Read Nepali New Revised Version, 2012 गन्ती 7 Bible Online

गन्ती 7 - Nepali New Revised Version, 2012 bible

गन्ती 7

¹मोशाले पवित्र वासस्‍थान खड़ा गरिसकेपछि, त्‍यसलाई र त्‍यसका सबै सरसामानहरू, र साथै वेदी र त्‍यसका सबै भाँड़ाकुँड़ाहरू अभिषेक गरी अर्पण गरे।

²तब इस्राएलका गणना भएका नेताहरू, अर्थात्‌ कुलनायकहरू र परिवारका मुखियाहरूले आ-आफ्‍नो बलि चढ़ाए।

³तिनीहरूले परमप्रभुको सामुन्‍ने छ वटा छोपिएका गाड़ाहरू र बाह्र वटा गोरु, दुई-दुई कुलनायकका निम्‍ति एक-एक गाड़ा र नायकैपिच्‍छे एक-एक गोरुको आ-आफ्‍नो बलि ल्‍याएर पवित्र वासस्‍थानको सामुन्‍ने प्रस्‍तुत गरे।

⁴तब परमप्रभुले मोशालाई भन्‍नुभयो,

⁵“तिनीहरूबाट ती ग्रहण गर्, र भेट हुने पालको काममा ती प्रयोग गरिऊन्‌। लेवीहरूलाई आ-आफ्‍नो कामअनुसार ती तैंले दिनू।”

⁶तब मोशाले ती गाड़ाहरू र गोरुहरू लिएर लेवीहरूलाई दिए।

⁷दुई वटा गाड़ा र चार वटा गोरु तिनले तिनीहरूको कामअनुसार गेर्शोनीहरूलाई दिए।

⁸चार वटा गाड़ा र आठ वटा गोरु हारून पूजाहारीका छोरा ईतामारको अधीनमा काम गर्ने मरारीहरूलाई तिनीहरूको कामअनुसार तिनले दिए।

⁹तर कहातीहरूलाई तिनले केही पनि दिएनन्, किनभने आफ्‍ना काँधमा पवित्र वस्‍तुहरू बोक्‍ने जिम्‍मेवारी तिनीहरूको थियो।

¹⁰वेदी अभिषेक भएको दिन कुलनायकहरूले त्‍यसको अर्पण-कार्यमा आफ्‍ना भेटीहरू ल्‍याएर वेदीको सामु प्रस्‍तुत गरे।

¹¹किनकि परमप्रभुले मोशालाई भन्‍नुभएको थियो, “वेदीका अर्पण-कार्यको निम्‍ति हरेक दिन कुलनायकमा एक जनाले आफ्‍नो भेटी चढ़ाओस्‌।”

¹²पहिलो दिन भेटी चढ़ाउनेमा यहूदाको कुलका अम्‍मीनादाबका छोरा नहशोन थिए।

¹³तिनको भेटी यही थियो: पवित्रस्‍थानको शेकेलबमोजिम एक सय तीस शेकेल [1] चाँदीको एउटा थाल, सत्तरी शेकेल [2] चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

¹⁴धूपले भरिएको दश शेकेल [3] सुनको एउटा धुपौरो,

¹⁵होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

¹⁶पापबलिको निम्‍ति एउटा बोका,

¹⁷र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। अम्‍मीनादाबका छोरा नहशोनको भेटी यही थियो।

¹⁸दोस्रो दिन इस्‍साखारका कुलनायक सूआरका छोरा नतनेलले आफ्‍नो भेटी ल्‍याए।

¹⁹तिनले ल्‍याएको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

²⁰धूपले भरिएको दश शेकेल सुनको एउटा धुपौरो,

²¹होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

²²पापबलिको निम्‍ति एउटा बोका,

²³र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। सूआरका छोरा नतनेलको भेटी यही थियो।

²⁴तेस्रो दिन जबूलूनका कुलनायक हेलोनका छोरा एलीआबले आफ्‍नो भेटी ल्‍याए।

²⁵तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

²⁶धूपले भरिएको दश शेकेल सुनको एउटा धुपौरो,

²⁷होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

²⁸पापबलिको निम्‍ति एउटा बोका,

²⁹र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। हेलोनका छोरा एलीआबको भेटी यही थियो।

³⁰चौथो दिन रूबेनका कुलनायक शदेऊरका छोरा एलीसूरले आफ्‍नो भेटी ल्‍याए।

³¹तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

³²धूपले भरिएको दश शेकेल सुनको एउटा धुपौरो,

³³होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

³⁴पापबलिको निम्‍ति एउटा बोका,

³⁵र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। शदेऊरका छोरा एलीसूरको भेटी यही थियो।

³⁶पाँचौँ दिन शिमियोनका कुलनायक सूरीशद्दैका छोरा शलूमीएलले आफ्‍नो भेटी ल्‍याए।

³⁷तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

³⁸धूपले भरिएको दश शेकेल सुनको एउटा धुपौरो,

³⁹होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁴⁰पापबलिको निम्‍ति एउटा बोका,

⁴¹र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। सूरीशद्दैका छोरा शलूमीएलको भेटी यही थियो।

⁴²छैटौँ दिन गादका कुलनायक दूएलका छोरा एल्‍यासापले आफ्‍नो भेटी ल्‍याए।

⁴³तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁴⁴धूपले भरिएको दश शेकेल सुनको एउटा धुपौरो,

⁴⁵होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁴⁶पापबलिको निम्‍ति एउटा बोका,

⁴⁷र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। दूएलका छोरा एल्‍यासापको भेटी यही थियो।

⁴⁸सातौँ दिन एफ्राइमका कुलनायक अम्‍मीहूदका छोरा एलीशामाले आफ्‍नो भेटी ल्‍याए।

⁴⁹तिनको भेटी यही थियो: पवित्रस्‍थानको शेकेलबमोजिम एक सय शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁵⁰धूपले भरिएको दश शेकेल सुनको एउटा धुपौरो,

⁵¹होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁵²पापबलिको निम्‍ति एउटा बोका,

⁵³र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका, र पाँच वटा एक वर्षे थुमा। अम्‍मीहूदका छोरा एलीशामाको भेटी यही थियो।

⁵⁴आठौँ दिन मनश्‍शेका कुलनायक पदासूरका छोरा गमलिएलले आफ्‍नो भेटी ल्‍याए।

⁵⁵तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁵⁶धूपले भरिएको दश शेकेल सुनको एउटा धुपौरो,

⁵⁷होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁵⁸पापबलिको निम्‍ति एउटा बोका,

⁵⁹र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। पदासूरका छोरा गमलिएलको भेटी यही थियो।

⁶⁰नवौँ दिन बेन्‍यामीनका कुलनायक गिदेओनीका छोरा अबीदानले आफ्‍नो भेटी ल्‍याए।

⁶¹तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁶²धूपले भरिएको दश शेकेल सुनको एउटा धुपौरो,

⁶³होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁶⁴पापबलिको निम्‍ति एउटा बोका,

⁶⁵र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। गिदेओनीका छोरा अबीदानको भेटी यही थियो।

⁶⁶दशौँ दिन दानका कुलनायक अम्‍मीशद्दैका छोरा अहीएजेरले आफ्‍नो भेटी ल्‍याए।

⁶⁷तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁶⁸धूपले भरिएको दश शेकेल सुनको एउटा धुपौरो,

⁶⁹र होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁷⁰पापबलिको निम्‍ति एउटा बोका,

⁷¹मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। अम्‍मीशद्दैका छोरा अहीएजेरको भेटी यही थियो।

⁷²एघारौँ दिन आशेरका कुलनायक ओक्रानका छोरा पगीएलले आफ्‍नो भेटी ल्‍याए।

⁷³तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁷⁴धूपले भरिएको दश शेकेल सुनको एउटा धुपौरो,

⁷⁵होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁷⁶पापबलिको निम्‍ति एउटा बोका,

⁷⁷र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। ओक्रानका छोरा पगीएलको भेटी यही थियो।

⁷⁸बाह्रौँ दिन नप्‍तालीका कुलनायक एनानका छोरा अहीराले आफ्‍नो भेटी ल्‍याए।

⁷⁹तिनको भेटी यही थियो: पवित्रस्‍थानको शेकेलबमोजिम एक सय तीस शेकेल चाँदीको एउटा थाल, सत्तरी शेकेल चाँदीको एउटा छर्कने बाटा— यी दुवै अन्‍नबलिको निम्‍ति तेलले मुछेको मसिनो पीठोले भरिएका थिए—

⁸⁰धूपले भरिएको दश शेकेल सुनको एउटा धुपौरो,

⁸¹होमबलिको निम्‍ति एउटा बाछो, एउटा भेड़ा र एउटा एक वर्षे थुमा,

⁸²पापबलिको निम्‍ति एउटा बोका,

⁸³र मेलबलिको निम्‍ति चाहिँ दुई वटा साँढ़े, पाँच वटा भेड़ा, पाँच वटा बोका र पाँच वटा एक वर्षे थुमा। एनानका छोरा अहीराको भेटी यही थियो।

⁸⁴वेदीका अभिषेकको दिन त्‍यसको अर्पण-कार्यमा इस्राएलका कुलनायकहरूले चढ़ाएका भेटी यी नै थिए: बाह्र वटा चाँदीका थाल, बाह्र वटा चाँदीका छर्कने बाटा, र बाह्र वटा सुनका धुपौरा।

⁸⁵प्रत्‍येक चाँदीको थाल एक सय तीस शेकेल तौलको र प्रत्‍येक चाँदीको छर्कने बाटा सत्तरी शेकेल तौलको थियो। भाँड़ाकुँड़ाहरूको जम्‍मै चाँदीको तौल पवित्रस्‍थानको शेकेलबमोजिम दुई हजार चार सय शेकेल [4] थियो।

⁸⁶धूपले भरिएका सुनका बाह्र वटा धुपौरा, पवित्रस्‍थानबमोजिम प्रत्‍येक दश-दश शेकेलको सबै धुपौराको सुन १२० शेकेल [5] तौलको थियो।

⁸⁷होमबलिको निम्‍ति, तिनका अन्‍नबलिसमेत, बाह्र वटा साँढ़े, बाह्र वटा भेड़ा र बाह्र वटा एक वर्षे थुमा थिए र पापबलिको निम्‍ति बाह्र वटा बोका थिए।

⁸⁸अनि मेल-बलिको निम्‍ति चाहिँ सबै पशुहरू गरी जम्‍मा चौबीस वटा साँढ़े, साठी वटा भेड़ा, साठी वटा बोका र साठी वटा एक वर्षे थुमा थिए। वेदीको अभिषेक भएपछि त्‍यसको अर्पण-कार्यको भेटी यही थियो।

⁸⁹जब मोशा भेट हुने पालमा परमप्रभुसित कुरा गर्न भित्र गए, तब गवाहीको सन्‍दूकमा रहेको कृपा-आसनमाथिका दुई करूबहरूका बीचबाट तिनले आफूसँग बोलिरहनु भएको वाणी सुने। अनि परमप्रभु तिनीसित बोल्‍नुभयो।