Read New Revised Asante Twi Bible Nehemia 11 Bible Online

Nehemia 11 - New Revised Asante Twi Bible bible

Nehemia 11

¹ Na ɔman no akannifoɔ no te Yerusalem; na ɔman no nkaeɛ twee ntonto sɛ wɔde nnipa du mu baako bɛtena Yerusalem, kuro kronkron no mu, na baakron atenatena nkuro mu.

²Na ɔman no hyiraa mmarima a wɔyii wɔn yam sɛ wɔrebɛtena Yerusalem no nyinaa.

³ Na ɔmantam no so atitire a wɔtenaa Yerusalem no nie: Nso Yuda nkuro no mu deɛ, wɔn nyinaa tenatenaa wɔn agyapadeɛ so wɔ wɔn nkuro mu. Israel yɛ asɔfoɔ ne Lewifoɔ ne nsɔfokwaa ne Salomo nkoa mma no.

⁴Na Yerusalem deɛ, Yuda mma no bi ne Benyamin mma no bi tenaa hɔ. Yuda mma no mu: Usia ba Ataia, Sakaria ba, Amaria ba, Sefatia ba, Mahalalel ba a ɔfiri Peres mma no mu.

⁵Ne Baruk ba Maaseia, Kol-hose ba, Hasaia ba, Adaia ba, Yoiarib ba, Sakaria ba, Siloni ba.

⁶Peres mma a wɔtenaa Yerusalem nyinaa yɛ ahanan aduosia nwɔtwe, mmarima a wɔtumi wɔn ho.

⁷Na Benyamin mma nie: Mesulam ba Salu, Yoed ba, Pedaia ba, Kolaia ba, Maaseia ba, Itiel ba, Yesaia ba;

⁸na n’akyiri no: Gabai, Salai: Ahankron aduonu nwɔtwe.

⁹Na Sikri ba Yoel ne wɔn so hwɛfoɔ; na Senua ba Yuda di kuro no fa a ɛtɔ so mmienu no so.

¹⁰Asɔfoɔ mu: Yoiarib ba Yedaia, Yakin;

¹¹Hilkia ba Seraia, Mesulam ba, Sadok ba, Meraiot ba, Ahitub ba a ɔyɛ Nyankopɔn fie panin;

¹²ne wɔn nuanom a wɔyɛ efie no mu adwuma no, ahanwɔtwe aduonu mmienu; ne Yeroham ba Adaia, Pelalia ba, Amsi ba, Sakaria ba, Pasur ba, Malkia ba,

¹³ne ne nuanom, agyanom so atitire, ahanu aduanan mmienu. Ne Asarel ba Amasai, Ahsai ba, Mesilemot ba, Imer ba,

¹⁴ne wɔn nuanom, mmarima a wɔtumi wɔn ho: Ɔha aduonu nwɔtwe; na wɔn so hwɛfoɔ ne Hagedolim ba Sabdiel.

¹⁵Lewifoɔ mu nso: Hasub ba Semaia, Asrikam ba, Hasabia ba, Buni ba

¹⁶ne Sabetai ne Yosabad, wɔdi Nyankopɔn fie anihumafoɔ so, wɔfiri Lewifoɔ atitire no mu;

¹⁷ne Mika ba Matania, Sabdi ba, Asaf ba, otitire a ɔfiri aseda dwom ase mpaebɔ mu, ne Bakbukia a ɔdi hɔ ne nuanom mu, ne Samua ba Abda, Galal ba, Yedutun ba.

¹⁸Lewifoɔ a wɔwɔ kuro kronkron no mu no nyinaa ano si ahanu aduɔwɔtwe nnan.

¹⁹Na apono ano ahwɛfoɔ no: Akub, Talmon ne wɔn nuanom a wɔwɛn apono ano no: Ɔha aduɔson mmienu.

²⁰Na Israel nkaeɛ no, asɔfoɔ no, Lewifoɔ no wɔ Yuda nkuro mu tete wɔn agyapadeɛ so.

²¹Na nsɔfokwaa no tenaa Ofel. Na Siha ne Gispa di nsɔfokwaa no so.

²²Na Lewifoɔ a na wɔte Yerusalem no so hwɛfoɔ ne Bani ba Usi, Hasabia ba, Matania ba, Mika ba, Asaf mma no mu nnwontofoɔ wɔ hɔ ma Nyankopɔn fie adwuma no.

²³Na ɔhene mmara nsɛm wɔ wɔn ho, na wɔahyɛ kyɛfa bi ama nnwontofoɔ no, da biara ne ne deɛ.

²⁴Na Mesesabel ba Petahia a ɔfiri Yuda ba Sera mma mu no hyɛ ɔhene ase ɔman no ho asɛm nyinaa mu.

²⁵ Na wɔn adɔsase so nkuraa no deɛ, Yudafoɔ no mu bi tenatenaa Kiriat-arba ne ɛho nkurowa mu, ne Dibon ne ɛho nkurowa mu, ne Yekabseel ne ɛho nkuraa mu,

²⁶ne Yesua ne Molada ne Bet-pelet,

²⁷ne Hasar-sual ne Beer-seba ne ɛho nkurowa mu,

²⁸ ne Siklag ne Mekona ne ɛho nkurowa mu,

²⁹ne En-rimon, ne Sora, ne Yarmut,

³⁰Sanoa, Adulam ne wɔn nkuraa mu, Lakis ne ɛho mfofowa so, Aseka ne ɛho nkurowa mu, na wɔtenatenaa firi Beer-seba kɔsii Hinom bonhwa mu.

³¹ Na Benyamin mma a wɔfiri Geba no tenaa Mikmas ne Aia ne Betel ne ɛho nkurowa mu,

³²Anatot, Nob, Anania,

³³Hasor, Rama, Gitaim,

³⁴Hadid, Seboim, Nebalat,

³⁵Lod ne Ono, adwumfoɔ tenaa bonhwa mu.

³⁶Na Lewifoɔ no mu nkyekyɛmu a wɔyɛ Yuda deɛ no bi fraa Benyamin mu.