Read Nepali New Revised Version, 2012 मलाकी 4 Bible Online

मलाकी 4 - Nepali New Revised Version, 2012 bible

मलाकी 4

¹“हेर, त्‍यो दिन आउँदैछ। त्‍यो भट्टीझैँ दन्‍कनेछ। सबै हठी र सबै दुष्‍ट काम गर्नेहरू ठुटाझैँ हुनेछन्, र त्‍यो आउने दिनले उनीहरूलाई आगोमा भस्‍म गर्नेछ,” सर्वशक्तिमान्‌ परमप्रभु भन्‍नुहुन्‍छ। “त्‍यसले उनीहरूको एउटै जरा र एउटै हाँगा पनि छोड्‌नेछैन।

²तर मेरो नाउँको आदर गर्ने तिमीहरूमाथि चाहिँ धार्मिकताको सूर्य आफ्‍ना पखेटामा आरोग्‍यता लिएर उदाउनेछ। अनि गोठलाई छोड़ेर निस्‍केका बाछाजस्‍तै तिमीहरूचाहिँ बाहिर निस्‍कनेछौ।

³तब तिमीहरूले दुष्‍टहरूलाई खुट्टाले कुल्‍चनेछौ। जुन दिन म त्‍यो काम गर्छु, त्‍यस दिन उनीहरू तिमीहरूका पैतालामुनि खरानीजस्‍तै हुनेछन्,” सर्वशक्तिमान्‌ परमप्रभु भन्‍नुहुन्‍छ।

⁴“मेरो दास मोशाका व्‍यवस्‍थाको सम्‍झना गर, ती विधि र नियमहरू जो सारा इस्राएलको निम्‍ति होरेब पर्वतमा मैले त्‍यसलाई दिएँ।

⁵“हेर, परमप्रभुको त्‍यो महा र डरलाग्‍दो दिन आउन अघि म एलिया अगमवक्तालाई पठाउनेछु।

⁶त्‍यसले बाबुहरूका हृदय तिनीहरूका छोराहरूतिर र छोराहरूका हृदय तिनीहरूका बाबुहरूतिर फर्काइदिनेछ, नत्रता म आएर देशलाई एउटा श्राप दिनेछु।”