Read Nepali-पवित्र बाइबल जकरियाको पुस्तक 2 Bible Online

जकरियाको पुस्तक 2 - Nepali-पवित्र बाइबल bible

जकरियाको पुस्तक 2

¹तब मैले माथि हेरें अनि एउटा मानिसलाई नाप्ने फिता लिएको देखें।

²मैले उसलाई सोधें, “तपाईं कहाँ जाँदै हुनुहुन्छ?” उसले मलाई उत्तर दिए, “म यरूशलेम नाप्न जाँदैछु, त्यसको लम्बाई र चौंडाई कति छ?”

³त्यस समय मसित कुरा गरिरहेका स्वर्गदूत बाहिर गए अनि अर्को एकजना स्वर्गदूत उसित कुरा गर्न गए।

⁴उनले तिनलाई भनें, “कुदेर जाऊ अनि त्यो जवान मानिसलाई भन्: “‘यरूशलेम पर्खाल बिनाको शहर हुनेछ। किनभने त्यहाँ असंख्य मानिसहरू र पशुहरू बस्छन्।’

⁵परमप्रभु भन्नुहुन्छ, ‘म रक्षाको लागि यसको वरिपरि आगोको पर्खाल हुनेछु, म तिमीहरूको महिमा हुनेछु।’” परमप्रभु भन्हुन्छ,

⁶“छिट्टो उठ! अनि उत्तर देश छोड छिट्टो गर! जहाँ मैले तिमीहरूलाई सबै देशहरूमा छरपष्ट पारें।

⁷हे सियोनका मानिसहरू! जो बाबेलमा कैदीछौ, दगुर!”

⁸सर्वशक्तिमान परमप्रभुले यसो भन्नु भयो। “उहाँले मलाई त्यस देशको बिरुद्ध पठाउँनु भएको छ जसले तिमीलाई लगे। किनभने यदि उसले तिमीलाई चोट पुरायो भने परमप्रभुको आँखाको नानीमा चोट पुराए झैं हुनेछ।

⁹अनि म ती मानिसहरूको बिरूद्ध अफ्नो हातहरू उठाउँछु। तिनीहरूका दासहरूले सम्पत्ति लिनेछन्।” तब तिमीले सम्झनेछौ, सर्वशक्तिमान परमप्रभुले मलाई यहाँ पठाउँनु भएको हो।

¹⁰परमप्रभु भन्नुहुन्छ, “आनन्दपूर्ण भई कराऊ अनि खुशी होऊ, सियोन। किनकि म आउँदैछु अनि तिमीहरूको बिचमा रहनेछु।

¹¹त्यससमय धेरै जातिका मानिसहरू परमप्रभु कहाँ आउँनेछन्, अनि तिनीहरू मेरा मानिस हुनेछन्। म तिमीहरूको बीचमा बस्नेछु। अनि तिमीहरूले जान्नेछौ कि सर्वशक्तिमान परमप्रभुले मलाई तिनीहरूकहाँ पठाउनु भएको हो।”

¹²परमप्रभुले यरूशलेमलाई फेरि आफ्नो शहर बनाउनु हुनेछ, अनि यहूदाको पवित्र भूमि उहाँको भाग हुनेछ।

¹³तिमी सबै मानिसहरू परमप्रभुको सामुन्ने चूपचाप बस! आफ्नो पवित्र घरबाट परमप्रभु बाहिर आउनु हुँदैछ।