Read Nepali New Revised Version, 2012 नहेम्‍याह 7 Bible Online

नहेम्‍याह 7 - Nepali New Revised Version, 2012 bible

नहेम्‍याह 7

¹पर्खालको निर्माण भइसकेपछि, र मैले ढोकाहरू तिनको ठाउँ-ठाउँमा लगाइसकेपछि, तब द्वारपालहरू, गवैयाहरू र लेवीहरू नियुक्त गरिए।

²मैले मेरा भाइ हनानीलाई, किल्‍लाका सेनापति हनन्‍याहको साथमा यरूशलेमको जिम्‍मा दिएँ। किनभने अरू मानिसहरूभन्‍दा हनानीचाहिँ ज्‍यादै विश्‍वासी र परमेश्‍वरसँग डराउने मानिस थिए।

³मैले तिनीहरूलाई भनें, “यरूशलेमका मूल ढोकाहरू घाम निकै लागेपछि मात्र खोल्‍नू। द्वारपालहरू पहरामा बस्‍दा मूल ढोकाहरू बन्‍द गरेर आग्‍लाहरू लाउन लगाउनू। कसैलाई पहरा बस्‍न र कसैलाई चाहिँ आफ्‍नै घरको सामुन्‍ने रक्षा गर्न यरूशलेमकै बासिन्‍दाहरूबाट रक्षकहरूलाई नियुक्त गर।”

⁴सहर ठूलो र विस्‍तृत थियो, तर त्‍यसमा मानिसहरू थोरै थिए, र अझसम्‍म कुनै घरको पुनर्निर्माण भएको थिएन।

⁵यसैले भारदारहरू, अधिकृतहरू र मानिसहरूलाई परिवार-परिवार गरी नाउँ लेखाउन भनी भेला गराउन परमेश्‍वरले मलाई प्रेरणा दिनुभयो। मैले सबैभन्‍दा पहिले फर्कनेहरूको वंशावलीको पुस्‍तक भेट्टाएँ। त्‍यसमा लेखिएको कुरो मैले यही पाएँ:

⁶बेबिलोनका राजा नबूकदनेसरले कैदमा लगेकाहरूमध्‍येका यरूशलेम र यहूदामा हरेक आ-आफ्‍नो सहरमा फर्केर आएका प्रदेशका मानिसहरू यिनै हुन्‌।

⁷तिनीहरू यरुबाबेल, येशूअ, नहेम्‍याह, अजर्याह, राम्‍याह, नहमानी, मोर्दकै, बिल्‍शान, मिसपेरेत, बिग्‍वै, नेहूम र बानाहका साथमा आएका थिए।

⁸इस्राएलका मानिसहरूको नामावली यही हो: परोशका परिवारका २,१७२

⁹शपत्‍याहका परिवारका ३७२

¹⁰आराका परिवारका ६५२

¹¹येशूअ र योआबका घरानाबाट पहत-मोआबका परिवारका २,८१८

¹²एलामका परिवारका १,२५४

¹³जत्तूका परिवारका ८४५

¹⁴जक्‍कैका परिवारका ७६०

¹⁵बिन्‍नूईका परिवारका ६४८

¹⁶बेबैका परिवारका ६२८

¹⁷अज्‍गादका परिवारका २,३२२

¹⁸अदोनीकामका परिवारका ६६७

¹⁹बिग्‍वैका परिवारका २,०६७

²⁰आदीनका परिवारका ६५५

²¹हिजकियाबाट आतेरका परिवारका ९८

²²हाशूमका परिवारका ३२८

²³बेजैका परिवारका ३२४

²⁴हारीपका परिवारका ११२

²⁵गिबोनका परिवारका ९५

²⁶बेथलेहेम र नतोपाका मानिसहरू १८८

²⁷अनातोतका मानिसहरू १२८

²⁸बेथ-अज्‍मावेतका मानिसहरू ४२

²⁹किर्यत-यारीम, कपीरा र बेरोतका मानिसहरू ७४३

³⁰रामा र गेबाका मानिसहरू ६२१

³¹मिकमाशका मानिसहरू १२२

³²बेथेल र ऐका मानिसहरू १२३

³³अर्को नेबोका मानिसहरू ५२

³⁴अर्को एलामका मानिसहरू १,२५४

³⁵हारीमका मानिसहरू ३२०

³⁶यरीहोका मानिसहरू ३४५

³⁷लोद, हादीद र ओनोका मानिसहरू ७२१

³⁸सेनाहका मानिसहरू ३,९३०

³⁹पूजाहारीहरू: येशूअको वंशबाट यदायाहका परिवारका ९७३

⁴⁰इम्‍मेरका परिवारका १,०५२

⁴¹पशहूरका परिवारका १,२४७

⁴²हारीमका परिवारका १,०१७

⁴³लेवीहरू: होदबिया र कादमीएलका वंशबाट येशूअका परिवारका ७४

⁴⁴गवैयाहरू: आसापका परिवारका १४८

⁴⁵द्वारपालहरू: शल्‍लूम, आतेर, तल्‍मोन, अक्‍कूब, हतीता, शोबैका परिवारहरूका जम्‍मा १३८

⁴⁶मन्‍दिरका सेवकहरू: सीहा, हसूपा, तब्‍बाओत,

⁴⁷कोरेस, सीआ, पादोन,

⁴⁸लेबाना, हगाबा, शल्‍मै,

⁴⁹हानान, गिद्देल, गहर,

⁵⁰रायाह, रसीन, नकोदा,

⁵¹गज्‍जाम, उज्‍जा, पसेह,

⁵²बेजै, मोनिम, नेपुसीम,

⁵³बक्‍बूक, हकूपा, हर्हुर,

⁵⁴बस्‍लूत, महीदा, हर्शा,

⁵⁵बर्कोस, सीसरा, तेमह,

⁵⁶नसीह, र हतीपाका परिवारहरू

⁵⁷सोलोमनका सेवकहरूका सन्‍तान: सोतै, सोपेरेत, पारीद,

⁵⁸याला, दर्कोन, गिद्देल,

⁵⁹शपत्‍याह, हत्तील, पोकेरेतहसेबायीम, र अमोनका परिवारहरू।

⁶⁰मन्‍दिरका सेवकहरू र सोलोमनका सेवकहरूका सन्‍तानको संख्‍या जम्‍मा ३९२

⁶¹तेल-मेलह, तेल-हर्शा, केरूब, आदोन र इम्‍मेर सहरबाट आएकाहरूले आफ्‍ना परिवारहरू इस्राएलको वंशबाट आएका हुन्‌ भनी बताउन सकेनन्‌। यी हुन्‌:

⁶²दलायाह, तोबिया, र नकोदाका परिवारहरूका जम्‍मा ६४२

⁶³पूजाहारीहरूबाट: होबायाहका परिवार, हक्‍कोसका परिवार, र गिलादी बर्जिल्‍लैकी एउटी छोरीलाई विवाह गरेर तिनकै नाउँ राख्‍ने बर्जिल्‍लैका परिवार।

⁶⁴वंशावलीहरूमा लेखिएका नाउँहरूमा यिनीहरूका नाउँ पनि खोजिए तर पाइएनन्‌। यसैले तिनीहरू पूजाहारीगिरीको निम्‍ति अशुद्ध झैँ अयोग्‍य ठहराइए।

⁶⁵“ऊरीम” र “तुम्‍मीम” ले सेवा गर्ने कुनै एक जना पूजाहारी नहोउञ्‍जेल राज्‍यपालले तिनीहरूलाई कुनै पनि महापवित्र थोक खानलाई मनाही गरे।

⁶⁶सम्‍पूर्ण जनसमुदायको संख्‍या ४२,३६० थियो।

⁶⁷यीबाहेक तिनीहरूका कमारा-कमारीहरू ७,३३७ जना थिए, र तिनीहरूका २४५ जना पुरुष र स्‍त्री गवैयाहरू थिए।

⁶⁸तिनीहरूका घोड़ाहरूको संख्‍या ७३६, खच्‍चर २४५,

⁶⁹ऊँट ४३५ र गधा ६,७२० थिए।

⁷⁰परिवारका कोही मुखियाहरूले कामको निम्‍ति दान दिए। राज्‍यपालले भण्‍डारमा १,००० सुनका सिक्‍का, ५० कचौरा र पूजाहारीहरूले लाउने ५३० पोशाकहरू दिए।

⁷¹परिवारका कुनै-कुनै मुखियाहरूले कामको निम्‍ति भण्‍डारमा २०,००० सुनका सिक्‍का र २,२०० चाँदीका सिक्‍का दिए।

⁷²बाँकी मानिसहरूले चाहिँ जम्‍मा २०,००० सुनका सिक्‍का, २,००० चाँदीका सिक्‍का र पूजाहारीहरूले लाउने ६७ पोशाकहरू दिए।

⁷³पूजाहारीहरू, लेवीहरू, द्वारपालहरू, गवैयाहरू, मन्‍दिरका सेवकहरू, साथै कुनै-कुनै मानिसहरू र अरू बाँकी इस्राएलीहरू आ-आफ्‍ना सहरहरूमा बसोबास गरे।