Read Nepali New Revised Version, 2012 भजनसंग्रह 54 Bible Online

भजनसंग्रह 54 - Nepali New Revised Version, 2012 bible

भजनसंग्रह 54

¹सङ्गीत-निर्देशकको निम्‍ति तार-वाद्यमा दाऊदको मस्‍किल [1] हे परमेश्‍वर, तपाईंको नाउँले मलाई बचाउनुहोस्‌, र तपाईंको पराक्रमले मलाई निर्दोष साबित गरिदिनुहोस्‌।

²हे परमेश्‍वर, मेरो प्रार्थना सुनिदिनुहोस्‌, मेरो मुखका शब्‍दहरूमा ध्‍यान दिनुहोस्‌।

³विदेशीहरूले मलाई आक्रमण गर्छन्‌, निर्दयीहरू मलाई मार्न खोज्‍दछन्‌, त्‍यस्‍ता मानिसहरू जसले परमेश्‍वरको श्रद्धा गर्दैनन्‌। सेला

⁴निश्‍चय नै परमेश्‍वर मेरा सहायक हुनुहुन्‍छ, परमप्रभु, जसले मलाई थाम्‍नुहुन्‍छ।

⁵ज-जसले मेरो बदनाम गर्छन्‌, तिनीहरूमाथि खराबी परोस्‌, तपाईंको विश्‍वसनीयताले तिनीहरूलाई सर्वनाश गर्नुहोस्‌।

⁶म तपाईंलाई स्‍वेच्‍छाको बलि चढ़ाउनेछु, हे परमप्रभु, म तपाईंका नाउँको प्रशंसा गर्नेछु, किनकि त्‍यो असल छ।

⁷किनकि उहाँले मलाई सबै कष्‍टहरूबाट छुटाउनुभएको छ। मैले मेरा शत्रुहरूलाई विजयको दृष्‍टिले हेरेको छु।