Read Nduga YAKOBUS 4 Bible Online

YAKOBUS 4 - Nduga bible

YAKOBUS 4

¹Kit kennggendumu yig pugwi min yuk puk mbugwi min iri-ge ngge me-nen lobok yusu-o? Nde iri-ge kit kenarem amawi kwen tenak woraso ukwe ukwe mende-nen kwarak poso na-ge lag-e?

²Kir-e yi mende ndi mende ukwe yili-t nde, wanigit lak ala-ge, ap undurak yili-o. Kit kindingen mende wanurak yidnag-et nde, meya yosola-ge, kir-e yuk puk mbogolat, yig nggogolat yili-o. Kir-e Mbal Pem Nagawan ebem nggi yili buk me, yi mende ndi mende mbi wanili bug-o.

³Kit kondomok ukwe ukwe mende iri na wanuwokluk nggi yogolat tepan yili iri-ge lugud tak nggwe yili-o. Iri bem-nen kit-nen tepan yili-t nde, yi mende ndi mende wanili bug-o.

⁴Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

⁵Mbal Pem Nagawan engga bem-nen wene misik yosolar-e: “Mbal Pem Nagawan-nen nit nenarem pid indi iri-ge mondok ukwe ukwe nak yoso indi irit pamu-o” luk yid iri-ge we ereya-t yij-e lag-o.

⁶Alat nde, Mbal Pem Nagawan-nen we wok ondoso elem wok nindid iri-ge nit nenarem pid ukwe ukwe yoso iri nggal-e lag-o. Mondok terak minik amawi worak irit wok nindij-o. Iri bem, Mbal Pem Nagawan engga bem-nen yosolar-e: “Inndi kek yugwi nab-e Mbl Pem Nagawan-nen ombol wok ondoso-t nde, inndi teberak woragwi nab-e enabuwa kaso-o” yij-o.

⁷Iri ala-ge, kir-e Mbal Pem Nagawan eram tebe yer-o. Sere na lobok yosola-ge, kit kunsuru ndere yer-o. Iri yogola-ge, kit kendam-nen kwiye mburuwa-o.

⁸Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

⁹Kir-e niri nera-o luk, kinndi puru yogolat, yip ter-o. Nda tugwi na keya buruk, yip togolat, kenalin kenalen woragwi na keya buruk kinndi puru yogolat mer-o.

¹⁰Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

¹¹Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

¹²Imiri mbarak pidnak wene wok nindidnak nap min ap enpem wene mbaroso nap min-e misiget nak-nen yusu-o. Ap inmiri yosolat, ap lak tak onposolat yurag-e Mbal Pem Nagawan nak-nen yusu-o. Alat nde, kat kanggamirak enpem wene mbarusu nap kar-e ta-nen yusu-o?

¹³Kit-nen yogolar-e: “Yawo ala na, kup ala na, nir-e o siri misik me mburulndik, olengen misik iri me woragolar-e, nenarengge wene wutluk, uwang lesa wanogolat wulmul-o” yili-t nde, an yak kindimin yu kwara koler-o.

¹⁴Kup-nen kenpem mbuwa mende-ge kenaru bug-o. Kit woragwi iri-ge o age yanem-et nam luk, lak yoso iri nggal-nen yusu-o.

¹⁵Kit-nen wene yurag-e yu nggal-o: “Nagawan Indo indi-n pidnak ala, nunluk woragolar-e, yi kwatlik ndi kwatlik kwarul-o” luk yurak ob-o.

¹⁶Alat nde, yawo kir-e kondomok kentembel wanogolat, kinndi kek yili-o. Inndi-nen kek yugwi iri nggal iri-ge lugud tak kwatli-o.

¹⁷Iri bem-e, konak kwarurak aru-t nde, kwarusu buk nab-e ambik ebem meya pusu-o.