Read Ndebele-IBhayibhili Elingcwele 2006 1 Usamyela 16 Bible Online

1 Usamyela 16 - Ndebele-IBhayibhili Elingcwele 2006 bible

1 Usamyela 16

¹I Nkosi yasisithi kuSamuweli: Koze kube nini umlilela uSawuli lokhu mina ngimalile ekubeni yinkosi phezu kukaIsrayeli? Gcwalisa uphondo lwakho ngamafutha, uhambe; ngizakuthuma kuJese umBhethelehema, ngoba ngizibonele emadodaneni akhe inkosi.

²USamuweli wasesithi: Ngizahamba njani? Uba uSawuli ekuzwa, uzangibulala. I Nkosi yasisithi: Thatha ithokazi lenkomo esandleni sakho uthi: Ngizehlabela i Nkosi.

³Ubizele uJese emhlatshelweni; mina ngizakwazisa ozakwenza; uzangigcobela lowo engizamutsho kuwe.

⁴USamuweli wasesenza lokho i Nkosi ekutshiloyo, wafika eBhethelehema. Abadala bomuzi basebethuthumela ukumhlangabeza bathi: Ukufika kwakho kulo kuthula yini?

⁵Wasesithi: Ukuthula; ngize ukuhlabela i Nkosi; zingcweliseni, lize lami emhlatshelweni. Wasengcwelisa uJese lamadodana akhe, wababizela emhlatshelweni.

⁶Kwasekusithi ekufikeni kwabo, wakhangela uEliyabi wathi: Isibili ogcotshiweyo wayo uphambi kwe Nkosi.

⁷Kodwa i Nkosi yathi kuSamuweli: Ungakhangeli isimo sakhe lobude besithombo sakhe, ngoba ngimalile, ngoba kakunjengokubona komuntu, ngoba umuntu ubona ingaphandle, kodwa i Nkosi ibona inhliziyo.

⁸UJese wasebiza uAbinadaba, wamedlulisa phambi kukaSamuweli, kodwa wathi: Laye lo i Nkosi kayimkhethanga.

⁹UJese wasedlulisa uShama, kodwa wathi: Laye lo i Nkosi kayimkhethanga.

¹⁰UJese wasedlulisa amadodana akhe ayisikhombisa phambi kukaSamuweli. Kodwa uSamuweli wathi kuJese: I Nkosi kayibakhethanga laba.

¹¹USamuweli wasesithi kuJese: Abafana se bephelile yini? Wasesithi: Kusasele icinathunjana; khangela-ke, liyelusa izimvu. USamuweli wasesithi kuJese: Thuma ulithathe, ngoba kasiyiku hlala sigombolozele lize lifike lapha.

¹²Wasethuma walingenisa. Lona-ke lalibomvana lilamehlo amahle lokukhangeleka okuhle. I Nkosi yasisithi: Sukuma, uligcobe, ngoba yilo leli.

¹³USamuweli wasethatha uphondo lwamafutha, waligcoba phakathi kwabafowabo; uMoya we Nkosi wasefika ngamandla phezu kukaDavida kusukela kulolosuku kusiya phambili. USamuweli wasesukuma waya eRama.

¹⁴Kodwa uMoya we Nkosi wasuka kuSawuli, lomoya omubi ovela e Nkosi ni wamesabisa.

¹⁵Izinceku zikaSawuli zasezisithi kuye: Ake ukhangele, umoya omubi kaNkulunkulu uyakwesabisa.

¹⁶Ake itsho inkosi yethu kunceku zakho eziphambi kwakho ukuthi zidinge umuntu okwaziyo ukutshaya ichacho; kuzakuthi-ke lapho umoya omubi ovela kuNkulunkulu uphezu kwakho, uzatshaya ngesandla sakhe ukuze kube kuhle kuwe.

¹⁷Ngakho uSawuli wathi ezincekwini zakhe: Ake lingibonele umuntu otshaya kuhle, limlethe kimi.

¹⁸Omunye wamajaha wasephendula wathi: Khangela, ngibone indodana kaJese umBhethelehema, ekwaziyo ukutshaya, futhi eliqhawe elilamandla, lendoda yempi, lehlakaniphileyo endabeni, futhi indoda ebukekayo, le Nkosi ilayo.

¹⁹Ngakho uSawuli wathuma izithunywa kuJese, wathi: Thuma kimi uDavida indodana yakho osezimvini.

²⁰UJese wasethatha ubabhemi, ethwele isinkwa, lembodlela yewayini, lezinyane lembuzi elilodwa, wakuthumela ngesandla sikaDavida indodana yakhe kuSawuli.

²¹UDavida wasefika kuSawuli, wema phambi kwakhe; wasemthanda kakhulu, wasesiba ngumthwali wezikhali zakhe.

²²USawuli wasethumela kuJese esithi: UDavida ake eme phambi kwami, ngoba uthole umusa emehlweni ami.

²³Kwakusithi-ke lapho umoya ovela kuNkulunkulu uphezu kukaSawuli, uDavida athathe ichacho atshaye ngesandla sakhe, ukuze uSawuli avuseleleke abe ngcono, lomoya omubi usuke kuye.