Read Nepali New Revised Version, 2012 यहोशू 15 Bible Online

यहोशू 15 - Nepali New Revised Version, 2012 bible

यहोशू 15

¹यहूदाका कुलको भाग तिनीहरूका वंश-वंशअनुसार एदोमको सिमानासम्‍म, र दक्षिणतर्फ जीनको उजाड़-स्‍थानसम्‍म थियो।

²तिनीहरूका दक्षिणको सिमाना खारा समुद्रको पल्‍लो छेउ, दक्षिणतर्फको खाड़ीदेखि सुरु भएको थियो।

³त्‍यो अक्रब्‍बीमको उकालोको दक्षिणतर्फदेखि भएर जीनलाई छिचलेर कादेश-बर्नेको दक्षिणपट्टिबाट उँभो लागेर हेस्रोनलाई छिचलेर अद्दारसम्‍म उकालो लागेर, कर्कामा घुमेर फिरेको थियो।

⁴त्‍यहाँबाट त्‍यो सिमाना अज्‍मोन छिचलेर मिश्रको खोलामा निस्‍केको थियो। त्‍यस सिमानाको अन्‍त समुद्रमा भएको थियो। तिनीहरूको दक्षिण सिमाना यही हो।

⁵पूर्वी सिमाना खारा समुद्र यर्दनको अन्‍तसम्‍मै थियो। उत्तरको सिमाना यर्दनको अन्‍तमा झीलको खाड़ीबाट सुरु भएर

⁶बेथहोग्‍लामा चढ़ाउ भई बेथ-अराबाबाट उत्तर छिचलेको थियो, र त्‍यो सिमाना रूबेन वंशी बोहनको ढुङ्गासम्‍म चढ़ेको थियो।

⁷त्‍यो सिमाना आकोरको बेँसीबाट दबीरसम्‍म चढ़ेर गएको थियो, अनि यसरी उत्तरतिर, खोलाको दक्षिणपट्टि भएको अदुम्‍मीमका उकालोको सोझै गिलगालतिर लागेको थियो। अनि त्‍यो सिमाना एन-शेमेश नाउँका तलाउको छेउ-छेउ लागेर एन-रोगेलमा निस्‍केको थियो।

⁸फेरि त्‍यही सिमाना बेनहिन्‍नोमको बेँसी भएर यबूसी, अर्थात्‌ यरूशलेमको दक्षिणपट्टि उकालो लागेको थियो। अनि त्‍यो सिमाना हिन्‍नोमका बेँसीको पश्‍चिमतिर भएका र रपाईहरूका बेँसीको पल्‍लोपट्टि उत्तरतिरका डाँड़ाको थाप्‍लोसम्‍मै पुगेको थियो।

⁹त्‍यही सिमाना डाँड़ाको थाप्‍लोबाट नेप्‍तोह नाउँ भएको पानीको मुहान पुगेर एप्रोन पहाड़का सहरहरूसम्‍म गएको थियो। फेरि त्‍यो सिमाना बाला, अर्थात्‌ किर्यत-यारीमसम्‍म पुगेको थियो।

¹⁰बालाबाट त्‍यो सिमाना सेइर पहाड़सम्‍म पश्‍चिमतिर मोड़िएर, यारीम डाँड़ाको (जसलाई कसालोन पनि भनिन्‍छ) उत्तर किनार भई बेथ-शेमेशसम्‍म झरेर तिम्‍नामा निस्‍केको थियो।

¹¹त्‍यो सिमाना फेरि एक्रोनको उत्तरतिर पुगेको थियो, र फेरि शिक्‍करोनमा पुगेर बाला डाँड़ा छिचलेर यब्‍नेलमा निस्‍की सो सिमाना समुद्रको किनारसम्‍म पुगेको थियो।

¹²पश्‍चिमी सिमानाचाहिँ महासमुद्रको [1] किनार भइहाल्‍यो। यहूदाका सन्‍तानका तिनीहरूका वंशअनुसार चारैतिरको सिमाना यही हो।

¹³यहोशूलाई परमप्रभुको आज्ञा भएअनुसार तिनले यपुन्‍नेका छोरा कालेबलाई यहूदामा यो भाग दिए, अर्थात्‌ अनाकका पुर्खा अर्बाको सहर, किर्यत-अर्बा, जसलाई हेब्रोन पनि भन्‍दछन्‌।

¹⁴कालेबले त्‍यहाँबाट तीन जना अनाकी, शेशै, अहीमन र तल्‍मै अनाक वंशीहरूलाई निकालिदिए।

¹⁵त्‍यहाँबाट तिनी दबीरका बासिन्‍दाहरूका विरुद्धमा गए। पहिले त दबीरको नाउँ किर्यत-सेपेर थियो।

¹⁶कालेबले भने, “जसले किर्यत-सेपेरलाई जितेर त्‍यसलाई कब्‍जा गर्छ त्‍यसैलाई म मेरी छोरी अक्‍सा विवाह गरिदिनेछु।”

¹⁷तब कालेबका भाइ कनजका छोरा ओत्‍निएलले त्‍यो कब्‍जा गरे र कालेबले आफ्‍नी छोरी अक्‍सालाई उनीसित विवाह गरिदिए।

¹⁸एक दिन अक्‍सा ओत्‍निएलकहाँ गएको समयमा तिनले आफ्‍ना बुबासँग एउटा जग्‍गा माग्‍नलाई उनलाई सुर्‍याइन्‌। जब अक्‍सा आफ्‍नो गधाबाट ओर्लिन्‌ तब कालेबले तिनलाई भने, “तँलाई के चाहियो?”

¹⁹तिनले भनिन्, “मलाई एक उपहार दिनुहोस्‌। तपाईंले मलाई नेगेवमा जग्‍गा दिनुभएको कारणले मलाई अब पानीका मुहानहरू पनि दिनुहोस्‌।” तब उनले तिनलाई माथिल्‍लो र तल्‍लो दुवै मुहानहरू दिए।

²⁰यहूदाका कुलको अधिकार तिनीहरूका वंश-वंशअनुसार यही हो:

²¹नेगेवमा सुदूर दक्षिण दिशा एदोमको सिमानातिर यहूदाका कुलको पल्‍लो छेउका सहरहरू यी नै थिए: कब्‍सेल, एदेर, यागूर,

²²कीना, दीमोना, अदादा,

²³केदेश, हासोर, यित्‍नान,

²⁴जीप, तेलेम, बालोत,

²⁵हासोरहादत्ता, किर्योत-हेस्रोन (जो हासोर हो),

²⁶अमाम, शेमा, मोलादा,

²⁷हसर-गद्दा, हेश्‍मोन, बेथ-पालेत,

²⁸हसर-शूआल, बेर्शेबा, बिज्‍योत्‍या,

²⁹बाला, ईम, एसेम,

³⁰एल्‍तोलद, कसील, होर्मा,

³¹सिक्‍लग, मद्‌मन्‍ना, सन्‍सन्‍ना,

³²लबाओत, शिल्‍हीम, ऐन र रिम्‍मोन। तिनीहरूका बस्‍तीहरूसमेत जम्‍मा उनन्‍तीस सहरहरू हुन्‌।

³³फेरि तराईमा चाहिँ: एश्‍तोल, सोरा, अश्‍ना,

³⁴जानोह, एनगन्‍नीम, तप्‍पूह, एनाम,

³⁵यर्मूत, अदुल्‍लाम, सोको, आजेका,

³⁶शारैम, अदीतैम, गदेरा र गदेरोतेम। तिनीहरूका बस्‍तीहरूसमेत चौध सहरहरू हुन्‌।

³⁷सनान, हदाशा, मिग्‍दलाद,

³⁸दिलान, मिस्‍पा, योक्‍तेल,

³⁹लाकीश, बोस्‍कत, एग्‍लोन,

⁴⁰कोब्‍बन, लहमास, कितलीश,

⁴¹गदेरोत, बेथ-दागोन, नामा र मक्‍केदा। तिनीहरूका बस्‍तीसमेत सोह्र सहरहरू हुन्‌।

⁴²लिब्‍ना, एतेर, आशान,

⁴³यिप्‍ताह, अश्‍ना, नसीब,

⁴⁴कीलाह, अक्‍जीब र मारेशा। तिनीहरूका बस्‍तीहरूसमेत नौ सहरहरू हुन्‌।

⁴⁵त्‍यसका सहरहरू र बस्‍तीहरूसमेत एक्रोन,

⁴⁶एक्रोनदेखि पश्‍चिमतिर अश्‍दोदका नजिकका सबै सहरहरू, तिनीहरूका बस्‍तीहरूसमेत,

⁴⁷अश्‍दोद, त्‍यसका सहरहरू र बस्‍तीहरूसमेत, गाजा, त्‍यसका सहरहरू र बस्‍तीहरूसमेत, मिश्रको खोला र महासमुद्रको किनारसम्‍मै।

⁴⁸फेरि पहाड़ी देशमा चाहिँ: शामीर, यत्तीर, सोको,

⁴⁹दन्‍ना, किर्यत-सन्‍ना (जो दबीर हो),

⁵⁰अनाब, एश्‍तमोह, अनीम,

⁵¹गोशेन, होलोन र गीलोह। तिनीहरूका बस्‍तीहरूसमेत एघार सहरहरू हुन्‌।

⁵²अरब, दुमा, एशान,

⁵³यानूम, बेथ-तप्‍पूह, अपेका,

⁵⁴हुम्‍ता, किर्यत-अर्बा (जो हेब्रोन हो) र सीओर। तिनीहरूका बस्‍तीहरूसमेत नौ सहरहरू हुन्‌।

⁵⁵माओन, कर्मेल, जीप, युत्ता,

⁵⁶यिजरेल, योक्‍दाम, जानोह,

⁵⁷कैन, गिबा र तिम्‍ना। तिनीहरूका बस्‍तीहरूसमेत दश सहरहरू हुन्‌।

⁵⁸हल्‍हूल, बेथ-सर, गदोर,

⁵⁹मारात, बेथ-अनोत र एल्‍तकोन। तिनीहरूका बस्‍तीहरूसमेत छ सहरहरू हुन्‌।

⁶⁰किर्यत-बाल (जो किर्यत-यारीम हो) र रब्‍बा। तिनीहरूका बस्‍तीहरूसमेत दुई सहरहरू हुन्‌।

⁶¹फेरि उजाड़-स्‍थानमा चाहिँ: बेथ-अराबा, मिद्दीन र सकाका,

⁶²निब्‍शान, नूनको सहर र एन-गदी। तिनीहरूका बस्‍तीहरूसमेत छ सहरहरू हुन्‌।

⁶³यरूशलेमका बासिन्‍दा यबूसीहरूलाई त यहूदाका सन्‍तानले धपाउन सकेनन्‌। ती यबूसीहरू आजको दिनसम्‍म यरूशलेमका यहूदाका सन्‍तानसँगै रहेका छन्‌।