Read Nepali New Revised Version, 2012 भजनसंग्रह 122 Bible Online

भजनसंग्रह 122 - Nepali New Revised Version, 2012 bible

भजनसंग्रह 122

¹यात्राको निम्‍ति दाऊदको गीत [1] जब तिनीहरूले मलाई भने, “परमप्रभुको भवनमा हामी जाऔं,” तब म आनन्‍दित भएँ।

²ए यरूशलेम, हाम्रा खुट्टाहरू, तेरा ढोकाहरूमा खड़ा भएका छन्‌।

³यरूशलेम सुदृढ़ रूपले एकसाथ बाँधिएर निर्माण भएको सहरजस्‍तै छ।

⁴इस्राएललाई दिइएका कानूनअनुसार, परमप्रभुका कुलहरू परमप्रभुका नाउँको प्रशंसा गर्न त्‍यहाँ जान्‍छन्‌।

⁵त्‍यहाँ न्‍यायका सिंहासनहरू छन्‌, दाऊदको वंशका सिंहासनहरू त्‍यहाँ छन्‌।

⁶यरूशलेमका शान्‍तिको निम्‍ति प्रार्थना गर, “तँलाई माया गर्नेहरू सुरक्षित रहून्‌,

⁷तेरा पर्खालभित्र शान्‍ति होस्‌, र तेरा किल्‍लाहरूभित्र सुरक्षा।”

⁸मेरा दाजुभाइहरू र मेरा मित्रहरूका निम्‍ति म भन्‍नेछु, “तिमीहरूमा शान्‍ति होस्‌।”

⁹परमप्रभु हाम्रा परमेश्‍वरका भवनको खातिर म तेरो भलाइ नै खोज्‍नेछु।