Read Nepali-पवित्र बाइबल भजनसंग्रह 85 Bible Online

भजनसंग्रह 85 - Nepali-पवित्र बाइबल bible

भजनसंग्रह 85

¹प्रमुख संगीतकारलाई: कोरह परिवारहरूको स्तुतिगान। हे परमप्रभु, आफ्ना देश प्रति कृपा राख्नुहोस्। याकूबका परिवारहरू परदेशमा निष्कासित छन् तिनीहरूलाई आफ्नो देशमा फेरि ल्याउनु होस्।

²हे परमप्रभु, आफ्ना मानिसहरूलाई, क्षमा गर्नुहोस् तिनीहरूका पापहरू मेटाई दिनुहोस्!

³हे परमप्रभु, क्रोधीत हुनदेखि रोकिनु होस्, पागल नबन्नु होस्।

⁴हाम्रो परमेश्वर अनि रक्षक, हामीमा क्रोधी हुनदेखि रोकिनु होस्, अनि हामीलाई फेरि ग्रहण गर्नुहोस्।

⁵के तपाई हामीसँग सधैँ क्रोधित हुनुहुन्छ? के तपाईंको क्रोध हामीहरूको छोरा-नाति सम्म रहनेछ?

⁶दया गरी हमीलाई नयाँ जीवन दिनुहोस्! तपाईंको मानिसहरूलाई खुशी बनाउँनु होस्।

⁷हे परमप्रभु! हामीलाई आपत्तिबाट बचाउनुँ होस्। हामीलाई देखाउनु होस् कि तपाईंले हामीलाई कति प्रेम गर्नु हुन्छ।

⁸उहाँले के भन्नुहुन्छ भनेर मैले मेरो कानलाई परमप्रभु परमेश्वरतिर लगाएँ। परमेश्वरले भन्नुभयो कि उहाँका मानिसहरू, अनि विश्वासी चेलाहरूको निम्ति त्यहाँ शान्ति छ। यदि तिनीहरू पछि फर्केर मुर्खताको बाटोमा हिडेनन् भने, उनीहरूले शान्ति पाउने छन्।

⁹परमेश्वरले चाँडै आफ्नो चेलाहरूलाई बचाउनुँ हुनेछ। हामीहरू चाँडै इज्जतको साथ हाम्रा स्थानमा पस्नेछौ।

¹⁰परमेश्वरको साँच्चो प्रेममा उनका सबै भक्तजनहरू भेट हुन्छन्। धार्मिकता र शान्तिले तिनीहरूलाई चुम्बन गरी स्वागत गर्नेछन्।

¹¹पृथ्वीमा बस्ने मानिसहरू परमेश्वरमा विश्वासी हुनेछन्। अनि स्वर्गको परमेश्वर उनीहरूको निम्ति असल हुनुहुनेछ।

¹²परमेश्वरले हामीहरूलाई धेरै उत्तम थोकहरू दिनु हुनेछ, अनि जमीनले धेरै अन्न उब्जाउँनेछ।

¹³धार्मिकताचाँहि परमेश्वरको अघि जान्छ, र उहाँको निम्ति एउटा मार्ग तयार गर्छ।