Read Nepali New Revised Version, 2012 यहोशू 12 Bible Online

यहोशू 12 - Nepali New Revised Version, 2012 bible

यहोशू 12

¹इस्राएलीहरूले यर्दन पारि पूर्वमा अर्नोन बेँसीदेखि हेर्मोन डाँड़ासम्‍म, र अराबाको पूर्वपट्टिको जम्‍मै क्षेत्र जितेर कब्‍जा गरेका देश, र तिनीहरूले मारेका ती देशका राजाहरू यी नै हुन्‌:

²हेश्‍बोनवासी एमोरीहरूका राजा सीहोन, जसले अर्नोन खोलाको छेउमा भएको अरोएरदेखि, बेँसीको माझदेखि आधा गिलाद र अम्‍मोनीहरूका सिमानाको यब्‍बोक नदीसम्‍मै,

³र पूर्वीय अराबा, किन्‍नरेत झीलदेखि [1] अराबाको समुद्र, अर्थात्‌ खारा समुद्रसम्‍म, [2] र बेथ-यशीमोतको पूर्वतिर जाने बाटोसम्‍म, र दक्षिणतिर चाहिँ पिसगाको भिरालो ठाउँमुनिका देशहरूसम्‍म राज्‍य गर्दथे।

⁴अस्‍तारोत र एद्रईमा बस्‍ने रपाईहरूको बचेका बाशानका राजा ओग,

⁵जसले हेर्मोन डाँड़ा, सलका र सारा बाशानमा गशूरीहरू र माकातीहरूको सिमानासम्‍म र हेश्‍बोनका राजा सीहोनको सिमानासम्‍म र आधा गिलादमा राज्‍य गर्दथे।

⁶परमप्रभुका दास मोशा र इस्राएलीहरूले उनीहरूलाई जिते। परमप्रभुका दास मोशाले रूबेनीहरूलाई, गादीहरूलाई र मनश्‍शेको आधा कुललाई अधिकारको निम्‍ति त्‍यो दिएका थिए।

⁷पश्‍चिम यर्दन वारि लेबनानका बेँसीको बाल-गाददेखि सेइरको उकालोमा भएको हालाक डाँड़ासम्‍मको देशका जुन-जुन राजाहरूलाई यहोशू र इस्राएलीहरूले जितेका थिए, र यहोशूले जुन-जुन देश इस्राएलका कुललाई तिनीहरूका भाग-भागअनुसार अधिकारको निम्‍ति दिएका थिए, ती यी नै हुन्‌—

⁸पहाड़ी देश, तराई, अराबा, पहाड़, उजाड़-स्‍थान र नेगेव भनिने दक्षिण देश, अर्थात्‌ हित्ती, एमोरी, कनानी, परिज्‍जी, हिव्‍वी र यबूसीहरू रहने देशहरू:

⁹यरीहोका राजा, एक, बेथेलका नजिकको ऐका राजा, एक,

¹⁰यरूशलेमका राजा, एक, हेब्रोनका राजा एक,

¹¹यर्मूतका राजा, एक, लाकीशका राजा, एक,

¹²एग्‍लोनका राजा, एक, गेजेरका राजा, एक,

¹³दबीरका राजा, एक, गेदेरका राजा, एक,

¹⁴होर्माका राजा, एक, आरादका राजा, एक,

¹⁵लिब्‍नाका राजा, एक, अदुल्‍लामका राजा, एक,

¹⁶मक्‍केदाका राजा, एक, बेथेलका राजा, एक,

¹⁷तप्‍पूहका राजा, एक, हेपेरका राजा, एक,

¹⁸अपेकका राजा, एक, लश्‍शारोनका राजा, एक,

¹⁹मादोनका राजा, एक, हासोरका राजा, एक,

²⁰शिम्रोन-मोरनका राजा, एक, अक्षापका राजा, एक,

²¹तानाकका राजा, एक, मगिद्दोका राजा, एक,

²²कादेशका राजा, एक, कर्मेलको योक्‍नाम राजा, एक,

²³डोरको डाँड़ाका राजा, एक, गिलगालको गयीमका राजा, एक,

²⁴र तिर्साका राजा, एक, यी सबै गरेर एकतीस राजाहरू थिए।