Read Nepali New Revised Version, 2012 लेवीहरू 3 Bible Online

लेवीहरू 3 - Nepali New Revised Version, 2012 bible

लेवीहरू 3

¹“‘कसैको भेटी मेलबलि भए, र त्‍यसले गाई-गोरुमध्‍येको एउटा चढ़ाउँछ भने, त्‍यसले त्‍यो परमप्रभुको सामुन्‍ने निष्‍खोट साँढ़े कि गाई चढ़ाओस्‌।

²त्‍यसले आफ्‍नो हात आफ्‍नो बलिको टाउकोमा राखेर त्‍यसलाई भेट हुने पालको ढोकामा काटेर मारोस्‌। तब हारूनका छोराहरू, अर्थात्‌ पूजाहारीहरूले त्‍यसको रगत वेदीमा वरिपरि छर्कून्‌।

³मेलबलिबाट त्‍यसले परमप्रभुको निम्‍ति आगोद्वारा बलिदान चढ़ाओस्‌: अर्थात्, आन्‍द्रा-भुँड़ी ढाक्‍ने बोसो र आन्‍द्रामाथिको बोसो सबै,

⁴दुवै मिर्गौला र तीमाथि र कम्‍मरनेर भएको बोसो, र मिर्गौलासमेत कलेजा ढाक्‍ने मासु त्‍यसले झिकोस्‌।

⁵तब हारूनका छोराहरूले त्‍यसलाई वेदीमा आगोको दाउरामाथि भएको होमबलिमा जलाऊन्‌। यो परमप्रभुलाई मन पर्ने मीठो बास्‍ना, आगोद्वारा चढ़ाइएको बलि हो।

⁶“‘यदि त्‍यसले परमप्रभुको निम्‍ति मेलबलिको लागि भेड़ाबाख्राहरूमध्‍येबाट एउटा चढ़ाउँछ भने, त्‍यसले निष्‍खोट भाले कि पोथी चढ़ाओस्‌।

⁷यदि त्‍यसले आफ्‍नो बलिको लागि भेड़ाका पाठा चढ़ाउने भए त्‍यो परमप्रभुको सामु चढ़ाओस्‌।

⁸त्‍यसले आफ्‍नो बलिको टाउकोमा आफ्‍नो हात राखोस्, र भेट हुने पालको सामुन्‍नेमा त्‍यसलाई मारोस्‌। हारूनका छोराहरूले त्‍यसको रगत वेदीमा वरिपरि छर्कून्‌।

⁹त्‍यसले मेलबलिबाट परमप्रभुको निम्‍ति आगोद्वारा बलिदान चढ़ाओस्‌: अर्थात्, त्‍यसको बोसो र जम्‍मै बोसे-पुच्‍छर डँड़ाल्‍नुदेखि त्‍यसले छुट्ट्याओस्, अनि आन्‍द्रा-भुँड़ी ढाक्‍ने बोसो र आन्‍द्रामाथिको जम्‍मै बोसो,

¹⁰दुवै मिर्गौला र तीमाथि र कम्‍मरनेर भएको बोसो, र मिर्गौलासमेत कलेजो ढाक्‍ने मासु त्‍यसले झिकोस्‌।

¹¹पूजाहारीले ती परमप्रभुको निम्‍ति आगोद्वारा चढ़ाइएको बलि वेदीमा भोजन स्‍वरूप जलाऊन्‌।

¹²“‘यदि त्‍यसको बलि बाख्रा हो भने, त्‍यसले त्‍यो परमप्रभुको सामु चढ़ाओस्‌।

¹³त्‍यसले आफ्‍नो हात त्‍यसको टाउकोमा राखोस्, र भेट हुने पालको सामुन्‍ने त्‍यसलाई मारोस्‌। अनि हारूनका छोराहरूले वेदीमा वरिपरि त्‍यसको रगत छर्कून्‌।

¹⁴त्‍यसले त्‍यसबाट आफ्‍नो भेटी परमप्रभुको निम्‍ति आगोद्वारा चढ़ाओस्‌: आन्‍द्रा-भुँड़ी ढाक्‍ने बोसो र आन्‍द्रामाथिको सबै बोसो,

¹⁵दुवै मिर्गौला र तीमाथि र कम्‍मरनेर भएको बोसो, र मिर्गौलासमेत कलेजा ढाक्‍ने मासु त्‍यसले झिकोस्‌।

¹⁶पूजाहारीले ती मीठो बास्‍ना हुनलाई आगोद्वारा चढ़ाइएको बलि वेदीमा भोजन स्‍वरूप जलाऊन्‌। बोसोजति सबै परमप्रभुको हो।

¹⁷“‘तिमीहरूले बोसो र रगत नखाओ। यो तिमीहरूका पुस्‍तौँ-पुस्‍तौँका निम्‍ति तिमीहरू जहीँ बसे तापनि अनन्‍तको विधि होस्‌’।”