Read New Revised Asante Twi Bible 1 Berɛsosɛm 26 Bible Online

1 Berɛsosɛm 26 - New Revised Asante Twi Bible bible

1 Berɛsosɛm 26

¹ Apono ano ahwɛfoɔ no mu nkyekyɛmu nie: Korafoɔ no mu: Kore ba Meselemia, ɔfiri Asaf mma mu.

²Na Meselemia wɔ mma: Sakaria n’abakan, Yediael tɔ so mmienu, Sebadia tɔ so mmiɛnsa, Yatniel tɔ so nnan,

³Elam tɔ so nnum, Yohanan tɔ so nsia, Eliehoenai tɔ so nson.

⁴Na Obed-Edom wɔ mma: Semaia n’abakan, Yehosabad tɔ so mmienu, Yoah tɔ so mmiɛnsa, Sakar tɔ so nnan, Netanel tɔ so nnum,

⁵Amiel tɔ so nsia, Isakar tɔ so nson, Peuletai tɔ so nwɔtwe, na Onyankopɔn ahyira no.

⁶Na ne ba Semaia nso, wɔwoo mmammarima maa no, na wɔdii wɔn agya fie so, na wɔyɛ mmarima a wɔtumi wɔn ho.

⁷Semaia mma ne: Otni ne Refael ne Obed, Elsabad a ne nuanom Elihu ne Semakia yɛ nnipa a wɔtumi wɔn ho.

⁸Yeinom nyinaa firi Obed-Edom mma mu, wɔne wɔn mma ne wɔn nuanom, mmarima a wɔtumi wɔn ho a wɔwɔ ɔsom mu ahoɔden, wɔyɛ aduosia mmienu a wɔyɛ Obed-Edom asefoɔ.

⁹Na Meselemia wɔ mma ne anuanom, nnipa a wɔtumi wɔn ho, dunwɔtwe.

¹⁰Na Hosa a ɔfiri Merari mma mu no wɔ mma: Simri ne panin, (ɔnyɛ abakan deɛ, nanso n’agya na ɔde no sii tire).

¹¹Hilkia tɔ so mmienu, Tebalia tɔ so mmiɛnsa, Sakaria tɔ so nnan; Hosa mma ne ne nuanom nyinaa yɛ dummiɛnsa.

¹²Yeinom ne apono ano ahwɛfoɔ no nkyekyɛmu, sɛdeɛ mmarima no atitire teɛ. Wɔwɔ ɔwɛn adwuma wɔn nuanom ntentensoɔ, sɛ wɔnsom AWURADE fie.

¹³ Na wɔtwee ntonto, nkumaa ne akɛseɛ so, sɛ wɔn mpanimfie teɛ, de yiyii wɔn apono.

¹⁴Na apueeɛ ntonto no firi maa Selemia. Na ne ba Sakaria a ɔyɛ nimdeɛ mu fotufoɔ no nso, wɔtwee ntonto no, ɔnyaa atifi fam.

¹⁵Obed-Edom nyaa anafoɔ fam, na ne mma deɛ ne anoboa dan no.

¹⁶Supim ne Hosa deɛ wɔ atɔeɛ fam, Saleket pono ho, aforoeɛ tempɔn no so, ɔwɛn wɔ ɔwɛn ntentensoɔ.

¹⁷Lewifoɔ baasia wɔ apueeɛ, baanan wɔ atifi fam da biara, baanan wɔ anafoɔ fam da biara, na anoboa dan no ho deɛ, baanu baanu.

¹⁸Parbar a ɛwɔ atɔeɛ fam no, nnipa baanan wɔ ɔtempɔn no ano, na baanu wɔ Parbar ho.

¹⁹Yeinom ne apono ano ahwɛfoɔ nkyekyɛmu no, Korafoɔ mma ne Merari mma no mu.

²⁰Na Ahia a ɔyɛ Lewifoɔ no mu bi di Nyankopɔn fie akoradeɛ ne akronkronneɛ akoradeɛ no so:

²¹ Ladan mma, Gersonni no mma a wɔyɛ Ladan deɛ no, Gersonni Ladan agyanom atitire: Yehieli.

²²Yehieli mma, Setam ne ne nua Yoel, hwɛɛ AWURADE fie akoradeɛ no so.

²³Amramfoɔ, Yisharfoɔ, Hebronfoɔ, Usielfoɔ no mu

²⁴ na Mose ba Gersom ba Sebuel di akoradeɛ no so panin.

²⁵ Na ne nuanom yɛ Eliesa deɛ: Ne ba Rehabia, ne ba Yesaia, ne ba Yoram, ne ba Sikri, ne ba Selomot.

²⁶Ɔno Selomot ne ne nuanom di akronkronneɛ a Dawid a ɔyɛ ɔhene no ne agyanom atitire, mpem mpem ne ɔha ha so asafohene ne dɔm asafohene no yɛɛ no kronkron no akoradeɛ nyinaa so,

²⁷akodie mu asadeɛ na wɔyii bi yɛɛ no kronkron sɛ wɔde asiesie AWURADE fie.

²⁸Na nnoɔma nyinaa nso a ɔdehunufoɔ Samuel ne Kis ba Saulo ne Ner ba Abner ne Seruia ba Yoab yɛɛ no kronkron no, ɛhyɛ Selomot ne ne nuanom nsa.

²⁹Yisharfoɔ mu na Kenania ne ne mma yɛ Israel so anihumafoɔ adwuma mu, wɔyɛ atwerɛfoɔ ne atemmufoɔ.

³⁰Hebronfoɔ mu na Hasabia ne ne nuanom, nnipa a wɔtumi wɔn ho, apem ahanson, hwɛɛ Israel so, Yordan atɔeɛ fam, AWURADE adwuma ne ɔhene som nyinaa fam.

³¹Hebronfoɔ no mu na Yeria yɛ panin sɛdeɛ Hebronfoɔ no awoɔ ntoatoasoɔ ne agyanom teɛ. (Dawid ahennie afe a ɛtɔ so aduanan mu na wɔhwehwɛɛ wɔn mu, na wɔhunuu wɔn mu mmarima a wɔtumi wɔn ho wɔ Yaser-gilead.)

³²Na ne nuanom, nnipa a wɔtumi wɔn ho yɛ mpennu ahanson, na Ɔhene Dawid de wɔn sisii Rubenfoɔ ne Gadfoɔ ne Manase abusuakuo fa no so, Nyankopɔn ne ɔhene nsɛm nyinaa fam.