Read Nepali New Revised Version, 2012 भजनसंग्रह 130 Bible Online

भजनसंग्रह 130 - Nepali New Revised Version, 2012 bible

भजनसंग्रह 130

¹यात्राको गीत [1] हे परमप्रभु, म तपाईंलाई गम्‍भीर सङ्कष्‍टको स्‍थितिमा पुकार गर्दछु।

²हे परमप्रभु, मेरो पुकार सुनिदिनुहोस्‌! कृपाको लागि गरिएको मेरो पुकारमा तपाईंका कानले ध्‍यान देऊन्‌।

³हे परमप्रभु, तपाईंले पापको लेखा लिनुभयो भने त, हे प्रभु, को खड़ा हुन सक्‍छ र?

⁴तर तपाईंमा क्षमा छ, र नै तपाईंको भय मानिन्‍छ।

⁵म परमप्रभुको प्रतीक्षा गर्छु, मेरो प्राणले प्रतीक्षा गर्छ, अनि उहाँको वचनमा म आशा राख्‍तछु,

⁶पालेले बिहानको प्रतीक्षा गरेको भन्‍दा बढ़ी, मेरो प्राणले परमप्रभुको प्रतीक्षा गर्छ।

⁷हे इस्राएल, परमप्रभुमा आफ्‍नो आशा राख्‌ किनभने परमप्रभुमा नै अचूक कृपा छ, अनि उहाँमा नै सम्‍पूर्ण उद्धार छ।

⁸उहाँले नै मोल तिरेर इस्राएललाई तिनीहरूका सबै पापबाट छुटाउनुहुनेछ।