Read Nepali New Revised Version, 2012 १ इतिहास 2 Bible Online

१ इतिहास 2 - Nepali New Revised Version, 2012 bible

१ इतिहास 2

¹इस्राएलका छोराहरू: रूबेन, शिमियोन, लेवी, यहूदा, इस्‍साखार, जबूलून,

²दान, योसेफ, बेन्‍यामीन, नप्‍ताली, गाद र आशेर।

³यहूदाका छोराहरू: एर्, ओनान र शेलह। यी तीन जनाकी आमाचाहिँ कनानी स्‍त्री शूआ थिइन्‌। यहूदाका जेठा छोरा एर्‌ले परमप्रभुलाई अप्रसन्‍न गराएका हुनाले परमप्रभुले तिनलाई मार्नुभयो।

⁴तब यहूदाकी बुहारी तामारले तिनको निम्‍ति फारेस र जेरहलाई जन्‍माइन्‌। यहूदाका जम्‍मा छोराहरू पाँच जना भए।

⁵फारेसका छोराहरू: हेस्रोन र हामूल।

⁶जेरहका छोराहरू: जिम्री, एतान, हेमान, कलकोल र दर्दा— सबै जम्‍मा पाँच जना थिए।

⁷कर्मीका छोरा: आकान, जसले अर्पण गरिएको थोक लिने मनाहीलाई नटेरेर इस्राएलमाथि कष्‍ट ल्‍याए।

⁸एतानका छोरा: अजर्याह।

⁹हेस्रोनका छोराहरू: यरहमेल, राम र कालेब।

¹⁰रामचाहिँ अम्‍मीनादाबका पिता थिए, र अम्‍मीनादाब नहशोनका पिता थिए, जो यहूदाका एक अगुवा थिए।

¹¹नहशोन सल्‍मोनका पिता थिए, र सल्‍मोन बोअजका पिता थिए।

¹²बोअज ओबेदका पिता थिए, र ओबेद यिशैका पिता थिए।

¹³यिशैचाहिँ जेठा छोरा एलीआब, माहिला अबीनादाब, साहिँला शिमेअ,

¹⁴काहिँला नतनेल, अन्‍तरे राद्दै,

¹⁵जन्‍तरे ओसेम र कान्‍छा दाऊदका पिता थिए।

¹⁶तिनका बहिनीहरू सरूयाह र अबीगेल थिए। सरूयाहका तीन जना छोराहरू अबीशै, योआब र असाहेल थिए।

¹⁷अबीगेल अमासाकी आमा थिइन्, जसका पिता इश्‍माएली येतेर थिए।

¹⁸हेस्रोनका छोरा कालेबकी आफ्‍नी पत्‍नी अजूबाबाट र यरीअतबाट छोराछोरीहरू भए। तिनका छोराहरू यी नै थिए: येशेर, शोबाब र अर्दोन।

¹⁹जब अजूबा मरिन्, तब कालेबले एप्रातलाई विवाह गरे, जसले तिनका निम्‍ति हूरलाई जन्‍माइन्‌।

²⁰हूरचाहिँ ऊरीका पिता थिए, र ऊरी बजलेलका पिता थिए।

²¹पछि जब हेस्रोन साठी वर्ष पुगेका थिए, तब गिलादका पिता माकीरकी छोरीसित तिनले विवाह गरे र तिनीसित तिनको सहवास भयो, र तिनले सगूबलाई जन्‍माइन्‌।

²²सगूब याईरका पिता थिए। याईरले गिलादका तेईस वटा सहर कब्‍जा गरे।

²³(तर गशूर र अरामले तिनीहरूबाट हब्‍बात-याईर र केनात, त्‍यसका बस्‍तीहरूसमेत जम्‍मा साठी वटा सहर कब्‍जा गरे।) यिनीहरू सबै गिलादका पिता माकीरका सन्‍तान थिए।

²⁴हेस्रोन कालेब-एप्रातामा मरेपछि हेस्रोनकी पत्‍नी अबियाले तिनको निम्‍ति अशहूरलाई जन्माइन्, जो तकोका पिता थिए।

²⁵हेस्रोनका जेठा छोरा यरहमेलका छोराहरू: जेठा छोरा राम, बूना, ओरेन, ओसेम र अहियाह।

²⁶यरहमेलकी अर्की एउटी पत्‍नी थिइन्, जसको नाउँ अतारा थियो। तिनीचाहिँ ओनामकी आमा थिइन्‌।

²⁷यरहमेलका जेठा छोरा रामका छोराहरू: मास, यामीन र एकेर।

²⁸ओनामका छोराहरू: शम्‍मै र यादा। शम्‍मैका छोराहरू: नादाब र अबीशूर।

²⁹अबीशूरकी पत्‍नीको नाउँ अबीहेल थियो: जसले तिनको निम्‍ति अहबान र मोलीदलाई जन्‍माइन्‌।

³⁰नादाबका छोराहरू: सेलेद र अप्‍पेम। सेलेद निस्‍सन्‍तान भएर मरे।

³¹अप्‍पेमका छोरा: यिशी, जो शेशानका पिता थिए। शेशानचाहिँ अहलैका पिता थिए।

³²शम्‍मैका भाइ यादाका छोराहरू: येतेर र जोनाथन। येतेर निस्‍सन्‍तान भएर मरे।

³³जोनाथनका छोराहरू: पेलेथ र जाजा। यरहमेलका सन्‍तान यी नै थिए।

³⁴शेशानका छोरीहरू मात्र थिए, तर छोराहरू थिएनन्‌। तिनको यरहा नाउँको एउटा मिश्री दास थियो।

³⁵यही दास यरहासित शेशानले आफ्‍नी छोरीलाई विवाह गरिदिए, र तिनले त्‍यसको निम्‍ति अत्तैलाई जन्‍माइन्‌।

³⁶अत्तै नातानका पिता, नातान जाबादका पिता,

³⁷जाबाद एपलालका पिता, एपलाल ओबेदका पिता,

³⁸ओबेद येहूका पिता, येहू अजर्याहका पिता,

³⁹अजर्याह हेलेसका पिता, हेलेस एलासाका पिता,

⁴⁰एलासा सिस्‍मैका पिता, सिस्‍मै शल्‍लूमका पिता,

⁴¹शल्‍लूम यकम्‍याहका पिता, यकम्‍याह एलीशामाका पिता थिए।

⁴²यरहमेलका भाइ कालेबका छोराहरू: जेठा छोरा मेशा, जो जीपका पिता थिए, र उनका छोरा मारेशा, जो हेब्रोनका पिता थिए।

⁴³हेब्रोनका छोराहरू: कोरह, तप्‍पूह, रेकेम र शेमा।

⁴⁴शेमाचाहिँ रहमका पिता थिए, र रहम योर्कामका पिता थिए। रेकेम शम्‍मैका पिता थिए।

⁴⁵शम्‍मैका छोरा माओन थिए, र माओन बेथ-सरका पिता थिए।

⁴⁶कालेबकी उपपत्‍नी एपाचाहिँ हारान, मोस र गाजेजकी आमा थिइन्‌। हारान गाजेजका पिता थिए।

⁴⁷यहदैका छोराहरू: रेगेम, योताम, गेशान, पलेत, एपा र शाप।

⁴⁸कालेबकी उपपत्‍नी माकाचाहिँ शेबेर र तिर्हानाकी आमा थिइन्‌।

⁴⁹तिनले मद्‌मन्‍नाका पिता शापलाई अनि मक्‍बेना र गिबियाका पिता शेबालाई पनि जन्‍माइन्‌। कालेबकी छोरी अक्‍सा थिइन्‌।

⁵⁰कालेबका सन्‍तान यी नै थिए: एप्राताका जेठा छोरा हूरका छोराहरू: किर्यत-यारीमका पिता शोबाल,

⁵¹बेथलेहेमका पिता सल्‍मा र बेथ-गादेरका पिता हारेप।

⁵²किर्यत-यारीमका पिता शोबालका सन्‍तान: हारोए, मानहतीहरूका आधा, र

⁵³किर्यत-यारीमका वंशहरू: यित्रीहरू, पूथीहरू, शुमातीहरू र मिश्रातीहरू। यिनीहरूबाट सोराती र एश्‍तोलीहरूका सन्‍तान भए।

⁵⁴सल्‍माका सन्‍तान: बेथलेहेम, नतोपातीहरू, अत्रोतबेथ-योआब, आधा मानहतीहरू र सोरीहरू, अनि

⁵⁵याबेसमा बस्‍ने शास्‍त्रीका वंशहरू: तिरातीहरू, शिम्‍मतीहरू र सुकातीहरू। यिनीहरू ती केनीहरू हुन्, जो रेकाबको घरानाका पिता हम्‍मतबाट आए।