Read Nepali New Revised Version, 2012 १ इतिहास 4 Bible Online

१ इतिहास 4 - Nepali New Revised Version, 2012 bible

१ इतिहास 4

¹यहूदाका सन्‍तान: फारेस, हेस्रोन, कर्मी, हूर र शोबाल।

²शोबालका छोरा रायाहचाहिँ यहतका पिता थिए। यहतचाहिँ अहूमै र लहदका पिता थिए। सोरातीहरूका वंश यी नै थिए।

³एतामका छोराहरू: यिजरेल, यिश्‍मा, यिदबश। तिनीहरूकी बहिनीको नाउँ हस्‍सलेलपोनी थियो।

⁴पनूएलचाहिँ गदोरका पिता, र एसेर हूशका पिता थिए। एप्रातका जेठा छोरा र बेथलेहेमका पिता हूरका सन्‍तान यी नै हुन्‌।

⁵तकोका पिता अश्‍शूरका दुई पत्‍नीहरू थिए, हेलह र नारा।

⁶नाराले तिनको निम्‍ति अहुज्‍जाम, हेपेर, तेमेनी र हाहशतारीलाई जन्‍माइन्‌। नाराका सन्‍तान यी नै थिए।

⁷हेलहका छोराहरू: सेरेथ, सोहोर, एतनान र कोस।

⁸कोसचाहिँ आनूब र हज्‍जोबेबा अनि हारूमका छोरा अहर्हेलका वंशहरूका पिता थिए।

⁹याबेस आफ्‍ना दाजुभाइहरूभन्‍दा बढ़ी मानका थिए। तिनकी आमाले तिनलाई याबेस नाउँ राखेकी थिइन्, किनभने तिनले भनिन्, “मैले त्‍यसलाई वेदनामा जन्‍माएँ।”

¹⁰याबेसले यसो भनेर इस्राएलीहरूका परमेश्‍वरलाई पुकारा गरे, “बिन्‍ती छ, मलाई आशिष्‌ दिएर ठूलो इलाका दिनुहोस्‌! तपाईंको हात ममाथि रहोस्, र मलाई जोखिमबाट जोगाएर राख्‍नुहोस्, ताकि मलाई कुनै चोटले पनि नदुखोस्‌।” अनि परमेश्‍वरले तिनको बिन्‍ती सुन्‍नुभयो।

¹¹शूहहका भाइ कलूब मेहीरका पिता थिए, र मेहीरचाहिँ एश्‍तोनका पिता थिए।

¹²एश्‍तोनचाहिँ बेथ-रापा, पसेह र तहिन्‍नाका पिता थिए। तहिन्‍ना इर-नाहशका पिता थिए। यिनीहरू रेकाका मानिसहरू थिए।

¹³कनजका छोराहरू: ओत्‍निएल र सरायाह। ओत्‍निएलका छोराहरू: हतत र मोनोतै।

¹⁴मोनोतै ओप्राका पिता थिए। सरायाह योआबका पिता थिए, र योआब गे-हरशीमका पिता थिए। त्‍यहाँका मानिसहरू कारीगरहरू भएका हुनाले तिनको त्‍यही नाम राखियो।

¹⁵यपुन्‍नेका छोरा कालेबका छोराहरू: ईरू, एलाह र नआम। एलाहका छोरा: कनज।

¹⁶यहललेलका छोराहरू: जीप, जीपा, तीरया र असरेल।

¹⁷एज्रहका छोराहरू: येतेर, मेरेद, एपेर, यालोन। मेरेदले विवाह गरेका फारोकी छोरी बित्‍याहले मिरियम, शम्‍मै र एश्‍तमोका पिता यिश्‍बहलाई जन्‍माइन्‌।

¹⁸मेरेदकी यहूदी पत्‍नीचाहिँ गदोरका पिता येरेद, सोखोका पिता हेबेर र जानोहका पिता यकूतीएलकी आमा थिइन्‌।

¹⁹होदियाहकी पत्‍नी नहमकी बहिनीका छोराहरू: गेरेमी कीलाहका पिता र माकाती एश्‍तमो।

²⁰शिमोनका छोराहरू: अमनोन, रिन्‍ना, बेन-हानान र तीलोन। यिशीका छोराहरू: जोहेत र बेन-जोहेत।

²¹यहूदाका छोरा शेलहका छोराहरू: लेकाका पिता एर्, मारेशाका पिता लादा, अनि बेथ-अश्‍बेयामा मलमलका कपड़ा बनाउनेहरूका वंशहरू,

²²योकीम, कोजेबाका मानिसहरू, अनि योआश र साराप, जसले मोआब र यशूबी-लेहेममा राज्‍य गरे। (यो विवरण अति प्राचीन छ।)

²³यिनीहरू कुमालेहरू थिए, जो नतैम र गदेरामा बस्‍थे र राजाको निम्‍ति काम गर्थे।

²⁴शिमियोनका सन्‍तान: नमूएल, यामीन, यारीब, जेरह र शौल।

²⁵शौलका छोरा शल्‍लूम थिए, जसका छोरा मिब्‍साम थिए, जसका छोरा मिश्‍मा थिए।

²⁶मिश्‍माका सन्‍तान: आफ्‍ना छोरा हम्‍मूएल, तिनका छोरा जक्‍कूर, तिनका छोरा शिमी।

²⁷शिमीका सोह्र भाइ छोरा र छ बहिनी छोरी थिए, तर तिनका भाइका थोरै छोराछोरी थिए। यसैले तिनीहरूको वंश यहूदाको वंश जत्तिकै धेरै संख्‍यामा बढ़ेन।

²⁸तिनीहरू बेर्शेबा, मोलादा, हसर-शूआल,

²⁹बिल्‍हा, एसेम, तोलद,

³⁰बतूएल, होर्मा, सिक्‍लग,

³¹बेथ-मर्काबोत, हसर-शूसीम, बेथ-बिरी र शारैममा बस्‍थे। दाऊदले शासन नगरुञ्‍जेलसम्‍म तिनीहरूका सहरहरू यी नै थिए

³²तिनीहरूका बस्‍तीहरू एताम, ऐन, रिम्‍मोन, तोकेन र आशान— जम्‍मा पाँच नगर थिए—

³³र बालातसम्‍मै यी नगरहरूका वरिपरि तिनीहरूका बस्‍तीहरू थिए। तिनीहरूका बसेका ठाउँहरू यी नै थिए। अनि तिनीहरूले वंशावलीको एउटा सूची पनि राखेका थिए।

³⁴मशोबाब, यम्‍लेक, अमस्‍याहका छोरा योशा,

³⁵योएल, योशिब्‍याहका छोरा येहू, जो सरायाहका नाति र असीएलका पनाति थिए।

³⁶एल्‍योएनै, याकोबा, याशोहायाह, असायाह, अदीएल, यसीमीएल, बनायाह,

³⁷र शिपीका छोरा जीजा, जो अल्‍लोनका नाति, यदायाहका पनाति, शिम्रीका खनाति र शमायाहका जनाति थिए।

³⁸माथि लेखिएका मानिसहरू आ-आफ्‍नो वंशका अगुवाहरू थिए, र तिनीहरूका घराना ज्‍यादै गरी बढ़े।

³⁹तिनीहरू आफ्‍ना बगालहरूका निम्‍ति खर्क खोज्‍दै बेँसीको पूर्वपट्टि गदोरनेरको ठाउँसम्‍म गए।

⁴⁰तिनीहरूले खुला मैदानको विस्‍तृत ठाउँमा मलिलो र असल खर्क भेट्टाए। त्‍यहाँ सबै कुरा शान्‍त र सूनसान थिए। त्‍यसका अघि त्‍यो ठाउँमा हामका कोही मानिसहरू बसेका थिए।

⁴¹यहूदाका राजा हिजकियाको राजकालमा माथि लेखिएका व्‍यक्तिहरूले आएर हामका मानिसहरू र त्‍यहाँ भेट्टाएका मोनीहरूलाई नाश गरे। तिनीहरूले उनीहरूलाई यसरी ध्‍वंस-विध्‍वंस पारे कि आजको दिनसम्‍म पनि उनीहरूको नाउँनिशानै पाइँदैन। अनि तिनीहरूका बगालका लागि खर्क भएकोले तिनीहरूले त्‍यो देश ओगटे।

⁴²यिशीका छोराहरू पलत्‍याह, नार्याह, रपायाह र उज्‍जीएलका नेतृत्‍वमा पाँच सय जति शिमियोनीहरूले सेइरको पहाड़ी देशमाथि आक्रमण गरे।

⁴³तिनीहरूले बाँचेका अमालेकीहरू सबैलाई नष्‍ट पारे, र आजको दिनसम्‍म तिनीहरू त्‍यहाँ बसेका छन्‌।