Read New Revised Asante Twi Bible Hiob 36 Bible Online

Hiob 36 - New Revised Asante Twi Bible bible

Hiob 36

¹Na Elihu kɔɔ so sɛ:

²Ma me kwan kakra, na menkyerɛ wo, na meda so wɔ nsɛm bi meka ma Onyankopɔn.

³Mɛfa me nimdeɛ afiri akyirikyiri, na mede me yɛfoɔ no bem ama no.

⁴Na ampa, me nsɛm nyɛ atorɔ, deɛ ɔdi mu nimdeɛ mu na ɔne wo wɔ hɔ yi.

⁵Hwɛ, Onyankopɔn yɛ ɔkɛseɛ, na ɔmmu obi animtia, ɔyɛ ɔkɛseɛ, nteaseɛ tumi mu.

⁶ Ɔmma ɔbɔnefoɔ nnya nkwa, na ɔde amanehunufoɔ bem ma wɔn.

⁷Ɔnyi n’ani mfiri ɔteneneeni so, na ɔma wɔne ahemfo tena adwa so daa, na wɔma wɔn so.

⁸Na sɛ wɔgu wɔn nkɔnsɔnkɔnsɔn, na wɔde amaneɛ nhoma kye wɔn a,

⁹ɛnna ɔka wɔn nneyɛɛ kyerɛ wɔn, ne wɔn mmarato, sɛ wɔama wɔn ho soɔ,

¹⁰ na ɔbue wɔn aso ma atenetene, na ɔka sɛ wɔnsane mfiri abusudeɛ ho.

¹¹Sɛ wɔtie na wɔsom no a, wɔwie wɔn nna di yiedie mu, ne wɔn mfeɛ nso deɛ ɛyɛ wɔn dɛ mu.

¹²Na sɛ wɔantie a, wɔtɔ dadeɛ ano, na wɔgyaa mu nimdeɛ a abɔ wɔn no mu.

¹³Na akoma mu ansuronyamefoɔ kora abufuo, sɛ ɔkyekyere wɔn a, wɔnkoto nsrɛ.

¹⁴Wɔn kra wu mmeranteberɛ mu, na wɔn nkwa sɛe sɛ nnwamamfoɔ deɛ no.

¹⁵ Ɔyi ɔmanehunufoɔ n’amaneɛ mu, na ɔbue wɔn aso ahodwan no mu.

¹⁶Anka ɔbɛgye wo nso afiri ahohiahia mu akɔ deɛ ɛhɔ trɛ a ahokyere nnie hɔ, na sradeɛ ayɛ wo pono so aduane ma.

¹⁷Nanso ɔbɔnefoɔ atemmuo ayɛ wo ma, atemmuo ne atɛntenenee asɔ wo mu.

¹⁸Na mma abufuo nnnyegye wo nnkɔ ahiyie mu, na mma agyedeɛ no dodoɔ nnhima w’ani.

¹⁹W’ahonyadeɛ anaa wo tumi ahoɔdenneɛ nyinaa de wo bɛsi deɛ ahohiahia nnie hɔ anaa?

²⁰Mpere anadwo ho, sɛ ɛmmɛpra aman mfiri wɔn afa.

²¹Hwɛ yie, nnane w’ani nkɔ ahuhudeɛ so, ɛfiri sɛ wopɛ ɛno mmom sene amanehunu.

²² Hwɛ, Onyankopɔn di ne tumi mu asɛnkɛseɛ, hwan ne ɔkyerɛkyerɛfoɔ sɛ ɔno?

²³Hwan na ɔhyɛɛ no sɛdeɛ ɔnyɛ n’adeɛ mfa, na hwan na ɔbɛka sɛ: Woadi asɛmmɔne?

²⁴Kae sɛdeɛ wobɛkamfo ne nneyɛɛ a adasa ato ho dwom no.

²⁵Nnipa nyinaa hwɛ ara; ɔdasani firi akyirikyiri hwɛ.

²⁶Hwɛ, Onyankopɔn so, na yɛnni no; ne mfeɛ dodoɔ nso mu nni hwehwɛbea.

²⁷ Ɔno na ɔtwe nsuo ntoantoa a ɛsosɔ tɔ ne mununkum mu nsuo,

²⁸na ɛfiri mununkum mu tɔ gu fam, ɛtɔ pii gu nnipa so.

²⁹ Obi bɛtumi ate mununkum mu trɛ ne ne ntomadan mu kurududuyɛ no ase anaa?

³⁰ Hwɛ, ɔtrɛ ne hann mu wɔ ne so, na ɔkata ɛpo nhini so.

³¹Na ɛno na ɔde di aman asɛm, ɔde aduane bebree nso ma.

³²Ɔde hann katakata ne nsa ho, na ɔhyɛ ma no kɔsi botaeɛ bi mu.

³³Ne mmobom ka ne ho asɛm, mmoakuo mpo ka asɛm fa ahum a ɛreba ho.