Read Nepali New Revised Version, 2012 १ इतिहास 3 Bible Online

१ इतिहास 3 - Nepali New Revised Version, 2012 bible

१ इतिहास 3

¹हेब्रोनमा जन्‍मेका दाऊदका छोराहरू यी नै हुन्‌: जेठा छोरा अमनोन, जसकी आमा यिजरेलकी अहीनोम थिइन्, माहिला दानिएल, जसकी आमा कर्मेलकी अबीगेल थिइन्,

²साहिँला अब्‍शालोम, जसकी आमा गशूरका राजा तल्‍मैकी छोरी माका थिइन्, काहिँला अदोनियाह, जसकी आमा हग्‍गीत थिइन्,

³अन्‍तरे शपत्‍याह, जसकी आमा अबीतल थिइन्, अनि कान्‍छा यित्राम, जसकी आमा दाऊदकी पत्‍नी एग्‍ला थिइन्‌।

⁴यी छ जनाचाहिँ दाऊदको लागि हेब्रोनमा जन्‍मेका थिए। त्‍यहाँ दाऊदले सात वर्ष छ महिना राज्‍य गरे। यरूशलेममा दाऊदले तेत्तीस वर्ष राज्‍य गरे।

⁵त्‍यहाँ यी छोराछोरीहरू जन्‍मे: शम्‍मूअ, शोबाब, नातान र सोलोमन। यी चार जना अम्‍मीएलकी छोरी बतशेबाबाट जन्‍मेका थिए।

⁶अरू नौ जनाचाहिँ यिभार, एलीशूअ, एलीपेलेत,

⁷नोगह, नेपेग, यापी,

⁸एलीशामा, एल्‍यादा र एलीपेलेत थिए।

⁹उपपत्‍नीहरूका छोराहरूबाहेक यी सबै दाऊदका छोराहरू थिए। र तामार तिनीहरूकी बहिनी थिइन्‌।

¹⁰सोलोमनका छोरा रहबाम थिए, जसका छोरा अबिया, जसका छोरा आसा, जसका छोरा यहोशापात,

¹¹जसका छोरा यहोराम, जसका छोरा अहज्‍याह, जसका छोरा योआश,

¹²जसका छोरा अमस्‍याह, जसका छोरा अजर्याह, जसका छोरा योताम,

¹³जसका छोरा आहाज, जसका छोरा हिजकिया, जसका छोरा मनश्‍शे,

¹⁴जसका छोरा अमोन, जसका छोरा योशियाह थिए।

¹⁵योशियाहका छोराहरू: जेठा छोरा योहानान, माहिला यहोयाकीम, साहिँला सिदकियाह, र कान्‍छा शल्‍लूम थिए।

¹⁶यहोयाकीमका छोराहरू यहोयाकीन र सिदकियाह थिए।

¹⁷कैदमा लगिएका यहोयाकीनका छोराहरू: आफ्‍ना छोरा शालतिएल,

¹⁸मल्‍कीराम, पदायाह, शेनस्‍सर, यकम्‍याह, होशामा र नदब्‍याह।

¹⁹पदायाहका छोराहरू: यरुबाबेल र शिमी। यरुबाबेलका छोराहरू: मशुल्‍लाम र हनन्‍याह। तिनीहरूकी बहिनी शलोमीत थिइन्‌।

²⁰अरू पाँच जना पनि थिए: हशूबा, ओहेल, बेरेक्‍याह, हसदयाह र यूशप-हेसेद।

²¹हनन्‍याहका सन्‍तान: पलत्‍याह र यशयाह, अनि रपायाह, अर्नान, ओबदिया र शकन्‍याहका छोराहरू।

²²शकन्‍याहका सन्‍तान: शमायाह र तिनका छोराहरू: हत्तूश, यिगाल, बारीह, नार्याह र शाफात— जम्‍मा छ जना।

²³नार्याहका छोराहरू: एल्‍योएनै, हिस्‍कियाह र अज्रीकाम— जम्‍मा तीन जना।

²⁴एल्‍यहोएनैका छोराहरू: होदबिया, एल्‍यासीब, पलयाह, अक्‍कूब, योहानान, दलायाह र अनानी— जम्‍मा सात जना।