Read New Revised Asante Twi Bible 2 Berɛsosɛm 22 Bible Online

2 Berɛsosɛm 22 - New Revised Asante Twi Bible bible

2 Berɛsosɛm 22

¹ Na Yerusalemfoɔ de ne ba kumaa Ahasia sii hene n’ananmu, ɛfiri sɛ ne mma mpanimfoɔ no nyinaa, afomfafoɔ asafo a wɔne Arabfoɔ no baa nsra mu no kunkumm wɔn. Na Yehoram ba Ahasia dii Yuda hene.

²Ahasia dii mfeɛ aduanan mmienu na ɔbɛdii hene, na ɔdii hene afe baako wɔ Yerusalem. Na ne na din de Atalia a ɔyɛ Omri ba.

³Ɔno nso nantee Ahab fie akwan so, ɛfiri sɛ ne na tuu no fo sɛ ɔnni asɛmmɔne.

⁴Na ɔyɛɛ AWURADE ani so bɔne sɛ Ahab fie, ɛfiri sɛ n’agya wuo akyiri no wɔn na wɔtuu no foɔ, na ɛmaa no guu asu.

⁵Wɔn afotuo nso so na ɔnam kɔeɛ, na ɔne Israelhene Yehoram a ɔyɛ Ahab ba kɔɔ ɔsa ne Siriahene Hasael kɔkoe wɔ Ramot-gilead. Na Siriafoɔ no piraa Yehoram.

⁶Na ɔsanee sɛ ɔrekɔsa ne ho yadeɛ Yesreel afiri pira a ɔne Siriahene Hasael reko no, wɔpirapiraa no Rama no mu. Na Yudahene Yehoram ba Asaria siane kɔɔ sɛ ɔrekɔhwɛ Ahab ba Yehoram Yesreel, ɛfiri sɛ na ɔyare.

⁷ Na Onyankopɔn na ɔde asiane bɛsianee Ahasia sɛ ɔnkɔ Yehoram nkyɛn. Na ɔduruiɛ no, ɔne Yehoram fie kɔhyiaa Nimsi ba Yehu a AWURADE asra no sɛ ɔnsɛe Ahab fie.

⁸ Na Yehu rebu Ahab fie atɛn no, ɔkɔtoo Yuda mmapɔmma ne Ahasia nuanom mma a wɔsom Ahasia no, na ɔkunkumm wɔn.

⁹ Na ɔkɔhwehwɛɛ Ahasia, na wɔkyeree no, na ɔno deɛ, na ɔde ne ho ahunta Samaria. Na wɔde no brɛɛ Yehu, na wɔkumm no. Na wɔsiee no, na wɔkaa sɛ: Yehosafat a ɔde n’akoma nyinaa hwehwɛɛ AWURADE no ba ne no. Na obiara nni Ahasia fie bio a ɔbɛnya ahennie no ho ahoɔden.

¹⁰ Na Ahasia na Atalia hunuu sɛ ne ba awuo no, ɔsɔre kɔdwerɛɛ adehyeɛ a wɔwɔ Yuda fie nyinaa.

¹¹Na ɔhene babaa Yehosabat faa Ahasia ba Yoas, na ɔwiaa no firii ɔhene mma a wɔreku wɔn no mu, na ɔde no ne ne ɔbagyegyefoɔ hyɛɛ pia mu. Na sɛ Ɔhene Yehoram babaa Yehosabat a ɔyɛ Ɔsɔfoɔ Yehoiada yere no yɛ Ahasia nuabaa nti, ɔde no hunta firii Atalia anim, na wanku no.

¹²Na ɔne wɔn tenaa Nyankopɔn fie, huntaa mfeɛ nsia. Na Atalia dii asase no so hemmaa.