Read New Revised Asante Twi Bible Nnwom 1 Bible Online

Nnwom 1 - New Revised Asante Twi Bible bible

Nnwom 1

¹ Nhyira ne onipa a ɔnnante abɔnefoɔ agyina mu, na ɔnnyina nnebɔneyɛfoɔ kwan soɔ, na ɔntena fɛdifoɔ tenabea,

² na mmom n’ani gye AWURADE mmara ho, na ɔdwene ho awia ne anadwo.

³ Ɔte sɛ dua a atim asubɔnten ho a ɛso n’aba ne berɛ mu, na n’ahahan mpo, na deɛ ɔyɛ nyinaa bɛwie yie.

⁴ Na abɔnefoɔ deɛ, wɔnte saa, na wɔte sɛ ntɛtɛ a mframa bɔ guo.

⁵Enti abɔnefoɔ renni bem atemmuo mu, na nnebɔneyɛfoɔ rennya kyɛfa wɔ teneneefoɔ asafo mu.

⁶ Ɛfiri sɛ AWURADE nim teneneefoɔ kwan, na abɔnefoɔ kwan deɛ, ɛbɛyera.