Read Nepali-पवित्र बाइबल अय्यूबको पुस्तक 28 Bible Online

अय्यूबको पुस्तक 28 - Nepali-पवित्र बाइबल bible

अय्यूबको पुस्तक 28

¹“त्यहाँ सुन र चाँदीका खानीहरू छन् र त्यहाँ त्यस्तो ठाउँ पनि छ जहाँ मानिसहरूले सुन पगालेर खाँटी बनाउँछन्।

²मानिसहरूले जमीन खनेर फलाम निकाल्छन ढुङ्गाहरू पगालेर ताँमा निकाल्छन्।

³कर्मीहरूले गुफामा प्रकाश लैजान्छन्। तिनीहरूले गुफा भित्र खोज तलाश गर्दछन्। ऊ पृथ्वीको अँथ्यारो गहिरोभित्र खानीको खोजी गर्छन्!

⁴मानिसहरूले बसो-बास गरेको जग्गा भन्दा धेरै टाडोमा, अथवा मानिसहरूको पाइला कहिल्यै नपराको ठाउँमा, कर्मीहरूले खानी पइल्याउने बाटो खन्छन्। तिनीहरू गहिरो भित्र डोरीमा झुण्डिएर सुरूङ्ग खन्छन्।

⁵जमीन माथि अन्न उम्रन्छ। तर जमीन मुनि भिन्नै छ, मानौं प्रत्येक कुरा आगोले पग्लिए जस्तै छ।

⁶जमीन मुनि बहुमूल्य धातुहरू अनि काँचो सुनको कणहरूछन।

⁷जङ्गली चरा-चुरूङ्गीहरूले जमीन मुनिको बाटोहरूको बारेमा जान्दैनन्। बाजले पनि कहिल्यै त्यस्ता बाटोहरू देखेको हुँदैन।

⁸जङ्गली पशुहरू त्यस्ता बाटोहरूमा हिँडेका छैनन। सिंहले पनि त्यो बाटो हिडेको छैन्।

⁹कर्मीहरूले कडा ढुङ्गाहरू खन्छन्। तिनीहरूले पर्वतहरू खनेर उदाङ्गे पारिदिएकाछन्।

¹⁰कर्मीहरूले चट्टानहरू काटेर सुरूङ्ग बनाएका छन्। तिनीहरूले चट्टानमा बहुमूल्य खनिज पदार्थ देखेका छन्।

¹¹कर्मीहरूले पानी रोक्नको लागि बाँध बनाउँछन्। तिनीहरूले लुकेका चीजहरू बाहिर प्रकाशमा ल्याउँछन्।

¹²“तर मानिसहरूले ज्ञान कहाँ पाउनँ सक्छन्? बुद्धि पाउन हामी कहाँ जान सक्छौं?

¹³हामी जान्दैनौं ज्ञान कति बहुमूल्य वस्तु हो। पृथ्वीमा भएका मानिसहरूले जमीन खनेर ज्ञान भेट्न सक्तैनन्।

¹⁴गहिरो महासागरले भन्छ, ‘ज्ञान यहाँ मसित छैन।’ समुद्रले भन्छ ‘ज्ञान यहाँ मसित छैन।’

¹⁵तिमीहरूले शुद्ध सुन दिएर पनि ज्ञान किन्न सक्तैनौ। यस संसारमा ज्ञान किन्नलाई प्रशस्त चाँदी छैन।

¹⁶तिमीहरूले ओपीरका सुन अथवा बहुमूल्य ढुङ्गा अथवा बहुमूल्य रत्नहरूले पनि ज्ञान किन्न सक्तैनौ।

¹⁷ज्ञान सुन अथवा स्फटिकभन्दा बहुमूल्य हो। सुनमा कुँदिएका बहुमूल्य गहनाहरूले पनि ज्ञान किन्न सकिंन्दैन।

¹⁸ज्ञान मूगा अनि बिल्लोर जस्ता मणिहरू भन्दा बहुमूल्य हो। ज्ञान मानिक मणिहरू भन्दा अत्यन्त मुल्यवान हुन्छ।

¹⁹कूश देशको पुष्पराज ज्ञानभन्दा बहुमूल्य होइन। तिमीहरू खाट्टी सुनले पनि किन्न सक्तैनौ।

²⁰“यसकारण ज्ञान कहाँबाट आउँदछ? हामीले कहाँबाट बुद्धिको मूल पाउन सक्छौ?

²¹ज्ञान पृथ्वीमा भएका सबै प्राणपूर्ण जीवहरूदेखि गोप्य रहँदछ। आकाशमा उड्ने चराहरूलेसम्म ज्ञानलाई देख्न सक्तैन।

²²मृत्यु र विनाशले भन्दछ, ‘हामीमा ज्ञान छैन। हामीले त्यसका विषयमा उड़न्ता कुराहरू मात्र सुनेका छौं।’

²³“केवल परमेश्वरले मात्र ज्ञानको बाटो जान्नु हुन्छ। परमेश्वरले मात्र ज्ञान कहाँ छ जान्नुहुन्छ।

²⁴परमेश्वरले मात्र पृथ्वीको अन्तसम्म देख्न सक्नु हुन्छ परमेश्वरले आकाश मुनि सबै थोक देख्नुहुन्छ।

²⁵परमेश्वरले बतासलाई शक्ति दिनु भएको छ। र समुद्रको सीमाना बाँधि दिनुभयो।

²⁶पानी कहाँ बर्षाउनु पर्छ परमेश्वरले मात्र निर्णय गर्नु हुन्छ। अनि कहाँ चट्याङ्गहरू फ्याँकिनु पर्छ त्यो निर्णय पनि उहाँले गर्नु हुन्छ।

²⁷त्यस समय परमेश्वरले ज्ञान देख्नु भयो अनि यस विषयमा सोच्नु भयो। ज्ञान कति महत्वपूर्ण छ परमेश्वरले बझ्नु भयो अनि परमेश्वरले ज्ञान अनुमोदन गर्नुभयो।

²⁸अनि परमेश्वरले मानिसहरूलाई भन्नुभयो, ‘परमेश्वरको डर र सम्मान नै ज्ञान हो। खराब कामहरूबाट आफूलाई अलग राख्नु बुद्धि हो।’”