Read Ndebele-IBhayibhili Elingcwele 2006 1 Usamyela 8 Bible Online

1 Usamyela 8 - Ndebele-IBhayibhili Elingcwele 2006 bible

1 Usamyela 8

¹Kwasekusithi uSamuweli esemdala wabeka amadodana akhe ukuze abe ngabahluleli koIsrayeli.

²Lebizo lendodana yakhe elizibulo lalinguJoweli, lebizo leyesibili linguAbhiya; ayengabahluleli eBherishebha.

³Kodwa amadodana akhe ayengahambi ngendlela zakhe, kodwa aphambukela enzuzweni embi, emukela umvuzo wokuthengwa, aphambula isahlulelo.

⁴Kwasekubuthana abadala bonke bakoIsrayeli, beza kuSamuweli eRama,

⁵bathi kuye: Khangela, wena usumdala, lamadodana akho kawahambi ngendlela zakho; ngakho sibekele inkosi ukuze isahlulele njengazo zonke izizwe.

⁶Kodwa leyonto yayiyimbi emehlweni kaSamuweli lapho besithi: Sinike inkosi ukusahlulela. USamuweli wasekhuleka e Nkosi ni.

⁷I Nkosi yasisithi kuSamuweli: Lalela ilizwi labantu kukho konke abakutshoyo kuwe, ngoba kakusuwe abakwalayo, kodwa bala mina ukuze ngingabusi phezu kwabo.

⁸Ngokwezenzo zonke abazenzileyo kusukela ngosuku engabenyusa ngalo eGibhithe kuze kube lamuhla, bangitshiyile bakhonza abanye onkulunkulu; benza njalo lakuwe.

⁹Ngakho khathesi, lalela ilizwi labo; kodwa nxa ubafakazele kakhulu, ubazise indlela yenkosi ezabusa phezu kwabo.

¹⁰USamuweli wasetshela abantu abacela kuye inkosi wonke amazwi e Nkosi.

¹¹Wasesithi: Le izakuba yindlela yenkosi ezabusa phezu kwenu; izathatha amadodana enu izibekele wona enqoleni zayo lakubagadi bamabhiza ayo, agijime phambi kwezinqola zayo.

¹²Izazibekela wona abe yizinduna zezinkulungwane lezinduna zamatshumi amahlanu, lokulima amasimu ayo, lokuvuna isivuno sayo, lokwenza izikhali zayo zempi, lezikhali zezinqola zayo.

¹³Izathatha amadodakazi enu iwenze abe ngabenzi bamakha, labapheki, labaphekizinkwa.

¹⁴Izathatha amasimu enu, lezivini zenu lezivande zenu zemihlwathi, ezinhle, ikunike inceku zayo.

¹⁵Izathatha ingxenye yetshumi yenhlanyelo yenu leyezivini zenu, iyinike induna zayo lenceku zayo.

¹⁶Izathatha inceku zenu lencekukazi zenu lamajaha enu angcono labobabhemi benu, ikusebenzise emsebenzini wayo.

¹⁷Izathatha ingxenye yetshumi yemihlambi yenu; lina-ke libe yizinceku zayo.

¹⁸Njalo lizakhala ngalolosuku ngenxa yenkosi yenu elizikhethele yona; kodwa i Nkosi kayiyikuliphendula mhlalokho.

¹⁹Kodwa abantu bala ukulilalela ilizwi likaSamuweli, bathi: Hatshi, kodwa kuzakuba lenkosi phezu kwethu,

²⁰ukuze lathi sibe njengezizwe zonke, lenkosi yethu isahlulele, iphume phambi kwethu, ilwe izimpi zethu.

²¹USamuweli esewazwile wonke amazwi abantu, wawalandisa endlebeni ze Nkosi.

²²I Nkosi yasisithi kuSamuweli: Lalela ilizwi labo, ubabekele inkosi. USamuweli wasesithi emadodeni akoIsrayeli: Hambani liye ngulowo lalowo emzini wakhe.