Read Nepali New Revised Version, 2012 नहेम्‍याह 12 Bible Online

नहेम्‍याह 12 - Nepali New Revised Version, 2012 bible

नहेम्‍याह 12

¹शालतिएलका छोरा यरुबाबेल र येशूअसँग फर्किआएका पूजाहारीहरू र लेवीहरू यिनै हुन्‌:

²सरायाह, यर्मिया, एज्रा, अमर्याह, मल्‍लूक, हत्तूश,

³शकन्‍याह, रेहूम, मरेमोत,

⁴इद्दो, गिन्‍नतोन, अबिया,

⁵मियामीन, मदाहा, बिल्‍गा,

⁶शमायाह, योयारीब, यदायाह,

⁷सल्‍लू, अमोक, हिल्‍कियाह र यदायाह। येशूअको पालोमा पूजाहारीका अगुवाहरू र तिनीहरूका सहयोगीहरू यिनै थिए।

⁸लेवीहरू: येशूअ, बिन्‍नूई, कादमीएल, शरेबियाह, यहूदा र मत्तन्‍याह। मत्तन्‍याह आफ्‍ना सहयोगीहरूसँग धन्‍यवादका भजनहरूका जिम्‍मावाल थिए।

⁹तिनका सहयोगीहरू बक्‍बुक्‍याह र उन्‍नीचाहिँ सेवाहरूमा तिनीहरूका सामुन्‍ने बस्‍थे।

¹⁰येशूअ योयाकीमका पिता थिए। योयाकीम एल्‍यासीबका पिता थिए। एल्‍यासीब योयादाका पिता थिए।

¹¹योयादा जोनाथनका पिता थिए, र जोनाथन यद्दूअका पिता थिए।

¹²योयाकीमको पालोमा यी पूजाहारीहरू आ-आफ्‍ना परिवारका मुखिया थिए: सरायाहका परिवारका मरायाह, यर्मियाका हनन्‍याह,

¹³एज्राका मशुल्‍लाम, अमर्याहका येहोहानान,

¹⁴मल्‍लूकका जोनाथन, शकन्‍याहका योसेफ,

¹⁵हारीमका अदना, मरेमोतका हल्‍कै।

¹⁶इद्दोका जकरिया, गिन्‍नतोनका मशुल्‍लाम,

¹⁷अबियाका जिक्री, मिन्‍यामीन र मोदाहाका पिल्‍तै,

¹⁸बिल्‍गाका शम्‍मूअ, शमायाहका यहोनातान,

¹⁹योयारीबका मत्तनै, यदायाहका उज्‍जी,

²⁰सल्‍लूका कल्‍लै, अमोकका एबेर,

²¹हिल्‍कियाहका हशब्‍याह, यदायाहका नतनेल।

²²एल्‍यासीब, योयादा, योहानान र यद्दूअका पालाका लेवीहरूका परिवारहरूका तथा पूजाहारीका मुखियाहरूका नाउँ फारसी राजा दाराको शासनकालमा लेखिएका थिए।

²³लेवी परिवारहरूका मुखियाहरूका नाउँचाहिँ एल्‍यासीबका छोरा योहानानको पालासम्‍मै इतिहासको पुस्‍तकमा लेखिएका थिए।

²⁴लेवीहरूका अगुवाहरू हशब्‍याह, शरेबियाह, कादमीएलका छोरा येशूअ, र तिनीहरूका सहयोगीहरू, जो तिनीहरूका सामुन्‍ने खड़ा हुन्‍थे र आ-आफ्‍नो पालोमा परमेश्‍वरका मानिस दाऊदले तोकेअनुसार पालैपालो स्‍तुति गर्ने र धन्‍यवाद चढ़ाउने गर्थे।

²⁵मत्तन्‍याह, बक्‍बुक्‍याह, ओबदिया, मशुल्‍लाम, तल्‍मोन र अक्‍कूबचाहिँ मूल ढोकाका भण्‍डार-कोठाहरूमा रक्षा दिने द्वारपालहरू थिए।

²⁶येशूअका छोरा, योसादाकका नाति योयाकीमको पालोमा र राज्‍यपाल नहेम्‍याह र पूजाहारी-शास्‍त्री एज्राका पालामा तिनीहरूले सेवा गरेका थिए।

²⁷यरूशलेमका पर्खालको समर्पण गर्दा यरूशलेममा रमाहट गरेर धन्‍यवादका भजन गाउँदै, झ्‍याली, सारङ्गी र वीणाका साथमा समर्पणको उत्‍सव मनाउन तिनीहरूले लेवीहरूलाई आफू बसेका सबै निवास-स्‍थानहरूबाट खोजेर ल्‍याए।

²⁸गवैयाहरू यरूशलेमको चारैतिरका ठाउँहरूबाट, अर्थात्‌ नतोपातीहरूका गाउँहरूबाट,

²⁹बेथ-गिलगालबाट, अनि गेबा र अज्‍मावेतका इलाकाहरूबाट ल्‍याइएका थिए, किनभने ती गवैयाहरूले यरूशलेमका चारैतिर आफ्‍ना निम्‍ति गाउँहरू बनाएका थिए।

³⁰पूजाहारीहरू र लेवीहरूले विधिअनुसार आफू-आफूलाई पवित्र गरे। त्‍यसपछि तिनीहरूले मानिसहरू, मूल ढोकाहरू र पर्खाललाई शुद्ध पारे।

³¹तब मैले यहूदाका अगुवाहरूलाई सहरको पर्खालमाथि जान लाएँ। साथै धन्‍यवाद दिन दुई वटा ठूला स्‍तुति गाउनेहरूका दल नियुक्त गरें। एक दल दाहिनेतिर पर्खालमा फोहोर ढोकासम्‍म जानुपर्थ्‍यो।

³²त्‍यस दलको पछिपछि होशयाह र यहूदाका आधा अगुवाहरूका साथमा

³³अजर्याह, एज्रा, मशुल्‍लाम,

³⁴यहूदा, बेन्‍यामीन, शमायाह र यर्मिया लागे।

³⁵तुरहीको साथमा कति जना पूजाहारीहरू, र जकरिया, जो जोनाथनका छोरा, जो शमायाहका छोरा, जो मत्तन्‍याहका छोरा, जो मीकायाका छोरा, जो जक्‍कूरका छोरा,

³⁶जो आसापका छोरा थिए, र तिनका सहयोगीहरू— शमायाह, अज्रेल, मिललै, गिललै, माऐ, नतनेल, यहूदा र हनानी— परमेश्‍वरका जन दाऊदले तोकेका बाजाहरूका साथमा थिए। शास्‍त्री एज्राचाहिँ जुलूसका अगुवा थिए।

³⁷तिनीहरू फुहारा ढोकाबाट भएर दाऊदको सहरका सिँढ़ीहरूबाट सोझै पर्खालमा उकालो चढ्‌ने बाटो भएर दाऊदको घर नाघेर पूर्वतिर भएको पानी ढोकासम्‍म गए।

³⁸भजन गाउँदै हिँड्‌ने दोस्रो दलचाहिँ देब्रेतिर लाग्‍यो। तिनीहरूका पछिपछि मानिसको आधा भागसँग म हिँडें। यो दल पर्खाल माथिमाथि भट्टीको बुर्जा भएर,

³⁹चौड़ा पर्खालसम्‍म र एफ्राइमको ढोका, येशना ढोका, माछा ढोका, हननेलको बुर्जा र सयको बुर्जादेखि भेड़ा ढोकासम्‍म गएपछि तिनीहरू गारदको ढोकामा अड़िए।

⁴⁰ती दुई भजन गाउने दल परमप्रभुको भवनमा आ-आफ्‍नै स्‍थानमा बसे। म पनि अधिकृतहरूको आधा दलसँग बसें।

⁴¹यसै गरी पूजाहारीहरू एल्‍याकीम, मासेयाह, मिन्‍यामीन, मीकाया, एल्‍योएनै, जकरिया र हनन्‍याह तुरहीका साथमा थिए।

⁴²र मासेयाह, शमायाह, एलाजार, उज्‍जी, येहोहानान, मल्‍कियाह, एलाम र एसेर पनि थिए। यिज्रहियाहको निर्देशनमा गवैयाहरूले गाए।

⁴³र त्‍यस दिन तिनीहरूले आनन्‍द गरेर ठूला बलिदानहरू चढ़ाए, किनकि परमप्रभु परमेश्‍वरले तिनीहरूलाई रमाहट गर्ने अवसर दिनुभएको थियो। स्‍त्रीहरू र बाल-बालिकाहरूले पनि आनन्‍द मनाए। यरूशलेमको आनन्‍दउत्‍सव टाढ़ा-टाढ़ासम्‍म पनि सुनियो।

⁴⁴त्‍यस बेला भेटीहरू अगौटे फलहरू र दशांशका निम्‍ति भण्‍डारको जिम्‍मा लिन, र सहरहरूका वरिपरि बस्‍तीहरूबाट पूजाहारीहरू र लेवीहरूका निम्‍ति व्‍यवस्‍थाले तोकेबमोजिम हिस्‍सा बटुल्‍न मानिसहरू नियुक्त गरिए। किनभने पूजाहारीहरू र लेवीहरूको सेवाबाट सबै यहूदा साह्रै प्रसन्‍न थिए।

⁴⁵दाऊद र तिनका छोरा सोलोमनले दिएका नियमअनुसार आफ्‍ना परमेश्‍वरको सेवा र शुद्धिको सेवा तिनीहरूले गरे, र यसै गरी गवैयाहरू र द्वारपालहरूले पनि सेवा गरे।

⁴⁶किनकि उहिले नै दाऊद र आसापको पालोमा गवैयाहरू परमेश्‍वरको प्रशंसा र धन्‍यवादका भजनका निम्‍ति निर्देशकहरू भएका थिए।

⁴⁷यसैले यरुबाबेल र नहेम्‍याहका पालामा गवैयाहरू र द्वारपालहरूलाई सबै इस्राएलले प्रतिदिनको चाहिएको भाग दिन्‍थे। तिनीहरूले अरू लेवीहरूका भाग पनि छुट्ट्याएर राख्‍थे। अनि लेवीहरूले चाहिँ हारूनका सन्‍तानको भाग छुट्ट्याएर राख्‍थे।