Read Nepali New Revised Version, 2012 यशैया 12 Bible Online

यशैया 12 - Nepali New Revised Version, 2012 bible

यशैया 12

¹त्‍यस दिन तिमीहरू भन्‍नेछौ, “हे परमप्रभु, म तपाईंको प्रशंसा गर्नेछु, तपाईं रिसाउनुभए तापनि तपाईंको रीस अब मर्‍यो, र तपाईंले अब मलाई सान्‍त्‍वना दिनुभएको छ।

²निश्‍चय नै परमेश्‍वर मेरा उद्धार हुनुहुन्‍छ। म विश्‍वास गर्नेछु र म डराउनेछैनँ। परमप्रभु, परमप्रभु नै मेरा शक्ति र भजन हुनुहुन्‍छ। उहाँ नै मेरा उद्धार हुनुभएको छ।”

³आनन्‍दसित तिमीहरूले उद्धारको इनारबाट पानी भर्नेछौ।

⁴त्‍यस दिन तिमीहरूले भन्‍नेछौ, “परमप्रभुलाई धन्‍यवाद देओ। उहाँको नाउँको पुकारा गर। उहाँले के गर्नुभएको छ जाति-जातिहरूका बीचमा प्रचार गर। अनि उहाँको नाउँ उच्‍च पारिएको छ भनी घोषणा गर।

⁵परमप्रभुको भजन गाओ, किनकि उहाँले महिमापूर्ण कामहरू गर्नुभएको छ। सारा पृथ्‍वीले यो कुरा जानून्‌।

⁶हे सियोनका मानिस हो, उच्‍च सोरले कराओ, र आनन्‍दले गाओ, किनकि तिमीहरूका बीचमा इस्राएलका परमपवित्र महान्‌ हुनुहुन्‍छ।”