Read Nduga 1 TIMOTIUS 2 Bible Online

1 TIMOTIUS 2 - Nduga bible

1 TIMOTIUS 2

¹“Nanduk tak posolar-e, ap pidsa enmanggim Mbal Pem Nagawan emengen mbarogolar-e, tepan yogolat, Mbal Pem Nagawan nggi yak togolat, wa yak togolat wolmer-o” luk an-nen-e kiri keresa yak kundusu-o.

²Nir-e yamuksa wene lak Mbal Pem Nagawan-nen kwaroso nggal konak nak wolmoklug-e, nagawan nagawan min ap yulok nggulok pidsa min enmanggim tepan yogolat wolmer-o.

³Iri nggal yogolar-e, konak-nen yusu me, nit Ninmiri Yoso Mbal Pem Nagawan indingen tak purak mende-ge irir-o.

⁴Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

⁵Mbal Pem Nagawan-e misiget nak-nen yusu-o. Nde, Mbal Pem Nagawan min ki nap min ennggendumu ngarak koro na misiget nag-o. Iri-ge ki nap Kerisut Yesus ar-er-o.

⁶Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

⁷Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

⁸Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

⁹Nde, kwami-nen na yurugwi mende yorogolar-e, insiri min entangge min innggiri min-et yurugwi yeba-t yururag-e nindingen-o. Nde, enanggul sigil yakolat, emas posid mutiara kerep min yorogolat, yurugwi sum konak onggo nggok pugwi mende na yorogolat momtak pug-o.

¹⁰Are, sum yiridnak nggal, it-nen konak nak kwarogolar-e, Mbal Pem Nagawan indi aye worak kweyap-nen kwarugwi irit kwarurag-o.

¹¹It kwami-ge kondoksa inndi tebe luk woragolat-nen enaru yogolat wolmag-o.

¹²Nde, kwami-nen-e ap mul ondogolat, “Iri min-o, yu min-o” luk ap yak undurak pug-o luk an-nen yusu-o. Are, kwami-ge enne lag-et wolmomtag-o.

¹³Aram nanduk ndak worak puruk, abog-e Awa ndak worak pidnak-nen yusu-o.

¹⁴Iri-nen-o Aram na ombol pem lagit lag-o. Are, kwe Awa na ombol pem lasola-ge, kwe na-ge Mbal Pem Nagawan ene kuruk tamu-o.

¹⁵Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.