Read Nepali New Revised Version, 2012 गन्ती 33 Bible Online

गन्ती 33 - Nepali New Revised Version, 2012 bible

गन्ती 33

¹मोशा र हारूनको नेतृत्‍वमा रहेर मिश्रबाट इस्राएलीहरू दल-दल गरी आउँदा तिनीहरूका यात्राको विवरण यही हो।

²यात्राका विभिन्‍न भागमा परमप्रभुको आज्ञाअनुसार मोशाले यात्रा प्रारम्‍भ गर्ने ठाउँहरूका नाउँ लेखे। तिनीहरूका यात्राको विवरण यस प्रकार छ:

³पहिलो महिनाको पन्‍ध्रौँ दिनमा तिनीहरू रामसेसबाट यात्रा गरे। निस्‍तार-चाड़को भोलिपल्‍ट इस्राएलीहरू सारा मिश्रीहरूका आँखा अगि धूमधामसँग निस्‍के।

⁴त्‍यस बेला मिश्रीहरूले चाहिँ परमप्रभुले प्रहार गर्नुभएका उनीहरूका आफ्‍ना जेठा-जेठा सन्‍तानहरू गाड्‌न लागेका थिए। किनकि परमप्रभुले उनीहरूका देवताहरूको न्‍याय गर्नुभएको थियो।

⁵इस्राएलीहरू रामसेसबाट हिँड़ेर सुक्‍कोतमा पुगी वास बसे।

⁶तिनीहरू सुक्‍कोतबाट हिँड़ेर उजाड़-स्‍थानको किनारको एथाममा वास बसे।

⁷एथामबाट हिँड़ेर बाल-सेफोनका पूर्वपट्टिको पी-हहीरोतमा फर्के, र मिग्‍दोलको नजिकै वास बसे।

⁸तिनीहरू पी-हहीरोतबाट निस्‍केर समुद्रको बीचबाट भएर उजाड़-स्‍थानमा पसे। तिनीहरू तीन दिनको बाटो एथामको उजाड़-स्‍थानमा हिँड़ेर मारामा वास बसे।

⁹माराबाट हिँड़ेर एलीममा गए, जहाँ बाह्र वटा पानीका मूल र सत्तरी वटा खजूरका रूख थिए। तिनीहरू त्‍यहीँ वास बसे।

¹⁰तिनीहरू एलीमबाट हिँड़ेर लाल समुद्रनेर वास बसे।

¹¹तिनीहरू लाल समुद्रबाट हिँड़ेर सीनको उजाड़-स्‍थानमा वास बसे।

¹²तिनीहरू सीनको उजाड़-स्‍थानबाट हिँड़ेर दोफकामा वास बसे।

¹³तिनीहरू दोफकाबाट हिँड़ेर आलूशमा वास बसे।

¹⁴तिनीहरू आलूशबाट हिँड़ेर रपीदीममा वास बसे, जहाँ मानिसहरूका निम्‍ति पिउने पानी थिएन।

¹⁵तिनीहरू रपीदीमबाट हिँड़ेर सीनैको उजाड़-स्‍थानमा वास बसे।

¹⁶तिनीहरू सीनैको उजाड़-स्‍थानबाट हिँड़ेर किब्रोथ-हत्तावामा वास बसे।

¹⁷तिनीहरू किब्रोथ-हत्तावाबाट हिँड़ेर हसेरोतमा वास बसे।

¹⁸तिनीहरू हसेरोतबाट हिँड़ेर रित्‍मामा वास बसे।

¹⁹तिनीहरू रित्‍माबाट हिँड़ेर रिम्‍मोन-फारेसमा वास बसे।

²⁰तिनीहरू रिम्‍मोन-फारेसबाट हिँड़ेर लिब्‍नामा वास बसे।

²¹लिब्‍नाबाट हिँड़ेर रिस्‍सामा वास बसे।

²²तिनीहरू रिस्‍साबाट हिँड़ेर केहेलातामा वास बसे।

²³तिनीहरू केहेलाताबाट हिँड़ेर शेपेर डाँड़ामा वास बसे।

²⁴तिनीहरू शेपेर डाँड़ाबाट हिँड़ेर हरादामा वास बसे।

²⁵तिनीहरू हरादाबाट हिँड़ेर मखेलोतमा वास बसे।

²⁶मखेलोतबाट हिँड़ेर तहतमा वास बसे।

²⁷तिनीहरू तहतबाट हिँड़ेर तेरहमा वास बसे।

²⁸तिनीहरू तेरहबाट हिँड़ेर मित्‍कामा वास बसे।

²⁹तिनीहरू मित्‍काबाट हिँड़ेर हशमोनामा वास बसे।

³⁰तिनीहरू हशमोनाबाट हिँड़ेर मसेरोतमा वास बसे।

³¹तिनीहरू मसेरोतबाट हिँड़ेर बने-याकानमा वास बसे।

³²तिनीहरू बने-याकानबाट हिँड़ेर होर-हगिदगादमा वास बसे।

³³तिनीहरू होर-हगिदगादबाट हिँड़ेर योतबातामा वास बसे।

³⁴तिनीहरू योतबाताबाट हिँड़ेर अब्रोनामा वास बसे।

³⁵तिनीहरू अब्रोनाबाट हिँड़ेर एस्‍योन-गेबेरमा वास बसे।

³⁶तिनीहरू एस्‍योन-गेबेरबाट हिँड़ेर जीनको उजाड़-स्‍थानमा भएको कादेशमा वास बसे।

³⁷तिनीहरू कादेशबाट हिँड़ेर एदोम देशको सिमानामा भएको होर पर्वतमा वास बसे।

³⁸त्‍यहाँ हारून पूजाहारी परमप्रभुको आज्ञा पाएर होर पर्वतमा उक्‍लेर गए, र इस्राएलीहरू मिश्रदेशबाट निस्‍केका चालीस वर्षपछि पाँचौँ महिनाको पहिलो दिनमा तिनको मृत्‍यु भयो।

³⁹होर पर्वतमा तिनको मृत्‍यु हुँदा हारून एक सय तेईस वर्ष पुगेका थिए।

⁴⁰कनानको नेगेव भनिने देशमा बस्‍ने आरादका कनानी राजाले इस्राएलीहरू आउँदैछन्‌ भन्‍ने कुरा सुने।

⁴¹तिनीहरू होर पर्वतबाट हिँड़ेर सलमोनामा वास बसे।

⁴²तिनीहरू सलमोनाबाट हिँड़ेर पूनोनमा वास बसे।

⁴³तिनीहरू पूनोनबाट हिँड़ेर ओबोतमा वास बसे।

⁴⁴तिनीहरू ओबोतबाट हिँड़ेर मोआबको सिमानामा भएको इयेअबारीममा वास बसे।

⁴⁵तिनीहरू इयीमबाट हिँड़ेर दीबोनगादमा वास बसे।

⁴⁶तिनीहरू दीबोन-गादबाट हिँड़ेर अल्‍मोन-दिब्‍लातैममा वास बसे।

⁴⁷तिनीहरू अल्‍मोन-दिब्‍लातैमबाट हिँड़ेर नेबोनेरका अबारीमका पहाड़हरूमा वास बसे।

⁴⁸तिनीहरू अबारीमका पहाड़हरूबाट हिँड़ेर यर्दन नदीको किनारमा यरीहोदेखि पारि मोआबको मैदानमा वास बसे।

⁴⁹यर्दन नदीको किनारनेर मोआबको मैदानमा बेथ-यशीमोतदेखि लिएर हाबिल-शित्तिमसम्‍मै तिनीहरू वास बसे।

⁵⁰तब यरीहोदेखि पारि यर्दन नदीको किनारनेर मोआबको मैदानमा परमप्रभुले मोशालाई भन्‍नुभयो,

⁵¹“इस्राएलीहरूलाई भन्‌: ‘जब तिमीहरू यर्दन नदी तरेर कनान देशमा पुग्‍छौ,

⁵²तब तिमीहरूले त्‍यस देशका बासिन्‍दाहरू सबैलाई त्‍यहाँबाट धपाइदिनू, र उनीहरूका खोपिएका प्रतिमाहरू र ढलौटे मूर्तिहरू सबै नष्‍ट पारिदिनू। उनीहरूका डाँड़ाका थानहरू भत्‍काइदिनू।

⁵³त्‍यो देश कब्‍जा गरेर तिमीहरू त्‍यहीँ बसोबास गर्नू, किनभने त्‍यो देश अधिकार गर्न मैले तिमीहरूलाई दिएको छु।

⁵⁴तिमीहरूले आ-आफ्‍ना वंशअनुसार त्‍यस देशमा चिट्ठा हालेर हिस्‍सा बाँड्‌नू। धेरै परिवार हुने वंशलाई ठूलो अधिकार दिनू, र थोरै परिवार हुने वंशलाई तिमीहरूले सानै अधिकार दिनू। जसको चिट्ठा जहाँ पर्छ त्‍यो त्‍यसकै होस्‌। तिमीहरूका पुर्खाका कुलअनुसार तिमीहरूले हिस्‍सा बाँड्‌नू।

⁵⁵“‘तर तिमीहरूले त्‍यस देशका बासिन्‍दाहरूलाई धपाएनौ भने, रहन दिएकाहरूचाहिँ तिमीहरूका आँखामा परेका छेस्‍का र जीउमा बिझेका काँढ़ाजस्‍तै हुनेछन्, र तिमीहरू जहाँ बसे पनि उनीहरूले तिमीहरूलाई दु:ख दिनेछन्‌।

⁵⁶अनि मैले उनीहरूलाई जे गरुँला भनी ठानेको थिएँ, त्‍यो म तिमीहरूलाई गर्नेछु’।”