Read Nepali-पवित्र बाइबल योएलको पुस्तक 1 Bible Online

योएलको पुस्तक 1 - Nepali-पवित्र बाइबल bible

योएलको पुस्तक 1

¹पतुएलको छोरा योएलले परमप्रभुको यो वचन प्राप्त गर्यो:

²हे अगुवाहरू हो, यो वचन सुन! हे यो देशका सबै बासिन्दाहरू हो! तिमीहरू मेरो कुरामा ध्यानदेऊ। के तिमीहरूको जीवनकालमा पहिला कहिल्यै, यस्तो भएको थियो? अँहँ थिएन! के तिमिहरूका पिता-पुर्खाहरूको समयमा कहिल्यै, यस्तो घटना घटेको थियो? अँहँ थिएन!

³तिमीहरूका छोरा-छोरीहरूलाईयो कुरा बताऊ, अनी तिम्रो छोरा-छोरीहरूले उनीहरूका छोरा-छोरीहरूलाई बताउँने छन्। तिमीहरूको नाति-नातीनाले आफ्ना आउने पुस्तालाई बताउने छन्।

⁴जे कुरो काट्ने सलहहरूले छोडेका थिए, सबै बगाले सलहहरूले खाए। अनि जेकुरा बगाले सलहहरूले छोडेका थिए, ती सबै उफ्रने सलहहरूले खाए। जे उफ्रने सलहहरूले छोडेका थिए, ती सबै विनासकारी झुसुले सलहहरूले खाए।

⁵हे मतवालाहरू! जाग अनि रोऊ! तिमीहरू सबै दाखरस पिउनेहरू हो! जोडसित रोऊ किनभने तिमीहरूको मिठो दाखरस अब छैन। अब तिमीहरूले मिठो नयाँ दाखरस पाउने छैनौ।

⁶एउटा ठूलो अनी शक्तीशाली जातिले मेरो देशलाई आक्रमण गरेका छन्।[१] तिनीहरूका दाँतहरू सिंहका जस्तै छन्। तिनहरूका दाह्राहरू सिंहीनीका जस्तै छन्।

⁷ती मानीसहरूले मेरो दाख बारीहरू नष्ट पारिदिए। दाखको बारी ओइलायो त्यसपछि मर्यौ। ती मनिसहरूले मेरो राम्रो नेभाराका बोटहरू नष्ट पारिदिए। बोटको बोक्रा समेत उप्काई नाङ्गो पारेर फालिदिए।

⁸कन्ये केटी झैं विलाप गर जसको विवाह हुनलागेको छ। जसले लोग्नेको निम्ति भाङ्‌ग्रा लगाएकीछे, जसको हुनलागेको लोग्ने विवाह हुनुभन्दा पहिला नै मरिएको छ।

⁹पूजाहारीहरू परमप्रभुका सेवकहरू रोऊ। किनभने अब अन्नबली, र अर्घबली परमप्रभुलाई चढाईनेछ।

¹⁰खेत उजाड पारीएकोछ। यहाँ सम्म कि खेत पनि रुँदैछ। किनभने अन्नहरू सबै नष्ट भयो नयाँ दाखरस सुख्खा भयो अनि भद्राक्षेको तेल पनि समाप्त भयो।

¹¹हे किसानहरू! निरास हौ। हे दाखवरीका किसानहरू अच्काली विलाप गर! गहुँ र जौंको निम्ति विलाप गर किनकि खेतको फसलहरू नष्ट भएकोछ।

¹²दाखको बोट सुकाइयो अनि नेभाराको बोट ओइलाएकोछ। अनार, खजुर अनि स्याउका बोटहरू सुकाइयो। बारिका सबै रुखहरू सुकेका छन्। मानिसको बिचमा भएको आनन्द अन्त भएकोछ।

¹³हे पूजाहरीहरू! भाङ्ग्रा लगाऊ अनि साह्रै विलाप गर। हे वेदीका सेवकहरू हो! विलाप गर। हे मेरा परमेशवरका सेवकहरू! तिमीहरू भाङ्ग्रा लाएर सुत। किनकि अन्नबलि र अर्घबली तिम्रा परमेश्वरको मन्दिरमा हुने छैन।

¹⁴उपवासको समय निश्चित गर। विशेष सभाका निम्ति मानिसहरूलाई बोलाऊ। सभामा अगुवाहरू र यो देशका सबै बासिन्दाहरूलाई भेला गराऊ। उनीहरूलाई परमप्रभु तिमीहरूका परमेश्वरको भवनमा ल्याऊ अनि परमप्रभुलाई पुकार गर।

¹⁵त्यस दिनको लागि यो एकदमै नराम्रो दिन हुनेछ। किनकि परमप्रभुको एक विशेष दिन नजिकै आउँदैछ। त्यस समय यस्तो सर्वनाश हुनेछ कि सर्वशक्तिमान परमेश्वरले आक्रमण गरिरहनु भएको जस्तै हुनेछ।

¹⁶हाम्रो खाने भोजन हाम्रो आँखाले हेर्दा हेर्दै हरायो। हाम्रो परमेश्वरको भवनबाट आन्नद र हर्ष हराएर गयो।

¹⁷हामीले बिऊहरू त रोपेका थियौं तर जमीनमानै सुकेर मर्यो। हाम्रो बोट बिरुवा सुकेर मर्यो। हाम्रा अन्नको भण्डारहरू खाली भयो अनि नष्ट भएर गयो।

¹⁸हाम्रा पशुहरू भोकले कराइरहेकाछन्। हाम्रा गाई-गोरूका बथान यता-उता छरपष्ट भए। तिनीहरूले घाँस खान पाउँदैनन्। भेंडा़हरू पनि मरिरहेका छन्।

¹⁹हे परमप्रभु! म तपाईंलाई सहायताको निम्ति प्रार्थना गर्दैछु। किनकि हाम्रो हरियो मैदानहरू आगोले मरुभूमि बनाइदियो। मैदानका सबै रूखहरू आगोको ज्वालाले जलाई दिए।

²⁰वन पशुहरू पनि तपाईंको सहायता चाहन्छन्। नदीहरू सुकी सके, कतै पनी पानीको नाउँ निशान छैन। आगोले हाम्रो हरियाली मैदनलाई मरुभूमि बनाई दियो।