Read Nduga TITUS 1 Bible Online

TITUS 1 - Nduga bible

TITUS 1

¹Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

²Enesiget yoso buk Mbal Pem Nagawan-nen o ndak wirigit lak ma-net: “Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

³Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: “Wene iri yi-o” yidnak pem-et yil nusu-o.

⁴Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

⁵Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

⁶Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

⁷Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

⁸are, “Ap sal nama nggumer-o” yoso nap, konak nak kwarurak peraso nap, idi worak nap, mot mor-et kwaroso nap, marak nak woraso nap, at ondomok indi tena woraso nap irit mag-o.

⁹At iri na-ge at mul tidnak ndemeret wene na puksa tena worasolar-e, ndemeret wene na bem-et ap kwara nggomo ondosolat, at imin eyak wurugwi nap-nen lugud tak yugwi wene na nam tak posolat ma-o.

¹⁰Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.

¹¹Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

¹²O Kereta nap-net it ennggendumu yari mbinen yosolar-e: “Kereta nab-e pempa enesiget nak yogolat, isilepma worak ndakngge nggal yogolat, perari lembe-net nde, suguru kondogolat yugwi-o” luk yij-o.

¹³Nde, at-nen kinggirid iri-ge ndemerer-o. Iri bem-e, it inndi angin tubu yidnak na tugup lak wolmaklug-e, mondok kene amawi min-et nggomo indi-o.

¹⁴Ir-e Yawuri nap-nen yugwi tisiya wene min ndemeret wene keya bidnak nap-nen yugwi wene min keya buwakluk, nggomo indi-o.

¹⁵Marak nap enmanggim-e pidsa marak nak worasu-o. Alat nde, meya kwarugwi nap min inndi angin tubu yugwi buk nap min-e it inndi min yebet kagwi indi min kop kap tobok tak-nen yusu me, it enmanggim-e siyag-et ter-o luk marak worasu-ge lag-o.

¹⁶It-nen yogolar-e: “Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.