Read Nepali New Revised Version, 2012 भजनसंग्रह 124 Bible Online

भजनसंग्रह 124 - Nepali New Revised Version, 2012 bible

भजनसंग्रह 124

¹यात्राको निम्‍ति दाऊदको गीत [1] यदि परमप्रभु हामीहरूसँग नहुनुभएको भए— इस्राएलले भनोस्‌—

²मानिसहरूले हामीलाई आक्रमण गर्दा, परमप्रभु हामीतर्फ नहुनुभएको भए,

³तिनीहरूको क्रोध हाम्रा विरुद्ध दन्‍किउठ्‌दा, तिनीहरूले हामीहरूलाई जिउँदै निल्‍नेथिए।

⁴उर्लिआएको बाढ़ले हामीलाई एक गाँस पार्नेथियो, अनि भल हामीमाथि बग्‍नेथियो,

⁵जलको प्रबल प्रवाहले हामीलाई त्‍यसै बगाइलानेथियो।

⁶परमप्रभुको प्रशंसा होस्‌, जसले हामीहरूलाई तिनीहरूका दाँतले फहराउन दिनुभएन।

⁷शिकारीको पासोबाट चरा उम्‍केझैँ, हामी फुत्‍किसकेका छौं, तिनीहरूको जाल फाट्यो र हामी उम्‍क्‍यौं।

⁸हाम्रो गुहार स्‍वर्ग र पृथ्‍वी सृजना गर्नुहुने परमप्रभुको नाउँमा छ।