoboza inhlafuno yakhe.

²⁷Phakathi kwenyawo zakhe wakhothama wawa walala; phakathi kwenyawo zakhe wakhothama wawa, lapho akhothamela khona, wawa lapho efile echithekile.

²⁸Unina kaSisera walunguza ngewindi, wanqolonga ngeminxibo yewindi wathi: Kungani inqola yakhe iphuza ukuza? Kungani ephuzile amavili ezinqola zakhe?

²⁹Izihlakaniphi zamakhosazana akhe zaphendula, yebo yena wazibuyisela impendulo yakhe wathi:

³⁰Kabatholanga yini bayaba impango, intombazana, amantombazana amabili kuleyo laleyondoda, impango yamalembu aconjiweyo ngekaSisera, impango yamalembu aconjiweyo afekethisiweyo ngenalithi, amalembu amabili aconjiweyo afekethisiweyo ngenalithi, awentamo zempango?

³¹Ngokunjalo kazibhubhe zonke izitha zakho, Nkosi. Kodwa abayithandayo kababe njengokuphuma kwelanga ngamandla alo. Lelizwe lathula iminyaka engamatshumi amane.