Read Nepali New Revised Version, 2012 १ इतिहास 9 Bible Online

१ इतिहास 9 - Nepali New Revised Version, 2012 bible

१ इतिहास 9

¹सबै इस्राएल वंशावलीको सूचीमा इस्राएलका राजाहरूको पुस्‍तकमा दर्ता गरियो। यहूदाचाहिँ आफ्‍नो विश्‍वासघातले गर्दा कैद गरेर बेबिलोनमा लगियो।

²आफ्‍ना पिता-पुर्खाहरूको देश, आफ्‍ना सहरहरूमा सबैभन्‍दा पहिले बसोबास गर्नेचाहिँ कोही इस्राएलीहरू, पूजाहारीहरू, लेवीहरू र मन्‍दिरका सेवकहरू थिए।

³यरूशलेममा बसोबास गर्ने यहूदा, बेन्‍यामीनी, एफ्राइम र मनश्‍शेका मानिसहरू यी नै हुन्‌:

⁴उत्तै जो, अम्‍मीहूदका छोरा, जो ओम्रीका छोरा, जो इम्रीका छोरा, जो बानीका छोरा, जो यहूदाका छोरा फारेसका एउटा सन्‍तान थिए।

⁵शीलोनीहरूका: जेठा असायाह र तिनका छोराहरू।

⁶जेरहातीहरूका: यीएल। यहूदाका मानिसहरू ६९० जना थिए।

⁷बेन्‍यामीनीहरूका: सल्‍लू, जो मशुल्‍लामका छोरा, जो होदबियाका छोरा, जो हस्‍सेनूअका छोरा थिए।

⁸यरोहामका छोरा यिब्‍नियाह; एलाह, जो उज्‍जीका छोरा, जो मिक्रीका छोरा थिए, अनि मशुल्‍लाम, जो शपत्‍याहका छोरा, जो रूएलका छोरा, जो यिबनियाका छोरा थिए।

⁹बेन्‍यामीनका मानिसहरू आफ्‍नो वंशावलीअनुसार ९५६ जना थिए, र सबै आफ्‍ना परिवार-परिवारका मुख्‍य मानिसहरू थिए।

¹⁰पूजाहारीहरूका: यदायाह, यहोयारीब, याकीन,

¹¹अजर्याह, जो हिल्‍कियाहका छोरा, जो मशुल्‍लामका छोरा, जो सादोकका छोरा, जो मरायोतका छोरा, जो अहीतूबका छोरा, जो परमेश्‍वरको भवनका जिम्‍मावाल थिए,

¹²अदायाह, जो यरोहामका छोरा, जो पशहूरका छोरा, जो मल्‍कियाहका छोरा थिए, अनि मासै, जो अदीएलका छोरा, जो यहजेराका छोरा, जो मशुल्‍लामका छोरा, जो मशिलेमीतका छोरा, जो इम्‍मेरका छोरा थिए।

¹³पूजाहारीहरू, जो आफ्‍ना परिवार-परिवारका मुखियाहरू थिए, ती १,७६० जना थिए। तिनीहरू परमेश्‍वरका भवनको सेवासम्‍बन्‍धी काम गर्नलाई योग्‍यका मानिसहरू थिए।

¹⁴लेवीहरूका: शमायाह, जो हश्‍शूबका छोरा, जो अज्रीकामका छोरा, जो हशब्‍याहका छोरा, जो मरारी थिए,

¹⁵अनि बक्बक्‍कर, हारेश, गालाल, मत्तन्‍याह, जो मीकाका छोरा जो जिक्रीका छोरा, जो आसापका छोरा थिए।

¹⁶अनि ओबदिया, जो शमायाहका छोरा, जो गालालका छोरा, जो यदूतूनका छोरा थिए, अनि बेरेक्‍याह, जो आसाका छोरा, जो एल्‍कानाका छोरा थिए, जो नतोपातीहरूका गाउँहरूमा बस्‍थे।

¹⁷द्वारपालहरू: शल्‍लूम, अक्‍कूब, तल्‍मोन, अहीमन र तिनीहरूका भाइहरू। तिनीहरूका दाजु शल्‍लूमचाहिँ प्रधान थिए।

¹⁸यस बेलासम्‍म तिनी पूर्वपट्टिका राजाको मूल ढोकामा द्वारपाल थिए। तिनीहरू लेवीहरूको छाउनीका द्वारपालहरू थिए।

¹⁹शल्‍लूम, जो कोरेका छोरा, जो एब्‍यासापका छोरा, जो कोरहका छोरा थिए, र तिनका कुटुम्‍बहरू, कोरहवंशीहरूचाहिँ पालका [1] प्रवेशद्वारका रक्षा गर्ने सेवाका जिम्‍मामा थिए, जसरी तिनीहरूका पुर्खाहरूले परमप्रभुको वासस्‍थानको प्रवेशद्वारका रक्षकको काम गरेका थिए।

²⁰उहिलेका समयमा एलाजारका छोरा पीनहास तिनीहरूका हेर-विचार गर्ने मुख्‍य कर्मचारी थिए, अनि परमप्रभु तिनीसँग हुनुहुन्‍थ्‍यो।

²¹मेशेलेम्‍याहका छोरा जकरिया भेट हुने पालका द्वारपाल थिए।

²²द्वारपालको काममा चुनिएकाहरूको संख्‍या २१२ थियो। तिनीहरूका आफ्‍ना गाउँ-गाउँ गरी वंशावलीको सूचीमा लेखिएका थिए। दाऊद र दर्शी शमूएलले तिनीहरूलाई आफ्‍नो विश्‍वासको काममा नियुक्ति गरेका थिए।

²³तिनीहरू र तिनीहरूका छोराहरूका जिम्‍मामा परमप्रभुको भवनका मूल ढोकाहरूमा पहरा बस्‍ने काम थियो, जुन भवनलाई पाल भनिन्‍थ्‍यो।

²⁴ती द्वारपालहरू पूर्व, पश्‍चिम, उत्तर, दक्षिण, चारैतिर बस्‍नुपर्दथ्‍यो।

²⁵तिनीहरूका कुटुम्‍बहरूचाहिँ आफ्‍ना गाउँहरूबाट तिनीहरूसँग एक पल्‍टमा सात दिनसम्‍म पालैपालो काममा आउनुपर्थ्‍यो।

²⁶तर चार जना मुख्‍य-मुख्‍य द्वारपालहरू, जो लेवीहरू हुन्‍थे, तिनीहरू परमप्रभुको भवनमा भएका कोठाहरू र भण्‍डारहरूका जिम्‍मेवारी हुन्‍थे।

²⁷तिनीहरू सधैँ परमप्रभुका भवनको हाताभित्रै सुत्‍थे, किनभने पहर-पहरमा तिनीहरूको काम हुन्‍थ्‍यो। अनि बिहानैपिच्‍छे मूल ढोकाहरू खोल्‍ने साँचोको जिम्‍मा तिनीहरूको थियो।

²⁸तिनीहरूमध्‍येका कुनै-कुनैले मन्‍दिरको सेवामा प्रयोग गरिने भाँड़ाहरूको जिम्‍मा लिए। तिनीहरूले ती भित्र ल्‍याउँदा र बाहिर लैजाँदा गनेर राख्‍नुपर्थ्‍यो।

²⁹तिनीहरूमध्‍येका अरू कुनै-कुनैचाहिँ सामानहरू र पवित्रस्‍थानका अरू सबै भाँड़ाहरू अनि पीठो, दाखमद्य, तेल, धूप र मसलाको जिम्‍मा लिन खटिएका थिए।

³⁰कुनै-कुनै पूजाहारीहरूले मसला मिसाएर तयार गर्दथे।

³¹कोरहवंशी शल्‍लूमका जेठा छोरा लेवी मत्तित्‍याहको जिम्‍मामा भेटीका फुरौलाहरू तयार गर्ने काम थियो।

³²तिनीहरूका कोही कोरहवंशी कुटुम्‍बहरूको जिम्‍मामा हरेक शबाथ-दिनमा भेटीका रोटीहरू तयार पार्ने काम थियो।

³³ती सङ्गीतकारहरू, लेवी परिवार-परिवारका मुखियाहरू, तिनीहरूका निम्‍ति अलग राखिएका कोठाहरूमा बस्‍थे, र अरू काम गर्न पर्दैनथ्‍यो, किनभने तिनीहरू दिन र रातमा काममा बोलाइन्‍थे।

³⁴ती सबै जना लेवी परिवारका मुखियाहरू थिए, र तिनीहरूका वंशावलीको सूचीमा लेखिएका थिए। तिनीहरू यरूशलेममा बस्‍थे।

³⁵गिबोनका पिता यीएल गिबोनमा बस्‍थे। तिनकी पत्‍नीको नाउँ माका थियो।

³⁶तिनका छोराहरू जेठा अब्‍दोन, सूर, कीश, बाल, नेर, नादाब,

³⁷गदोर, अहियो, जकरिया र मिक्‍लोत।

³⁸मिक्‍लोतचाहिँ शिमामका पिता थिए। तिनीहरू पनि यरूशलेममा आफ्‍ना कुटुम्‍बका नजिकै बस्‍थे।

³⁹नेर कीशका पिता थिए, र कीश शाऊलका पिता थिए। शाऊलचाहिँ जोनाथन, मल्‍कीशूअ, अबीनादाब र एश्‍बालका पिता थिए।

⁴⁰जोनाथनका छोरा: मरीब्‍बाल, जो मीकाका पिता थिए।

⁴¹मीकाका छोराहरू: पीतोन, मेलेक, तहरै र आहाज।

⁴²आहाज यादाहका पिता थिए, र यादाहचाहिँ आलेमेत, अज्‍मावेत र जिम्रीका पिता थिए।

⁴³जिम्री मोसका पिता थिए, र मोस बेनेका पिता थिए। तिनका छोरा रपायाह थिए, तिनका छोरा एलासा थिए, र तिनका छोरा आसेल थिए।

⁴⁴आसेलका छ जना छोराहरू थिए, र तिनीहरूका नाउँ यी नै हुन्‌: अज्रीकाम, बोकरू, इश्‍माएल, शार्याह, ओबदिया र हानान। यी सबै आसेलका छोराहरू थिए।